ដោយៈ ម៉ាណា
កោះកុងៈ អភិបាល នៃគណៈអភិបាលខេត្តកោះកុង លោកជំទាវ មិថុនា ភូថងបានអញ្ជើញជាអធិបតីដឹកនាំកិច្ចប្រជុំត្រួតពិនិត្យ និងផ្តល់យោបល់លើការស្នើសុំចុះបញ្ជី គម្រោងវិនិយោគមានលក្ខណៈសម្បត្តិគ្រប់គ្រាន់។
រដ្ឋបាលខេត្តមិនបានបញ្ជាក់ឲ្យដឹងថា គំរោងមានលក្ខណៈសម្បត្តិគ្រប់គ្រាន់ចំនួនប៉ុន្មាន ត្រូវបានលើកយកមកពិនិត្យ និងពិភាក្សានោះទេ។
យោងតាមច្បាប់វិនិយោគថ្មី នៃព្រះរាជាណាចក្រកម្ពុជាបានបញ្ជាក់ថា គណៈកម្មការវិនិយោគរបស់រដ្ឋបាលខេត្ត មានសិទ្ឋអនុម័តគំរោងវិនិយោគ ដែលមានទំហំទឹកប្រាក់៥លានដុល្លារចុះ ដោយមិនចាំបាច់ឆ្លងកាត់ស្ថាប័នថ្នាក់ជាតិឡើយ។
អនុប្រធានសភាពាណិជ្ជកម្មកម្ពុជា អ្នកឧកញ៉ាលឹម ហេងធ្លាប់បានមានប្រសាសន៍ថា ច្បាប់វិនិយោគថ្មីមានភាពល្អប្រសើរ និងទាក់ទាញខ្លាំង ដែលធ្វើឲ្យវិនិយោគិនអន្តរជាតិ អាចបោះទុនវិនិយោគនៅកម្ពុជា ជាមួយទុន១០០ភាគរយដោយខ្លួនឯង ពិសេសច្បាប់នេះបានអនុញ្ញាត្តឲ្យគណៈកម្មកាវិនិយោគខេត្ត មានសិទ្ឋអនុម័តទុនវិនិយោគ ដែលមានតម្លៃចាប់ពី៥លានដុល្លារចុះ ដែលជាសញ្ញាដ៏ល្អប្រសើរសម្រាប់វិនិយោគិនជាតិ អន្តរជាតិ៕
