ដោយ ៖ រ៉ាណេត
ភ្នំពេញ ៖ គណៈកម្មាធិការជាតិ រៀបចំបុណ្យជាតិ-អន្តរជាតិ បានដាក់សំណើស្នើសុំរាជរដ្ឋាភិបាល ផ្អាកការប្រារព្វរៀបចំពិធីច្រត់ព្រះនង្គ័លសម្រាប់ឆ្នាំ២០២០ នៅក្នុងខេត្តកំពង់ធំខាងមុខនេះ។
ស្របតាមព្រះរាជតម្រិះដ៏ខ្ពង់ខ្ពស់របស់ ព្រះករុណាជាអម្ចាស់ជីវិតលើត្បូង ជាទីគោរពសក្ការៈដ៏ខ្ពង់ខ្ពស់បំផុត គណៈកម្មាធិការជាតិ រៀបចំពិធីបុណ្យជាតិ-អន្តរជាតិ បានដាក់សំណើរស្នើសុំប្រមុខរាជរដ្ឋាភិបាលលើការផ្អាកព្រះរាជពិធីច្រត់ព្រះនង្គ័លសម្រាប់ឆ្នាំ២០២០ ដែលនឹងប្រារព្វនៅថ្ងៃទី១០ ខែឧសភា ឆ្នាំ២០២០ខាងមុខនេះ នៅក្នុងខេត្តកំពង់ធំ ក្នុងគោលបំណងទប់ស្កាត់ការរីករាលដាលនៃជំងឺឆ្លង Covid-19 ដែលកំពុងរាតត្បាតជាសាកលនៅពេលបច្ចុប្បន្ន។
រាជរដ្ឋាភិបាលកម្ពុជា បានសម្រេចផ្អាកការប្រាព្វពិធីជួបជុំនានាជាច្រើន ដូចជាពិធីសង្ក្រាន្ត ពិធីបុណ្យចូលឆ្នាំ កិច្ចជំនួបប្រជុំនានា ដើម្បីទប់ស្កាត់ការរីករាលដាលនៃជំងឺឆ្លង Covid-19 ដែលក្នុងនោះក៏មានការបិទចរាចរណ៍ពីខេត្តមួយទៅខេត្តមួយជាកំហិតនៅទូទាំងប្រទេសផងដែរ៕
