ដោយ៖ សុផារី
ភ្នំពេញ៖ អគ្គលេខាធិការដ្ឋានរដ្ឋសភាកម្ពុជា បានចេញសេចក្តីជូនដំណឹងស្តីពីការចូលរួមដេញថ្លៃ សម្រាប់គម្រោងសាងសង់អាគាររដ្ឋបាលថ្មី នៃរដ្ឋសភា ក្រោមជំនួយឥតសំណងចំនួន ២៥លានដុល្លារសហរដ្ឋអាមេរិក ដែលជាជំនួយរបស់រដ្ឋាភិបាល នៃសាធារណរដ្ឋសង្គមនិយមវៀតណាម។
កម្ពុជាបានទទួលជំនួយឥតសំណងចំនួន ២៥ (ម្ភៃប្រាំ) លានដុល្លារអាមេរិក ពីរដ្ឋាភិបាលនៃសាធារណៈរដ្ឋសង្គមនិយមវៀតណាម សម្រាប់ចំណាយលើគម្រោងសាងសង់អគាររដ្ឋបាលថ្មីនៃរដ្ឋសភាកម្ពុជា ហើយមានបំណងអនុវត្តជាផ្នែក នៃប្រាក់ចំណូលសម្រាប់ការទូទាត់តាមកិច្ចសន្យាសាងសង់អគាររដ្ឋបាលថ្មីនៃរដ្ឋសភាកម្ពុជា។
សេចក្តីជូនដំណឹងរបស់អគ្គលេខាធិការដ្ឋានរដ្ឋសភា បញ្ជាក់ថា កាលបរិច្ឆេទឈប់ទទួលសំណើដេញថ្លៃ គឺនៅថ្ងៃទី២៧ ខែវិច្ឆិកា ឆ្នាំ២០២១ ឬឱ្យបានមុនថ្ងៃទី២៧ ខែវិច្ឆិកា ឆ្នាំ២០២១ នៅវេលាម៉ោង ៩៖០០ ព្រឹក (ម៉ោងនៅកម្ពុជា) នៅបន្ទប់កោះកេរ នៃអគ្គលេខាធិការដ្ឋានរដ្ឋសភា៕
