ដោយ៖សុផារី
ភ្នំពេញៈ តម្លៃប្រេងឥន្ធនៈលក់រាយ នៅក្នុងប្រទេសកម្ពុជាបន្ដឡើងថ្លៃចាប់ពីថ្ងៃទី១៦ ដល់ថ្ងៃទី៣១ ខែមីនា ឆ្នាំ២០២២ ដោយសាំងធម្មតា៥៣០០រៀល (ឡើងចំនួន៥០០រៀល) និងម៉ាស៊ូត៥៣០០រៀល (ឡើងចំនួន៨០០រៀល)។
វិបត្តិសង្គ្រាមរុស្សីនិងអ៊ុយក្រែនធ្វើឱ្យតម្លៃប្រេងឥន្ធនៈលក់រាយលើទីផ្សារប្រទេសកម្ពុជាបានឡើងថ្លៃជាបន្តបន្ទាប់ ដែលធ្វើឱ្យពលរដ្ឋដែលប្រើប្រាស់ឥន្ធនៈជាចាំបាច់បានរអ៊ូរទាំពីផលប៉ះពាល់ដោយសារ តម្លៃសាំងឡើងថ្លៃផង។
បើយោងតាមសេចក្តីប្រកាសព័ត៌មានរបស់ក្រសួងពាណិជ្ជកម្មកម្ពុជា ស្ដីពីតម្លៃលក់រាយនៃប្រេងឥន្ធនៈនៅលើទីផ្សារប្រទេសកម្ពុជាបានបង្ហាញកាលពីថ្ងៃទី១៦ ខែមីនា តម្លៃប្រេងសាំង ដែលក្រសួងកំណត់ឱ្យលក់គឺ៥៣០០រៀលក្នុងមួយលីត្រ សម្រាប់ប្រេងសាំងធម្មតា និង៥៣០០រៀលក្នុងមួយលីត្រ សម្រាប់ប្រេងម៉ាស៊ូត។
ថ្មីៗនេះ ក្រសួងពាណិជ្ជកម្មបានប្រកាសផ្លាស់ប្តូរសេចក្តីជូនដំណឹងស្តីពីការកំណត់ថ្លៃលក់រាយប្រេងពីរយៈពេល១៥ថ្ងៃ មកត្រឹម១០ថ្ងៃវិញម្តង ដើម្បីកំណត់ថ្លៃនៃការប្រែប្រួលតម្លៃប្រេឥន្ធនៈឲ្យទាន់នៃការឡើងចុះ៕
