ដោយស៊ីវ ម៉េង
ភ្នំពេញៈ រដ្ឋាភិបាលសម្រេចកាត់ផ្ទៃដីទំហំ៤៧២ហិកតា ពីដែនរដ្ឋបាលខេត្តក្រចេះចូលមកស្ថិតក្រោមការគ្រប់គ្រង របស់ដែនរដ្ឋបាលខេត្តមណ្ឌលគិរី ដែលជាខេត្តកំពុងមានការចាប់អារម្មណ៍ច្រើនពីអ្នកវិនិយោគ។
យោងតាមព្រះរាជក្រិតឡាយព្រះហស្ត ដោយសម្តេចព្រះបរមនាថ នរោត្តមសីហមុនីបានឲ្យដឹងថា ត្រូវបានកែសម្រួលព្រំប្រទល់រវាងខេត្តមខេត្តមណ្ឌលគិរី ជាមួយខេត្តក្រចេះដោយកាត់យកផ្ទៃដីទំហំ៣៩០ហិកតា ពីឃុំខ្សឹម និងផ្ទៃដីទំហំ៨២ហិកតា ពីឃុំ២ធ្នូ ស្រុកស្នូលខេត្តក្រចេះ មកឲ្យឃុំស្រែខ្ទុម ស្រុកកែវសីមា ខេត្តមណ្ឌលគិរី។
ព្រះរាជក្រិតដដែលបានឲ្យដឹងទៀតថា ផ្អែកតាមការកែសម្រួលនេះ ព្រំប្រទល់រដ្ឋបាលរវាងខេត្តមណ្ឌលគិរី និងខេត្តក្រចេះត្រូវបានកំណត់ដូចមានផែនទីឧបសម្ព័ន្ឋនៃព្រះរាជក្រិតនេះ៕
