ដោយវុត្ថា
ភ្នំពេញ៖ មជ្ឈមណ្ឌលកម្សាន្តដ៏ធំជាងគេ និងដំបូងបង្អស់ក្នុងប្រទេសកម្ពុជា Garden City Water Park ដែលវិនិយោគដោយអ្នកឧកញ៉ា លី យ៉ុង ផាត់ជិតបើដំណើរការជាផ្លូវ ហើយនាពេលខាងមុខនេះ។ នេះ បើយោងតាមការផ្សព្វផ្សាយគេហទំព័រហ្វេសបុក Garden City Water Park កាលពីពេលថ្មីៗកន្លងមក។
ទំព័រហ្វេសបុកនេះ សរសេរថា សួនទឹកលំដាប់ពិភពលោក នឹងបើកឱ្យដំណើរនាពេលខាងមុខឆាប់ៗនេះនៅក្នុងទីក្រុងភ្នំពេញ ។ វានឹងក្លាយជាសួនទឹកដ៏ធំជាងគេ និងដំបូងបង្អស់ក្នុងប្រទេសកម្ពុជាជាមួយនឹងគុណភាពអន្តរជាតិ និងស្តង់ដារអន្តរជាតិខ្ពស់ ។ A world-class Water Park will be opening soon in Phnom Penh. It will be Cambodia’s first Water Park with International quality and safety standards.
ទំព័រហ្វេសបុកដដែលនេះ បន្តថា “កាន់តែកៀកមែនទែនហើយ!សម្រាប់បងៗដែលទន្ទឹងរង់ចាំ ដើម្បីមកកម្សាន្តនៅសួនទឹក ហ្គាឌិន ស៊ីធី វ៉តធើផាក។ ជួបគ្នាក្នុងពេលដ៏ខ្លីខាងមុខនេះ។ រីករាយទាំងគ្រួសារជាមួយសួនទឹកដ៏ធំបំផុតនៅក្នុងប្រទេសកម្ពុជា” ។
សួនទឹកដ៏ធំនេះ សាងសង់នៅក្បែរនឹងសួនសត្វ The Safari ។ មជ្ឈមណ្ឌលកំសាន្ត សួនទឹកហ្គាឌិន ស៊ីធី មានកន្លែកម្សាន្តជាច្រើនដូចជា៖ ឋានសួគ៌រលក ឋានសួគ៌កុមារ ស្គីរលក ទរអិលដែលមានស្តង់ដាអន្តរជាតិ និងភោជនីយដ្ឋាន។
សួនទឹកហ្គាឌិន ស៊ីធី សាងសង់លើផ្ទៃដី ៦ហិកតាដែលស្ថិតនៅក្នុងតំបន់អភិវឌ្ឍន៍ទីក្រុងរណបថ្មីរបស់អ្នកឧកញ៉ា លី យ៉ុង ផាត់ ក្នុងសង្កាត់ព្រែកតាសេក ខណ្ឌជ្រោយចង្វារ ប្រមាណ ១៨ គីឡូម៉ែត្រ ពីរាជធានីភ្នំពេញជាប់នឹងសួនសត្វ Phnom Pen Safari ។ តែយ៉ាងណាក៏ដោយ គេមិនបានបញ្ជាក់ពេលវេលាជាក់លាក់នៅឡើយទេ ក្នុងការបើកឱ្យដំណើរការនេះ។
សួនទឹកអង្គរ – Angkor Water Park បានផ្លាសប្ដូរឈ្មោះមក សួនទឹក ហ្គាដេនស៊ីធី Garden City Water Park កំពុងដំណើរការសាងសង់ គ្រោងបញ្ចប់នៅដើមឆ្នាំ ២០២០ នេះ ដែលវិនិយោគដោយ ក្រុមហ៊ុន LYP Group មានទឹកប្រាក់វិនិយោគ ប្រមាណជាង ៥៥ លានដុល្លារអាមេរិក។
សួនទឹក Garden City Water Park សាងសង់ដោយ white water group របស់ក្រុមហ៊ុនអង់គ្លេស មានឧបករណ៍កំសាន្តច្រើនជាងសួនទឹក Cartoon Newtwork របស់ថៃ ៥0% មានរលកសម្បនិមិត្តកម្ពស់ ៣.៥ ម៉ែត្រ និងទំហំ ៦.៣ ហិចតា ហើយវានឹងក្លាយជាសួនទឹកធំលំដាប់ទី៣ ប្រចាំតំបន់អាស៊ាន បន្ទាប់ពីសួនទឹក Sunway lagoon ដែលមានទំហំ ៣២ ហិចតា របស់ម៉ាឡេស៊ី និង សួនទឹក Ramaynak ទំហំ ១៨ ហិចតារបស់ថៃ ទើបតែបើកថ្មីៗនេះ Garden City Water Park ដែលត្រៀមទម្លាក់តំណែងសួនទឹក Cartoon Network Pattaya របស់ថៃ លើទំហំដី ៥.៧ ហិចតា ទៅលំដាប់ទី៤ ផងដែរ ។
លោក សេង ង៉ុក អគ្គនាយកក្រុមហ៊ុន LYP Group ធ្លាប់បានឱ្យដឹងថា ការអភិវឌ្ឍន៍ សួន Garden City Water Park នេះនឹងផ្តល់ឱ្យទីក្រុងភ្នំពេញនូវសួនទឹក និងកន្លែងកម្សាន្តដែលមានលក្ខណៈស្តង់ដារអន្តរជាតិ។ សួនទឹកកម្សាន្តនេះ គឺជាគម្រោងធំជាងគេទី១ក្នុងតំបន់អាស៊ី ពោលគឺដណ្តើមតំណែងធំជាងសួនទឹកកម្សាន្ត នៅប៉ាតាយ៉ា ប្រទេសថៃ ដែលមានឈ្មោះថា Cartoon Network Waterpark រហូតដល់ទៅ ៥០ភាគរយឯណោះ។
លក្ខណៈពិសេសរបស់សួនទឹកកម្សាន្តដ៏ធំដំបូងគេបង្អស់នៅកម្ពុជានេះ មានកន្លែងសំខាន់ៗ ដូចជា សមុទ្រសិប្បនិម្មិត ដែលទឹករលកកម្ពស់៣ម៉ែត្រកន្លះ ទឹកជ្រោះធ្លាក់ដ៏ស្រស់ស្អាត កន្លែងរំអិលទឹកខ្ពស់ ទឹករាំតាមចង្វាក់ភ្លេង កន្លែងក្មេងលេងជាច្រើន និងកន្លែងសំខាន់ៗផ្សេងទៀត។ សួនទឹកកម្សាន្ត Garden City Water Parkនេះ សាងសង់រំលេចទៅតាមបែបរចនាបថសម័យអង្គរដែលមានរូបអប្សរា ដំរី បាយ័ន អង្គរវត្ត លាយឡំទៅនឹងរចនាបថសម័យទំនើបមកពីអឺរ៉ុប និងអាមេរិក៕
