រដ្ឋាភិបាលអនុម័យគំរោងវិនិយោគក្នុងទំហំទឹកប្រាក់ជាង ២៣០០លានដុល្លារក្នុងរយៈពេលពីរខែដំបូងនៃឆ្នាំនេះ

0

ដោយៈ វឌ្ឈនៈ

ភ្នំពេញៈ ក្រុមប្រឹក្សាអភិវឌ្ឍន៍កម្ពុជា បានចេញវិញ្ញាបនបត្រចុះបញ្ជី ជូនក្រុមហ៊ុនវិនិយោគជាបន្តបន្ទាប់ ដោយរយៈពេល២ខែដំបូងនៃឆ្នាំ២០២២នេះ ស្ថាប័ននេះបានចេញវិញ្ញាបនបត្រចុះបញ្ជីជូនក្រុមហ៊ុនវិនិយោគចំនួន៣៧គម្រោង និងមានទឹកប្រាក់សរុបជាង២,៣៨ពាន់លានដុល្លារអាមេរិក។

តាមសេចក្ដីប្រកាសព័ត៌មាន របស់ក្រុមប្រឹក្សាអភិវឌ្ឍន៍កម្ពុជាឃើញថា មានគម្រោងធំៗចំនួន៤ ដែលមានទឹកប្រាក់ច្រើនជាងគេ ក្នុងនោះរួមមាន ទី១. គម្រោងវិនិយោគសាងសង់ និងអាជីវកម្មសណ្ឋា​គារថ្នាក់ផ្កាយ៥ ចំនួន៥២៨បន្ទប់ ដែលមានទីតាំងវិនិយោគស្ថិតនៅមហាវិថីព្រះមុនីវង្ស សង្កាត់បឹងកេងកងទី៣ ខណ្ឌបឹងកេងកង រាជធានីភ្នំពេញ មានទុនវិនិយោគចំនួន១២៩ លានដុល្លារអាមេរិក និងអាចបង្កើតការងារបានចំនួន៧៣៧កន្លែង ។

ទី២. គម្រោងវិនិយោគអភិវឌ្ឍន៍វារីអគ្គិសនី ស្ទឹងតាតៃលើ អានុភាព១៥០ MW ដែលមានទីតាំងវិនិយោគ ស្ថិតនៅស្រុកថ្មបាំង និងស្រុកកោះកុង ខេត្តកោះកុង មានទុនវិនិយោគប្រមាណ ៣៨៩ លានដុល្លារអាមេរិក និងអាចបង្កើតការងារបានចំនួន ១៥៨០កន្លែង។

ទី៣. គម្រោងវិនិយោគអភិវឌ្ឍន៍មណ្ឌលភ័ស្តុភារកម្ម និងកំពង់​ផែ​ពហុបំណង ដែលមានទីតាំងវិនិយោគស្ថិតនៅភូមិចង្ហោន សង្កាត់ព្រែកត្នោត ក្រុងបូកគោ ខេត្តកំពត មានទុនវិនិយោគចំនួន ១.៣០០លានដុល្លារអាមេរិក និងអាចបង្កើតការងារបានចំនួន ៥៩០កន្លែង ។

ទី៤. គម្រោងបង្កើតរោងចក្រ ផលិតសំបកកង់យានយន្តគ្រប់ប្រភេទរបស់ក្រុមហ៊ុន General Intelligence (Cambodia) Co., Ltd. គណៈកម្មាធិការតំបន់សេដ្ឋកិច្ចពិសេសកម្ពុជា នៃក្រុមប្រឹក្សាអភិវឌ្ឍន៍កម្ពុជា បានសម្រេចចេញវិញ្ញាបនបត្រចុះបញ្ជី ជាគម្រោងវិនិយោគជូនដល់ក្រុមហ៊ុន ដែលមានទីតាំងវិនិយោគ ស្ថិតនៅក្នុងតំបន់សេដ្ឋកិច្ចពិសេសក្រុងព្រះសីហនុ, ខេត្តព្រះសីហនុ, មានទុនវិនិយោគប្រមាណ ២៩៧លានដុល្លារអាមេរិក និងបង្កើតការងារបានចំនួនប្រមា​ណ១.៦០០កន្លែង ។

cdc

ក្រៅពីគម្រោងវិនិយោគធំៗទាំង៤នេះ ក៏មានគម្រោងវិនិយោគជាច្រើនទៀត តែមានទំហំទឹ កប្រាក់ត្រឹមតែក្រោម១០លានដុល្លារអាមេរិកខ្លះ១៥លានដុល្លារខ្លះ មានទឹកប្រាក់ដល់ជាង៥០លានដុល្លារ។ ភាគច្រើន នៃគម្រោងវិនិយោគដែលបានអនុម័ត ពីក្រុមប្រឹក្សាអភិវឌ្ឍន៍កម្ពុជាសម្រាប់ខែមករា និងខែកុម្ភៈឆ្នាំ ២០២២នេះ គឺជាគម្រោងរោងចក្រ ឧស្សាហកម្មហើយ បានធ្វើឱ្យតម្រូវការដីធ្លីសម្រាប់សង់រោងចក្រ ឃ្លាំងស្តុកមានកំណើនខ្ពស់ផងដែរ៕

LEAVE A REPLY

Please enter your comment!
Please enter your name here