ដោយ Propertyarea.asia
ភ្នំពេញៈ អត្រាប្តូរប្រាក់តែនាម (Nominal exchange rates) គឺជាអត្រាដែលមនុស្សម្នាក់អាចដោះដូររូបិយប័ណ្ណរបស់ ប្រទេសមួយទៅជារូបិយប័ណ្ណរបស់ប្រទេសមួយទៀត។
ឧទាហរណ៍ ប្រសិនបើអ្នកទៅធនាគារ អ្នកនឹងបានឃើញអត្រាប្តូរប្រាក់ដែលធនាគារផ្តល់ឱ្យ៨០យ៉េនក្នុង១ដុល្លារ ឬ៤០០០រៀលក្នុង១ដុល្លារ។
បើសិនជាអ្នកផ្តល់ឱ្យធនាគារមួយដុល្លារ នោះធនាគារនឹងផ្តល់ឱ្យអ្នកវិញនូវលុយចំនួន៨០យ៉េន។ ហើយបើអ្នកផ្តល់ឱ្យធនាគារនូវប្រាក់ចំនួន៨០យ៉ន ធនាគារនឹងផ្តល់ឱ្យអ្នកនូវប្រាក់ចំនួន១ដុល្លារវិញ។ (ជាការពិតណាស់ ធនាគារនឹងដាក់តម្លៃខុសគ្នាដ៏តិចតួចបំផុតសម្រាប់ការទិញ និងលក់លុយយ៉េនជប៉ុន។ ភាពខុសគ្នានេះ នឹងផ្តល់ជាប្រាក់រង្វាន់ (ប្រាក់ចំណេញ ខ្លះសម្រាប់ការផ្តល់សេវាកម្មនេះ។ ចំពោះគោលបំណងរបស់យើងនាពេលនេះ យើងអាចមិនរវល់ខ្វល់ខ្វាយអំពីភាពខុសគ្នាទាំងនេះឡើយ។)
ជាទូទៅអត្រាប្តូរប្រាក់ អាចត្រូវបានបង្ហាញនៅក្នុងវិធីសាស្រ្តពីរយ៉ាង បើសិនអត្រាប្តូរប្រាក់ស្មើនឹង៨០យ៉េនក្នុងមួយដុល្លារ នោះវាក៏ស្មើនឹង ១/៨០ ( =០,០១ ២៥) ដុល្លារ ក្នុង ១ យ៉េនផងដែរ។ នៅក្នុងសៀវភៅនេះ យើងតែងតែបង្ហាញអត្រាប្តូរប្រាក់តែនាម ជា ឯកតានៃរូបិយប័ណ្ណបរទេសក្នុង១ដុល្លារអាមេរិក ដូចជា៨០យ៉េនក្នុងមួយដុល្លារជាដើម៕ (ដកស្រង់ចេញពីសៀវភៅ រូបិយវត្ថុ និង ធនាគារ)៕
