ដោយៈ គង់ សូរិយា
ភ្នំពេញៈ សម្តេចធិបតីហ៊ុន ម៉ាណែតនាយករដ្ឋមន្រ្តីនៃកម្ពុជាបាបានលើកឡើងនិងបញ្ជាក់ពីយន្តការមួយចំនួន ទាក់ទងនឹងការអនុញ្ញាត្តឲ្យជនបរទេសទិញដី និងលំនៅដ្ឋានជាប់ដីនៅកម្ពុជា។
សម្ដេចធិបតីនាយករដ្ឋមន្ត្រីបានថ្លែងក្នុងវេទិការរដ្ឋ និងវិស័យឯកជនលើកទី១៩ នាព្រឹកថ្ងៃទី១៣ វិច្ឆិកានេះ ដោយបានរំលឹកថា ទោះបីជនបរទេស មិនមានសិទ្ធិទិញដី ឬផ្ទះនៅជាន់ផ្ទាល់ដីក្ដី តែជនបរទេសមានសិទ្ធិស្របច្បាប់ នៅក្នុងការជួលរយៈពេលវែង គឺរហូតដល់៥០ឆ្នាំ។
សម្តេចបានបញ្ជាក់ថា “នេះគឺជា យន្តការសិទ្ធិជួលរយៈពេលវែង ដែលរដ្ឋាភិបាលអាណត្តិមុនៗ បានដាក់ចេញរួចទៅហើយ”។
សម្ដេចធិបតីនាយករដ្ឋមន្ត្រី ប្រកាសលើកលែងពន្ធប្រថាប់ត្រាបន្ថែមទៀត ចំពោះលំនៅឋានដែល មានតម្លៃលើសពី៧០,០០០ដុល្លារឡើងទៅ។ អ្នកទិញលំនៅឋាន ដែលមានតម្លៃ៧០,០០០ ដុល្លារចុះ នឹងត្រូវរួចពន្ធប្រថាប់ត្រា៕
