ដោយៈជេស៊ីកា
ព្រះសីហនុៈ ក្រុមហ៊ុនរ៉ូយ៉ាល់ គ្រុបរបស់មហាសេដ្ឋីកម្ពុជា អ្នកឧកញ៉ាគិត ម៉េង មិនទាន់បញ្ចប់ការសាងសង់ហេដ្ឋារចនាសម្ព័ន្ឋនានានៅលើទីក្រុងកោះរ៉ុងដ័ល្បីឈ្មោះនៅឡើយទេ។
លោកឃាង ភារម្យ អ្នកនាំពាក្យរដ្ឋបាលខេត្តព្រះសីហនុ បានមានប្រសាសន៍ឲ្យដឹងតាមបណ្តាញតេឡេក្រាមកាលពីថ្ងៃទី២៤ មិនាថា កោះរ៉ុងដែលក្រុមហ៊ុនរ៉ូយ៉ាល់គ្រុបទទួលសិទ្ឋសម្បទាន ដើម្បីយកមកអភិវឌ្ឈន៍ពីរដ្ឋាភិបាល បានសាងសង់ផ្លូវបេតុងបានមួយចំនួនរួចហើយ ប៉ុន្តែគំរោងនេះមិនទាន់បានបញ្ចប់នៅឡើយទេ។
លោកបន្តថា “ការសាងសង់ហេដ្ឋារចនាសម្ព័ន្ឋ បានសាងសង់បានមួយចំនូនធំហើយ ប៉ុន្តែមិនទាន់រូចរាល់នោះទេ”។លោកបន្តថា “ក្រៅពីឆ្នេរខ្សាច់ដ៏ស្រស់ស្អាត ទឹកសមុទ្រខៀវស្រងាត់ កោះរ៉ុងមានទឹកធ្លាក់ ឆ្នេរលំហែរ និងព្រៃកោងកាងដ៏ខៀវស្រងាត់ផងដែរ”។
លោកឃាង ភារម្យ បានបន្តថា ទាក់ទងនឹងរដ្ឋបាលក្រុង អគារធ្វើការនានាបានបញ្ចប់បណ្តើរហើយ ខណៈក្រុមមន្រ្តីពាក់ព័ន្ឋក៏បានចូលបំពេញការងារផងដែរ”។
កោះរ៉ុងជាកោះដ៏ស្រស់ស្អាត ប្រៀបដូចជាឋានសួគ៏មួយផុសឡើងកណ្តាលផ្ទៃសមុទ្រ ដែលមានទឹកព៌ណខៀវស្រងាត់ និងសម្បូរជីវៈចម្រុះ ដែលអ្នកនិយមហែលទឹកលេង តែងតែហែលទឹកមើលផ្កាថ្ម មច្ឆាចម្រុះព័ណ និងបណ្តាជីវចម្រុះជាច្រើនទៀត៕
