ដោយៈកុសមា
ភ្នំពេញៈ វិស័យអចនលនទ្រព្យដើរតួយ៉ាងសំខាន់ ក្នុងការអភិវឌ្ឍសេដ្ឋកិច្ចនៅកម្ពុជា ក្នុងនោះខុនដូដែលភាគច្រើនជាសំណង់អគារខ្ពស់ៗ ត្រូវបានបង្ហាញខ្លួនជាបន្តបន្ទាប់ដែលជាផ្នែកមួយជួយលើកកំពស់មុខមាត់រាជធានីភ្នំពេញផងដែរ។
ដូចនេះ ដើម្បីធ្វើការវិនិយោគលើវិស័យខុនដូ អោយចំគោលដៅ យើងត្រូវយល់ដឹងពី ស្ថានភាព និង បរិបទមួយចំនួន ដែលទាក់ទងលើវិស័យនេះ។
លោក ខន គង្គាអគ្គនាយក ក្រុមហ៊ុន ERA Cambodia លោកបានបញ្ជាក់អោដឹងក្នុងកិច្ចសម្ភាសន៍ពិសេសកាលពីថ្ងៃទី២០ តុលាកន្លងមកថា ដោយសាររាជរដ្ឋាភិបាលបានចូលរួមទប់ស្កាត់ជំងឺកូវីដ១៩បានល្អ បានធ្វើឲ្យការទិញ លក់ខុនដូល្អប្រសើរ នៅត្រីមាសចុងក្រោយនេះ ។
លោកបានបញ្ជាក់ទៀតថា “ទៅនៅតំលៃខុនដូក្នុងសម័យកូវិដនេះ បើអោយឡើងលឿនវាមិនអាចឡើងលឿនទេ ធម្មតាដោយមានការទប់ស្កាត់ និងបិទការជួបជុំផង ដូចនេះតំរូវការតែងមានការធ្លាក់ចុះ តែបើសួរថា តំលៃអចនទ្រព្យធ្លាក់ចុះទេ គឺអត់ធ្លាក់ចុះទេ តំលៃគឺនៅទ្រឹងដដែល”។
លោកបានលើកឧទាហរណ៍បញ្ជាក់ដូចនេះថា “គេមិនអាចយកខុនដូតំលៃ១០ ម៉ឺន លក់ខាតក្នុងតំលៃ៨ដុល្លារម៉ឺនទេ តែអ្នកអភិវឌ្ឍគំរោង គេនឹងគិតដើម្បីធ្វើការសំរួល តាមរយៈកាផ្តល់ជូនគ្រឿងសង្ហារឹម រឺការបង់ប្រាក់រយៈពេលវែងជាដើម។ ការបញ្ចុះតម្លៃ ឬបន្ថែមសម្ភារៈ វាអាស្រ៧យទៅតាមគំរោងនីមួយៗ។
លោកខន គង្គា បានបន្តថា មនុស្សមាន២ប្រភេទ ទី១ គាត់មានបញ្ហានៅពេលដែលបញ្ហាមួយកើតឡើង តែអ្នកទី២ គាត់មានឱកាស នៅពេលដែលមានបញ្ហា ព្រោះមនុស្សទូទៅឃើញថា Business ពិតជាមានបញ្ហាមែន តែមួយចំនួនឃើញឱកាសក្នុងការវិនិយោគ ព្រោះពេលធម្មតានរណាក៏អាចមានលទ្ធភាពទិញ ដោយគាត់ដឹងថា មិនមាន ឱកាសណាទិញល្អ ជាងពេលនេះទេ។ ទីផ្សារធម្មតាមនុស្សអាចទិញសំរាប់រស់នៅ តែក្នុងបរិបទនេះ គឺគេទិញសំរាប់វិនិយោគ។
លោកក៏បានលើកពី តំបន់ដែលមានសក្តានុពល ក្នុងការវិនិយោគខុនដូរ សំរាប់រាជធានីភ្នំពេញ មានដូចជា ទី១ បឹងកេងកង ទី២ ទួលគោក ទី៣ ជ្រោយចង្វារ ទី៤ កោះពេជ្រ ទាំង ៤ទីតាំងនេះមានការរីចំរើនជាងគេ និងមានការទិញលក់ច្រើនជាងគេផងដែរ។ ក្រៅពីនោះយើងមានខេត្តព្រះសីហនុ ដែលមានសក្តានុពលល្អ ផ្នែកខុនដូផងដែរ។
លើសពីនេះលោកបានពន្យល់បន្ថែមទៀតថា ដើម្បីវិនិយោគខុនដូរអោយចំគោលដៅ និងទទួលឱកាសចំនេញ គួរពិនិត្យលើ ទី១ Background របស់អ្នកអភិវឌ្ឍ ទី២ ស្ថានភាពហិរញ្ញវត្ថុរបស់គំរោង ទី៣ ការដេគ័របស់គំរោង ទី៤ ទីតាំង ទី៥ ការគ្រប់គ្រង ទី៦ ប្រពន្ធផ្លូវច្បាប់ ហើយដើម្បីយល់ដឹងពីចំនុចទាំងអស់នេះ គឺមានតែភ្នាក់ងារអចលនទ្រព្យធំៗ ប៉ុណ្ណោះដែលមានជំនាញក្នុងការណែនាំអតិថិជន។
ព្រោះភ្នាក់ងារធចលនទ្រព្យទាំងអស់នោះ គេមាន qualification មួយ ដើម្បីធ្វើសហប្រត្តិបត្តិការ តបនឹងតំរូវការ ចំនុចខាងលើ ទើបគេអាចយកមកលក់អោយអតិថិជនបាន។
លោកគង្គាបានបន្ថែមថា ដើម្បីទិញខុនដូរបានតំលៃល្អ និងទំនុកចិត្តខ្ពស់ គួរជ្រើសរើសភ្នាក់ងារ ដែលមានជំនាញច្បាស់លាស់ និងធ្វើការលើវិស័យខុនដូរតែមួយមុខ ព្រោះនឹងមានតំលៃ និងការចចារល្អជាង ហើយត្រូវមានទីតាំងត្រឹមត្រូវ ចៀសវាងពេលមានបញ្ហាមិនមានដំណោះស្រាយត្រឹមត្រូវផងដែរ លោកក៏បានបញ្ជាក់ថា ក្រុមហ៊ុន ERA ជាក្រុមហ៊ុនមានជំនាញ ច្បាស់លាស់ និងធ្វើការលើវិស័យខុនដូរតែមួយមុខ ព្រមទាំងមានទីតាំងច្បាស់លាស់ ដែលផ្តល់ទំនុកចិត្តខ្ពស់ដល់អតិថិជន៕
