ចំណេះដឹង ៖ ធនាគារជាតិ​នៃ​កម្ពុជា ដើរតួ​ជា​អាជ្ញា​ធ័​រ​រូបិយវត្ថុ​យ៉ាងដូចម្ដេច?

0

ដោយ ៖ រ៉ា​ណេ​ត

ភ្នំពេញ ៖ ធនាគារជាតិ​នៃ​កម្ពុជា (National Bank of Cambodia) រឺ​អាច​ហៅថា​ធនាគារកណ្តាល (Central Bank) គឺជា​អាជ្ញា​ធ័​រ​រូបិយវត្ថុ​ជាតិ និង​ត្រួតពិនិត្យ​ប្រព័ន្ធ​ធនាគារ ។

ការដើរ​តួ​ជា​អាជ្ញា​ធ័​រ​រូបិយវត្ថុ​ជាតិ​នេះ គឺ​សំដៅ​ទៅលើ​ការបោះពុម្ព​លុយ​មក​បន្ថែម និង​ប្រមូល​លុយ​ចូល​វិញ​ផងដែរ ករណី​លុយ​ច្រើនពេក​ក្នុង​ទីផ្សារ លុយ​រហែក លុយ​ចាស់​ជាដើម។ ចំណែកឯ​តួនាទី​ត្រួតពិនិត្យ​ប្រព័ន្ធ​ធនាគារ​សំដៅ​ទៅលើ​ការបង្កើត​ច្បាប់ បទបញ្ញត្តិ​ចាំបាច់ផ្សេងៗសម្រាប់​គ្រប់គ្រង​លើ​វិស័យ​ធនាគារ និង ហិរញ្ញវត្ថុ​ក្នុង​កម្ពុជា ដូច្នេះ​ទើប​ឃើញ​ក្រុមហ៊ុន​ធនាគារឯកជន​ត្រូវ​ទៅ​ស្នើសុំ​អាជ្ញាប័ណ្ណ​បើក​អាជីវកម្ម​ពី​ធនាគារជាតិ ។

- Video Advertisement -

ធនាគារជាតិ​កម្ពុជា​កា​ន់​គោលនយោបាយ​ធំ​មួយ​នោះ​គឺ គោលនយោបាយ​រូបិយវត្ថុ (Monetary Policy) សម្រាប់​ចូលរួម​ជាមួយ​រដ្ឋាភិបាល​ក្នុងការ​អភិវឌ្ឍ​សេដ្ឋកិច្ច​ក្នុង​ក្របខណ្ឌ​មួយ​ប្រើប្រាស់​ការបោះពុម្ព​លុយ​បន្ថែម និង​ប្រមូល​លុយ​មកវិញ​ដើម្បី​ធានា​ស្ថិរភាព​តម្លៃ​ប្រាក់រៀល​ធៀប​ដុល្លា​លើ​ទីផ្សារ​ក៏ដូចជា​ធានា​ស្ថេរភាព​ទំនិញ​កុំឱ្យ​ឡើងថ្លៃ​ផងដែរ ។

ធនាគារជាតិ​កម្ពុជា​ចាប់កំណើត​ម្តង​នៅ​ថ្ងៃទី១០ ខែតុលា ឆ្នាំ១៩៧៩ បន្ទាប់ពី​របប​ប្រល័យពូជសាសន៍​បាន​ដួលរលំ ហើយ​បច្ចុប្បន្ន​ដឹកនាំ​ដោយ​ទេសាភិបាល លោក ជា ចាន់តូ (អតីតរដ្ឋមន្ត្រី​ក្រសួង​ផែនការ) មាន២១សាខា ក្នុង២៥ ខេត្ត-ក្រុង បុគ្គលិក​សរុប ១៣៦៤ នាក់ ដោយ​ជាទូទៅ​ធនាគារជាតិ​ត្រូវបានចាស់ៗហៅថា ធនាគារ​បង់​ក្រហម ដោយសារ​អាគារ​ទីស្នាក់ការ​កណ្តាល​របស់​ធនាគារជាតិ​នៃ​កម្ពុជា​ដែល​ស្ថិតនៅតាម​វិថី​ព្រះ​នរោត្តម ម្តុំ​វត្តភ្នំ​លាប​ពណ៌​ក្រហម(បច្ចុប្បន្ន​ត្រូវបាន​វាយកម្ទេច​ដើម្បី​សាងសង់​អគារ​ថ្មី)៕

-Video Advertisement -

LEAVE A REPLY

Please enter your comment!
Please enter your name here