វិភាគលើមូលដ្ឋានអ្វីខ្លះទើបអាចដឹងថាការទិញអចលនទ្រព្យរបស់អ្នកជាការវិនិយោគត្រឹមត្រូវ?

ដោយៈគង់ ម៉ាលីន

ភ្នំពេញៈ អចលនទ្រព្យនៅក្នុងប្រទេសកម្ពុជា វិស័យមួយនេះបានក្លាយជាមុខរបរមួយ ដែលទាក់ទាញអ្នកចូលរួមកាន់តែច្រើន នាំអោយមានការបែងចែកចំណែកទីផ្សា ជាធម្មតា កាលណាមានកាផ្គត់ផ្គង់ច្រើន តម្រូវការមានការថយចុះជារឿងធម្មតា។

ស្ថានភាពសេដ្ឋកិច្ចថមថយបែបនេះ ដែលនាំឱ្យមនុស្សជាច្រើនបាតបង់ចំណូលធ្វើឱ្យវិស័យមួយនេះហាក់ដូចជាមានសញ្ញាមិនសូវជាវិជ្ជៈមានតាំពីដើមឆ្នាំ ហើយលេចរូបរាងកាន់តែច្បាស់ចាប់តាំង ពីដើមឆមាសទីពីរមករហូតដល់បច្ចុប្បន្ន។

តែទោះបីយ៉ាងណាក៏ដោយ ចំពោះអ្នវិនិយោគដែលមានវិជ្ជាជីវៈ មានដើមទុន និងផែនការច្បាស់លាស់ ប្រកបដោយទស្សនៈ និងក្ខុវិស័យ មានកេរ្ត៍ឈ្មោះល្អ ទីតាំងល្អ គុណភាពល្អ លក្ខខណ្ឌល្អ និងការផ្សព្វផ្សាយទូលំលូលា យគឺនៅតែអាចទទួលបានភាពជោគជ័យក្នុងវិស័យមួយនេះ។

ចុះចំពោះអ្នកទិញ សួរថាគួរទិញដែរឬទេ? ហើយបើទិញគួរទិញ ពេលណា បែបណា របៀបណា ? 
ការទិញអចលនទ្រព្យមិនរើសពេលនោះទេ មិនថាពេលណានោះទេ ឱ្យតែយើងមានចំណេះដឹង និងផែនការ ធ្វើតាមសម្បទា ព្រោះស្ថានភាពរបស់មនុស្សម្នាក់ៗ មិនដូចគ្នាទេ ហើយពេលដែលអចលនទ្រព្យជាប់គាំង វាជាពេលល្អសម្រាប់ទិញ។ ដូចច្នេះបើអ្នកសិក្សាមើលលទ្ធភាពអាចទៅរួចគឺគួលៃលក ព្រោះយោងតាមទ្រឹស្ត្រីអចលនទ្រព្យបរទេសមួយបានពោលថា Don’t Wait To Buy, Buy then Wait! ឬមានន័យថា “កុំរង់ចាំទិញ ចូរទិញហើយរង់ចាំ” តែដើម្បីទិញក្រកបដោយប្រសិទ្ធិភាព និងប្រសិទ្ធិផល អ្នកទិញគួរមានវត្ថុបំណងច្បាស់លាស់ពីការទិញ សម្បទា(លទ្ធិភាព) និងកាលទេសៈសមគួរ។

ដើម្បីអោយបងប្អូនប្រជាពលរដ្ឋ ជាពិសេសអ្នកដែលមានចំណូល ចាប់ពី200$ ដល់300$ក្នុងមួយខែ អាចមានលត្ថភាពទទួលបានអចលនទ្រព្យ ជាកម្មសិទ្ធិស្របច្បាប់ និងមិនប៉ះពាល់ដល់ជីវភាពរស់នៅប្រចាំថ្ងៃ មានឪកាសលក់បានចំណេញ ក្នុងរយៈពេលខ្លី និងរយៈពេលវែង យើងសូមឡើងនៅចំនុចមួយចំនួនដូចខាងក្រោយ។

1.ការត្រៀមខ្លួនរបស់អ្នកទិញ 
– អាចមានលទ្ធភាពបង់រំលស់ប្រចាំខែបាន ដោយសល់ប្រាក់ចាយវាយចិញ្ចឹមជីវិត។
-គ្មានការអូសទាញពីបុគ្គល់ដទៃ ជាពិសេសបណ្តាញទីផ្សារ ដែលនិយាយតែពីស ក្តានុពល និងផលចំណេញ ដោយមិនបានរៀបរាប់ពីលក្ខណៈសម្បត្តិពិត របស់អចលនទ្រព្យនោះទេ ហើយពួកគេច្រើនគ្មានចមណេះដឹងផ្នែកអចលនទ្រព្យ និងហិរញ្ញវត្ថុនោះទេ គ្រាន់តែជាឧបករណ៍របស់ឈ្មួញខ្វះវិជ្ជាជីវៈតែប៉ុណ្ណោះ។
-បានពិចារណាថា តើដីដែលយើងទិញត្រូវវត្ថុបំណងរបស់យើងដែរឬទេ ដើម្បីរស់នៅ ទុកយកចំណេញ ឬសន្សំវិនិយោគ។
-បានមើលទីតាំងផ្សេងៗ ដើម្បីធ្វើការប្រៀបធៀបពិចារណា អោយបានគ្រប់ជ្រុងជ្រោយ ដោយប្រាកដថាទិញក្នុងតម្លៃទីផ្សា ឬក្រោមទីផ្សា ស្របតាមលក្ខណៈសម្បត្តិរបស់អចលនទ្រព្យ(មិនទិញថ្លៃពេក)។
-បានចុះទីតាំងផ្ទាល់ជាក់ស្តែង ឬស្គាល់ភូមិសាស្ត្រច្បាស់លាស់ដែ ឬជាកន្លែងដែលយើងស្គាល់ច្បាស់។
-សួរនាំ និងសុំឯកសារគតិយុទ្ធ(ច្បាប់)ផ្សេងៗដែលអ្នកលក់មាន។

2.លក្ខណសម្បត្តិរបស់អចលនទ្រព្យ 
-មានតភ្ជាប់ជាមួយផ្លូវរដ្ឋដែរឬទេ
-មានចំងាយមិនឆ្ឆាយ ឬជិតទីប្រជុំជនអាទិភាព
-ហេដ្ឋារចនាសម្ព័ន ផ្លូវ ឡូ ទឹក ភ្លើង ។ល។
-ទទួលខុសត្រូវផ្លូវច្បាប់កម្រិតណា ប្លង់ រឹង ឬទន់
-កាតព្វកិច្ចពន្ធ ប្រថាប់ត្រា ជាបន្ទុករបស់យើង ឬភាគីអ្នកលក់៕