ឧកញ៉ាបណ្ឌិតគីម ហ៊ាងប្រាប់ពីប្រភេទអចលនទ្រព្យល្អដែលគួរទិញនាពេលនេះ

April 22, 2025

ដោយៈ គង់ សូរិយា

ភ្នំពេញៈ ជាអ្នកជំនាញ និងក្លាយជាអ្នកអភិវឌ្ឍន៍យ៉ាងលេចធ្លោមួយរូប លោកបណ្ឌិត គីម ហ៊ាង ស្ថាបនិកបុរីវិមានសំណាង បានលើកឡើងថា នៅឆ្នាំ២០២៥នេះ គឺជាឆ្នាំដែលល្អបំផុតសម្រាប់ការទិញផ្ទះ ខណៈផ្ទះដែលបានសង់រួចរាល់ជាច្រើន កំពុងនៅសល់នៅក្នុងទីផ្សារ។

លោកបានពន្យល់ថា នៅឆ្នាំ២០២១ ២០២២ និង២០២៣ ចំនួនផ្ទះ ដែលបានសាងសង់រួចរាល់នៅសល់ច្រើន ដែលធ្វើឱ្យម្ចាស់ផ្ទះមួយចំនួនចង់បញ្ចេញលក់ឱ្យអស់។ ទន្ទឹមគ្នានេះ ធនាគារមួយចំនួនក៏អាចនៅសល់លុយ ដែលទទួលបានពីការដាក់ប្រាក់បញ្ញើ កាលពីឆ្នាំ២០២៤ ដែលត្រូវបញ្ចេញឱ្យអ្នកស្វែងរកប្រាក់កម្ចី។ នេះគឺជាឱកាសសម្រាប់អ្នកដែលចង់ទិញផ្ទះ ហើយបង់រំលស់ជាមួយធនាគារ។

លោកបានពន្យល់បន្តថា វាជាឱកាសយ៉ាងម៉េច? គឺធនាគារមួយចំនួន នៅឆ្នាំ២០២៤បានទទួលប្រាក់បញ្ញើច្រើន ដែលត្រូវការបញ្ចេញ រកអ្នកមកខ្ចី។ អ្នកអភិវឌ្ឍន៍លំនៅដ្ឋានដែលសង់ផ្ទះ នៅសល់ផ្ទះ អីចឹងនៅឆ្នាំ២០២៥នេះ អ្នកដែលចង់ទិញ គួរទៅទិញផ្ទះ។

លោកបញ្ជាក់ថា “យុទ្ធសាស្រ្តដែលខ្ញុំប្រាប់ស្រួលទេ គឺនាំគ្នាទៅទិញលើសពីមួយផ្ទះ ដើម្បីអាចចរចាបញ្ចុះតម្លៃ”។

លោកឧកញ៉ាបណ្ឌិតគីម ហ៊ាបបានបន្ថែមថា បច្ចុប្បន្ននេះ ផ្ទះដែលមានតម្លៃ១០ម៉ឺនដុល្លារ ប្រសិនបើចរចាឱ្យបញ្ចុះមក៧ម៉ឺន ឬ៨ម៉ឺន គេនឹងអាចលក់ ព្រោះផ្ទះដែលសង់ហើយ គេមិនចង់ទុកនាំឱ្យខូចនោះទេ ដូច្នេះហើយម្ចាស់នឹងសប្បាយចិត្តលក់ ក្នុងតម្លៃដែលបានបញ្ចុះសមរម្យមួយ។

អ្វីដែលពិសេសជាងនេះទៅទៀតនោះ រដ្ឋាភិបាលក៏ផ្តល់ភាពអនុគ្រោះលើការមិនបង់ពន្ធប្រថាប់ត្រា ចំពោះអ្នកទិញផ្ទះលើកដំបូង ដែលមានតម្លៃក្រោម២០ម៉ឺនដុល្លារ។ ដូច្នេះហើយ បើមិនទិញក្នុងឆ្នាំ២០២៥ទេ គឺគ្មានឆ្នាំណាដែលល្អជាងនេះនោះទេ។ ប្រសិនបើរងចាំ២ទៅ៣ឆ្នាំទៀតបាន អាចនឹងមិនបានតម្លៃល្អ ឬលក្ខខណ្ឌល្អនោះទេ៕

ក្តីស្រមៃជិតក្លាយជាការពិត ខណៈក្រុមហ៊ុនចិន Xpeng ប្រកាសផលិតរថយន្តហោះឱ្យបានច្រើនគ្រឿងនៅឆ្នាំ២០២៦

April 22, 2025

ដោយ: គង់ លាងហួរ
អន្តរជាតិ: ក្តីស្រមៃក្នុងការជិះរថយន្តហោះ(Flying Car)អាចនឹងក្លាយជាការពិតក្នុងពេលឆាប់ៗនេះ ខណៈក្រុមហ៊ុនយានយន្តអគ្គិសនីរបស់ចិន បានប្រកាសពីគម្រោងចាប់ផ្តើមផលិតរថយន្តហោះជាច្រើនគ្រឿងនៅឆ្នាំ២០២៦។

កាលពីពេលថ្មីៗនេះ លោក He Xiaopeng ប្រធាន និងជានាយកប្រតិបត្តិរបស់ក្រុមហ៊ុនផលិតរថយន្ត Xpeng ដែលមានមូលដ្ឋាននៅក្នុងទីក្រុងក្វាងចូវ បានបង្ហើបផែនការ និងចក្ខុវិស័យរបស់លោកនៅក្នុងការអភិវឌ្ឍន៍រថយន្តហោះ។

