ដោយ វុត្ថា
បាងកកៈ សណ្ឋាគារ InterContinental Hotels Group (IHG) បានចុះហត្ថលេខាលើកិច្ចព្រមព្រៀង ទទួលសិទ្ធិធ្វើអាជីវកម្មជាមួយក្រុមហ៊ុនជាដៃ គឺក្រុមហ៊ុន Kew Green និងក្រុមហ៊ុនអភិវឌ្ឍន៍អចលនទ្រព្យ Siamese Asset ដើម្បីពង្រីកយីហោ Crowne Plaza Rama 9 នៅទីក្រុងបាងកក។
យោងតាមគេហទំព័រ www.ttgasia.com ចុះផ្សាយកាលពីម្សិលមិញនេះឱ្យដឹងថា នៅឆ្នាំ២០២៥ សណ្ឋាគារ Crowne Plaza Bangkok Rama9 ដែលបានចុះកិច្ចព្រមព្រៀងនេះ នឹងបើកក្នុងទីតាំងទីក្រុងធំមួយ ដែលនៅជិតំបន់ពាណិជ្ជកម្មថ្មី (CBD) របស់ប្រទេសថៃ។
សណ្ឋាគារនេះ នឹងប្រើប្រាស់ចម្រុះ គឺ Siamese Rama 9 ដែលមានអាផាតមិន អគារការិយាល័យ និងផ្សារទំនើបផងដែរ។ ក្រៅពីនេះ ក៏មានមានកន្លែងលក់អាហារ បន្ទប់ប្រជុំ មជ្ឈមណ្ឌលហាត់ប្រាណ អាងហែលទឹក និងសួនច្បារនៅលើដំបូល។ The Plaza Workspace ជាកន្លែងទទួលភ្ញៀវថ្មី របស់សណ្ឋាគារនឹងផ្តល់កន្លែងទំនេរសម្រាប់ភ្ញៀវធ្វើការ ជួបជុំ និងសង្គម។
ការចុះហត្ថលេខានេះ គឺជាការព្រមព្រៀងសិទ្ធិអាជីវកម្មលើកដំបូង របស់ក្រុមហ៊ុន InterContinental Hotels Group (IHG)នៅប្រទេសថៃ ដែលអាចធ្វើទៅបានដោយការវិនិយោគរួមគ្នារវាងក្រុមហ៊ុន Kew Green និង Siamese Asset។
គម្រោងនេះកើតឡើង បន្ទាប់ពីការចុះហត្ថលេខារបស់ក្រុមហ៊ុន Crowne Plaza Bangkok Grand Sukhumvit កាលពីខែមុន ដោយពង្រីកសាខារបស់យីហោទៅសណ្ឋាគារចំនួន៣ នៅក្នុងទីក្រុងបាងកក។
បច្ចុប្បន្ន ក្រុមហ៊ុនបដិសណ្ឋារកិច្ច InterContinental Hotels Group (IHG) មានសណ្ឋាគារចំនួន ៣១ នៅក្នុងប្រទេសថៃដែលកំពុងប្រតិបត្តិការក្រោមយីហោចំនួន ៧ រួមមាន៖ Six Senses, InterContinental, Crowne Plaza, Hotel Indigo, Holiday Inn, Holiday Inn Express, និង Staybridge Suites ជាមួយទីតាំងចំនួន៣០ផ្សេងទៀតនៅក្នុងតំបន់៕
