ដោយៈ រ៉ាណេត
ភ្នំពេញៈ ជាមួយនឹងការទទួលបានការគាំទ្រ យ៉ាងលើសលប់ពីសំណាក់អតិថិជន បុរី គីមស័ង ស្ថិតនៅផ្លូវលេខ១១៤ (ផ្លូវស្រាបៀរថៃហ្គ័រ) ខណ្ឌច្បារអំពៅ រាជធានីភ្នំពេញ ដែលកំពុងសាងសង់យ៉ាងមមាញឹក ដើម្បីផ្គត់ផ្គង់នៅលើទីផ្សារ បានផ្តល់នូវអត្ថប្រយោជន៍យ៉ាងច្រើនដល់អតិថិជន។
ក្រៅពីជាលំនៅដ្ឋានទំនើបទាន់សម័យ មានផាសុក ភាពខ្ពស់ក្នុងការរស់នៅ រួមជាមួយនឹងផលចំណេញបន្ថែមជាច្រើននោះ ថែមទាំងបានបំពេញនូវគុណតម្លៃ នៃជីវិត ដែលជាក្ដីប្រាថ្នារបស់មនុស្សទូទៅ។
អ្នកនាង មាស សុខចិន្តា ប្រធានផ្នែកលក់គម្រោងបុរី គីម ស័ង បានមានប្រសាសន៍ថា គ្រប់ប្រភេទលំនៅដ្ឋាន នៅក្នុងបុរី គីម ស័ង ដែលមានទីតាំងស្ថិតតាមបណ្តោយផ្លូវជាតិ១១៤នេះ គឺមានលក្ខណៈពិសេសជាច្រើនទាំងផ្នែក បរិស្ថាន ទាំងគុណភាព សោភ័ណភាព និងភាពប្រណីត ក្រោមការយកចិត្តទុកដាក់សាងសង់ពីសំណាក់ ក្រុមអ្នក ជំនាញផ្នែកសាងសង់ ស្របតាមស្ដង់ដារសំណង់ ជាពិសេសការរចនាម៉ូតទាំងផ្នែកខាងក្រៅ និងខាងក្នុងលំនៅដ្ឋាន ធានាបាននូវភាពស៊ីវិល័យ ស័ក្ដិសមនឹងកេរ្តិ៍ឈ្មោះ និងកិត្តិយសថ្លៃថ្នូរបស់លោកអ្នកយ៉ាងប្រាកដ។
អ្នកនាងបានបញញជាក់ថា “បន្ថែមពីលើនេះ នៅមានការផ្តល់ជូននូវសម្ភារៈប្រើប្រាស់ក្នុងផ្ទះ យ៉ាងច្រើនសន្ធឹកសន្ធាប់ រហូតដល់៧ប្រភេទដែលត្រូវបានរៀបចំ និងបំពាក់រួចជាស្រេច ដូចជា ទូតាំងសម្ភារៈក្នុងផ្ទះ, ទូតាំងទូរទស្សន៍, ទូចង្ក្រានលើ-ក្រោម, ម៉ាស៊ីនបឺតផ្សែង រួមជាមួយនឹងទូកញ្ចក់ងូតទឹកក្នុងបន្ទប់ទឹកផងដែរ” ។
បច្ចុប្បន្ននេះ នៅតាមបណ្តោយផ្លូវជាតិលេខ១ រហូតដល់ផ្លូវស្រាបៀរថៃហ្គ័រ កំពុងតែមានសន្ទុះយ៉ាងខ្លាំង ពាក់ព័ន្ធនូវគម្រោងអភិវឌ្ឍន៍ធំៗ រួមមានផ្សារទំនើប ផ្សារសហគមន៍ សាលារៀន មន្ទីរពេទ្យ រមណីយដ្ឋាន និងកន្លែងកំសាន្តនានា ដែលសុទ្ធសឹងជាតម្រូវការរស់នៅប្រចាំថ្ងៃរបស់លោកអ្នក។
ដោយសារតែកត្តាទាំងអស់នេះហើយ ទើបធ្វើអោយមានសំណង់ផ្ទះវីឡាធំៗ និងគម្រោងសាងសង់បណ្តុំលំនៅឋានជាច្រើន ហើយក្នុងនោះក៏មានសំណង់បុរី ដែលកំពុងអភិវឌ្ឍន៍លំនៅឋានជាច្រើន ដោយពីមួយឆ្នាំទៅមួយឆ្នាំ តម្លៃអចលនទ្រព្យនៅតំបន់នេះមានការកើនឡើង ជាបន្តបន្ទាប់។
នៅតំបន់នេះ មានលក្ខខណ្ឌល្អជាច្រើន ដែលអំណោយផលដល់ការរស់នៅ ព្រោះផ្លូវ១១៤ បានប្រែក្លាយជាផ្លូវសេដ្ឋ កិច្ចយ៉ាងប្រសើរ។
ជាមួយគ្នានេះបុរី គីមស័ងស្ថិតនៅផ្លូវ១១៤ មានភាពងាយស្រួលធ្វើដំណើរ ដោយគ្រាន់តែ ចំណាយពេលជាង ១០នាទីទៅកាន់ផ្សារច្បារអំពៅ ឬធ្វើដំណើរតាមក្រុងតាខ្មៅចំណាយពេលជាង ១០នាទីដូចគ្នា ឆ្លងតាមស្ពានព្រែកសំរោងដល់ក្រុងតាខ្មៅ ឬអាចបន្តឆ្ពោះទៅផ្លូវ ៦០ម៉ែត្រ ទៅដល់ផ្សារទំនើបអ៊ីអនម៉ល៣ និងផ្សារទំនើបធំផ្សេងៗទៀតហើយក៏ងាយស្រួលចេញទៅតាមបណ្តាខេត្តផ្សេងៗផងដែរ។
សូមអញ្ជើញចូលទស្សនាផ្ទះគំរូពិត និងទទួលយកព័ត៌មានលម្អិតបន្ថែមទាំងអស់ គ្នា។ សូមទំនាក់ទំនងមកកាន់លេខ ៖ 078 915 999 / 086 915 999 ៕
