ដោយៈគង់ សូរិយា
ភ្នំពេញៈ សម្តេចតេជោហ៊ុន សែននាយករដ្ឋមន្រ្តីនៃកម្ពុជាបានថ្លែងថា រដ្ឋាភិបាលមានវ៉ាក់សាំងជាង១លានដូសក្នុងដៃ និងត្រៀមមកដល់ជាបន្តបន្ទាប់ទៀត ដែលយើងត្រូវរៀបចំយុទ្ននាការថ្នាក់ជាតិ ដែលមានកងទ័ពជាអ្នកចូលររួមតែម្តង។
សម្តេចបានបន្តទៀតថា យើងត្រូវផ្តោតលើ៤ខ័ណ្ឌ ដែលជាតំបន់ក្រហម ហើយត្រូវចាក់ជូនប្រជាជនគ្រប់គ្នា មកពីទីណាក៏ដោយ យើងត្រូវចាក់ជូនពួកគាត់ ដែលចាប់ផ្តើមពីអាយុ១៨ឆ្នាំឡើង។
សម្តេចបន្តថា “យើងត្រូវផ្តោតលើតំបន់ក្រហម ដោយឲ្យកងទ័ពចូលបំពេញការងារនេះ”។
សម្តេចតេជោហ៊ុន សែនបានបន្តថា ក្រុងភ្នំពេញ និងក្រុងតាខ្មៅមានមនុស្សប្រមាណ៣លាននាក់ ដែលត្រូវការវ៉ាក់សាំង៦លានដូស ហេតុនេះយើងត្រូវផ្តោតលើរាជធានីភ្នំពេញជាមុន ដោយមានការស្នើសុំពីតាមបណ្តាខេត្ត យើងមិនទាន់អនុញ្ញាត្តទេ ដោយយើងត្រូវផ្តោតលើ់ការចាក់ជូនប្រជាពលរដ្ឋនៅតំបន់ក្រហម ដែលមាន៤ខ័ណ្ឌ នៅទូទាំងរាជធានីភ្នំពេញ និងក្រុងតាខ្មៅជាមុនសិន៕
