ដោយ គង់ ជាយដែន
ភ្នំពេញ៖ រដ្ឋមន្ត្រីក្រសួងសេដ្ឋកិច្ច និងហិរញ្ញវត្ថុ បានអះអាងឲ្យដឹងថា បច្ចុប្បន្នប្រទេសជប៉ុនជាប់លំដាប់ថ្នាក់លេខ ៤ ក្នុងចំណោមប្រទេសជាច្រើនដែលបានមកបណ្តាក់ទុនវិនិយោគលើវិស័យនានានៅកម្ពុជា ។
លោក អូន ព័ន្ធមុនីរ័ត្ន ឧបនាយករដ្ឋមន្ត្រី រដ្ឋមន្ត្រីក្រសួងសេដ្ឋកិច្ច និងហិរញ្ញវត្ថុ បានលើក ឡើងនៅក្នុងការចុះហត្ថលេខាលើកិច្ចព្រមព្រៀង ហិរញ្ញប្បទានសហប្រតិបត្តិការរវាង កម្ពុជា-ជប៉ុន កាលពីថ្ងៃទី២៦ ខែកុម្ភៈ ឆ្នាំ២០១៩ ថា នៅក្នុងឆ្នាំ ២០១៣ នៃខួបលើកទី៦០ គឺឆ្នាំនៃចំណងមិត្តភាពរវាងប្រទេសទាំងពីរ កម្ពុជា-ជប៉ុន បានបង្កើនទំនាក់ទំនង់នៃចំណង មិត្តភាពកិច្ចសហប្រតិបត្តិការនៃដៃគូជាយុទ្ធសាស្រ្ត បញ្ហានេះបញ្ជាក់ថា ប្រទេស ជប៉ុននៅតែជាដៃគូអភិវឌ្ឍន៍ដ៏ចម្បង នឹងនាំមុខគេនៅក្នុងកិច្ចដំណើរការស្តារ និងអភិវឌ្ឍន៍ នៃព្រះរាជាណាចក្រកម្ពុជា ។
លោកឧបនាយករដ្ឋមន្ត្រីបន្តថា ចំពោះការវិនិយោគទុនវិស័យឯកជនជប៉ុននៅកម្ពុជាវិញ គឺបានបង្ហាញនូវភាព ជឿជាក់ ក្នុងការចាប់យកកម្ពុជាជាប្រទេសគោលដៅវិនយោគជអទិភាពមួយរបស់ខ្លួន ក្នុងក្របខណ្ឌនៃការវិនិយោគ ផ្ទាល់ពីជប៉ុន មក ដល់បច្ចុប្បន្ននៅក្នុងវិស័យឯកជននេះ គឺមានទុនវិនិយោគសរុបប្រមាណ ២,៥ ប៊ីលានដុល្លាអាមេរិក និងឈរលំដាប់លេខ រៀងទី៤ ចំណែកការវិនយោគរបស់រដ្ឋាភិបាលនៃប្រទេសជប៉ុន គឺមានទំហំធំធេងជាងទូរលេខ នៃការ វិនយោគវិស័យឯកជនទៅទៀត។
លោករដ្ឋមន្ត្រីបញ្ជាក់ថា ចំពោះការវិនិយោគរបស់រដ្ឋាភិបាលជប៉ុន ក្នុងនោះបើរាប់បញ្ចូលទាំងកិច្ចព្រមព្រៀងចំនួន២ នៅថ្ងៃ ម្សិលមិញនេះ រដ្ឋាភិបាលជប៉ុន តាមរយៈ JICA បានចុះហត្ថលេខាលើឯកសារ ស្តីពីជំនួយអភិឌ្ឍន៍ផ្លូវការរបស់ជប៉ុន ជា មួយកម្ពុជាសរុបចំនួនជាង ១៤ ពាន់លានយ៉េនជប៉ុន ត្រូវប្រមាណជាង ១៣២លានដុល្លារ ក្នុងនោះជំនួយឥតសំណង មានប្រមាណ ១៤៩១ លានដុល្លារអាមេរិក និងឥណទានសម្បទានប្រមាណជាង ១១៧ លានដុល្លាអាមេរិកផងដែរ៕
