ដោយ មករា
ភ្នំពេញ៖ នៅក្នុងស្ថានភាពដែលពិភពលោកទាំងមូលកំពុងតែទទួលការគម្រាមកំហែងពីវីរុសកូវីដ១៩នាពេលនេះ វាបានធ្វើឲ្យប៉ះពាល់ទៅដល់វិស័យជាច្រើនរួមទាំងវិស័យអចលនទ្រព្យផងដែរ។ យ៉ាងណាមិញ នៅក្នុងបញ្ហាទាំងអស់ដែលបានកើតឡើង វាក៏មានបង្កប់នូវឱកាសមាសផ្សេងៗជាច្រើនក្នុងនោះផងដែរ។
ទន្ទឹមនឹងនេះដែរ នៅក្នុងស្ថានភាពដែលអាជីវកម្មជាច្រើនកំពុងទទួលរងនូវផលប៉ះពាល់ ហើយអ្នកវិនិយោគគិនមួយចំនួន កំពុងខ្លាចរអានៅក្នុងការបោះទុនវិនិយោគ អ្នកជំនួញវ័យក្មេងរូបស្រស់ពេញដោយបទពិសោធន៍ខ្ពស់គឺ លោកលី សុខឆាយ បច្ចុប្បន្នគឺជាអគ្គនាយកក្រុមហ៊ុនអចនទ្រព្យ LSCG REAL ESTATE Co.,LTD ជាក្រុមហ៊ុនបម្រើសេវាកម្មទិញលក់អចនទ្រព្យដ៏លេចធ្លោមួយនៅកម្ពុជា លោកបែរជាមានទស្សនវិស័យជាវិជ្ជមានចំពោះពេលបច្ចុប្បន្ន និងនាពេលអនាគតដ៏ខ្លីខាងមុខនេះទៅវិញ។ ជាក់ស្ដែងនៅក្នុងស្ថានភាពបែបនេះ លោកបានទាក់ទាញវិនិយោគិនបរទេសបោះទុនវិនិយោគរហូតដល់ ៥ លានដុល្លារ ដើម្បីដេញថ្លៃផ្គត់ផ្គង់គម្រោងធំៗជាច្រើននៅកម្ពុជា ក៏ដូចជាក្លាយជាផ្នែកមួយក្នុងការជួយជ្រោមជ្រែងវិស័យអចលនទ្រព្យ និងសេដ្ឋកិច្ចនៅកម្ពុជាផងដែរ។
នៅក្នុងកិច្ចសម្ភាសន៍ជាមួយ លោក លី សុខឆាយ អ្នកជំនួញវ័យក្មេងដែលមានជំនាញខ្ពស់ក្នុងវិស័យអចលនទ្រព្យរូបនេះបានបង្ហើបឱ្យដឹងថា ដោយយោងតាមការសង្កេតមើលស្ថានភាពសេដ្ឋកិច្ច និងអចលនទ្រព្យនាពេលបច្ចុប្បន្ន គឺហាក់ដូចជាមានស្ថានភាពមិនសូវល្អនោះទេ ពោលគឺការទិញលក់អចលនទ្រព្យភាគច្រើនមានការធ្លាក់ចុះជាគំហុក ប៉ុន្តែសម្រាប់លោកផ្ទាល់ បែរជាមើលឃើញថា នៅក្នុងកាលៈទេសៈបែបនេះ វាជាឱកាសមាសដ៏កម្រមួយ ដែលកំពុងតែបង្កប់នៅក្នុងស្ថានភាពដែលមិនសូវអំណោយផលនេះទៅវិញ ជាពិសេសគឺ ឱកាសក្នុងការបោះទុនវិនិយោគលើការផ្គត់ផ្គង់គម្រោងអចលនទ្រព្យធំៗមួយចំនួននេះតែម្ដង។
អាស្រ័យហេតុនេះហើយទើបលោក សម្រេចចិត្តយកធនធានមួយផ្នែករបស់ក្រុមហ៊ុន ធ្វើការវិនិយោគបន្ថែម ដោយផ្ដោតទៅលើការដេញថ្លៃប្រព័ន្ធគម្រោង ដែលលោកមើលឃើញថានេះគឺជាឱកាសដ៏ល្អមួយសម្រាប់អាជីវកម្មរបស់លោក។
សម្រាប់គោលការណ៍រកស៊ីមួយ ដែលអ្នកជំនួញវ័យក្មេងរូបនេះតែងតែប្រកាន់យកគឺ ត្រូវហ៊ាននៅពេលដែលមនុស្សជាច្រើនកំពុងតែខ្លាចរអា ប៉ុន្តែត្រូវប្រយ័ត្នប្រយែងនៅពេលដែលមនុស្សជាច្រើនកំពុងពុះកញ្ជ្រោល។ តាមរយៈទស្សនៈមួយនេះហើយ ទើបធ្វើឲ្យលោកក្លាយជាមនុស្សចិត្តសឿង ហ៊ានសម្រេចចិត្តបោះទុនវិនិយោគរហូតដល់ទៅ ៥លានដុល្លារ នៅក្នុងស្ថានភាពមិនដែលមនុស្សជាច្រើនគិតថាវាជាបញ្ហានោះ។
សម្រាប់ព័ត៌មានបន្ថែមទាក់ទងនឹងអចលនទ្រព្យ លោកអ្នកអាចតាមដាននៅលើហ្វេសប៊ុកផេករបស់ក្រុមហ៊ុន LSCG REAL ESTATE Co.,LTD តាមអ៊ីមែល [email protected] ឬទំនាក់ទំនងតាមរយៈទូរស័ព្ទលេខ៖ 017 804 804 / 010 804 804 / 087 804 804 / 012 804 804