លោកបានអះអាងថា “យើងកំពុងប្រើប្រាស់បច្ចេកវិទ្យាបញ្ញាសិប្បនិម្មិត(AI) ដើម្បីបង្កើតប្រព័ន្ធគ្រប់គ្រងការហោះហើរថ្មីនៅក្នុងរថយន្តហោះទាំងនេះ ក្នុងគោលដៅធ្វើឱ្យការធ្វើដំណើរកាន់តែមានសុវត្ថិភាព និងងាយស្រួលប្រើប្រាស់ជាងមុន”។

ក្រុមហ៊ុន Xpeng បានបញ្ជាក់នៅក្នុងសេចក្តីថ្លែងការណ៍មួយថា “រថយន្តហោះរបស់ខ្លួនឈ្មោះ Xpeng Aeroht មានភាពលេចធ្លោ ដែលនឹងបើកទំព័រសករាជថ្មីនៃទិដ្ឋភាពនៅក្នុងវិស័យអាកាសចរណ៍របស់ប្រទេសចិន”។

រថយន្តហោះ Xpeng Aeroht បានធ្វើការហោះហើរជាសាធារណៈលើកដំបូងនៅឯពិព័រណ៍ China Airshow ដែលប្រារព្ធឡើងនៅទីក្រុង Zhuhai កាលពីខែវិច្ឆិកាឆ្នាំមុន និងបានបង្ហាញខ្លួននៅលើឆាកអន្តរជាតិនៅក្នុងពិព័រណ៍អេឡិចត្រូនិក CES នៅក្នុងទីក្រុង Las Vegas របស់សហរដ្ឋអាមេរិកកាលពីខែមករា ឆ្នាំ២០២៥។

បន្ថែមពីលើរថយន្តហោះ លោក He Xiaopeng ក៏បានទម្លាយពីផែនការបណ្តាក់ទុនវិនិយោគដ៏ធំសម្រាប់ការផលិតមនុស្សយន្ត ក្រោមទុនវិនិយោគចំនួន១០០ពាន់លានយ័ន(ប្រហែល១៣,៨ពាន់លានដុល្លារអាមេរិក)។

ក្រុមហ៊ុនចិន Xpeng បានដាក់តាំងបង្ហាញមនុស្សយន្តឈ្មោះ “Iron humanoid” របស់ខ្លួនកាលពីខែវិច្ឆិកា ឆ្នាំមុន ដើម្បីប្រកួតប្រជែងនឹងមនុស្សយន្ត “Tesla Bot”របស់ក្រុមហ៊ុនយក្ស Tesla របស់សហរដ្ឋអាមេរិក៕ប្រភព: CNA៕

ទីផ្សារអចលនទ្រព្យបដិសណ្ឋារកិច្ចនៅប្រទេសឥណ្ឌូនេសុីកំពុងជួបប្រទះការលំបាក ខណៈតម្រូវការស្នាក់នៅធ្លាក់ចុះ

April 22, 2025

ដោយ: គង់ លាងហួរ
អន្តរជាតិ: យោងតាមកាសែត Jakarta Globe បានរាយការណ៍ថា ទីផ្សារអចលនទ្រព្យបដិសណ្ឋារកិច្ចនៅប្រទេសឥណ្ឌូនេសុីកំពុងរងផលប៉ះពាល់យ៉ាងខ្លាំងពីការដាក់ចេញវិធានការកាត់បន្ថយការចំណាយរបស់រដ្ឋាភិបាលឥណ្ឌូនេសុីក្រោមរដ្ឋបាលរបស់ប្រធានាធិបតីឥណ្ឌូនេសុីលោក Prabowo Subianto។

ឧស្សាហកម្មបដិសណ្ឋារកិច្ចបានពឹងផ្អែកយ៉ាងខ្លាំងទៅលើសកម្មភាព MICE (រួមមានការប្រជុំ ការលើកទឹកចិត្ត សន្និបាត និងការតាំងពិពណ៌) ដោយទទួលបានមូលនិធិពីរដ្ឋាភិបាល ដែលជាប្រភពប្រាក់ចំណូលដ៏សំខាន់សម្រាប់សណ្ឋាគារ។

ទោះបីជាយ៉ាងណា ថ្មីៗនេះ គម្រោងកាត់បន្ថយការចំណាយថវិកាជាតិរបស់ប្រធានាធិបតីឥណ្ឌូនេសុីលោក Prabowo Subianto ដែលមានគោលបំណងសន្សំប្រាក់ចំនួនជាង៣០០ទ្រីលានរូពៀ បានជំរុញឱ្យមន្ត្រី និងទីភ្នាក់ងាររដ្ឋនានាកាត់បន្ថយការធ្វើដំណើរ សិក្ខាសាលា និងការប្រជុំដែលមិនចាំបាច់។

ជាមួយគ្នានេះ ការធ្លាក់ចុះអំណាចនៃការទិញរបស់អ្នកប្រើប្រាស់បានបង្កឱ្យមានការរាំងស្ទុះដល់ការចំណាយលើការធ្វើដំណើរ និងការកម្សាន្ត។

អគ្គលេខាធិការសមាគមសណ្ឋាគារ និមងភោជនីយដ្ឋានឥណ្ឌូនេស៊ី (PHRI) លោក Maulana Yusran បានលើកឡើងថា សណ្ឋាគារជាច្រើនពឹងផ្អែកយ៉ាងខ្លាំងលើការកក់បន្ទប់សាលប្រជុំដោយស្ថាប័នរដ្ឋាភិបាល ដែលរួមចំណែកចន្លោះពី៤០ភាគរយទៅ៦០ភាគរយនៃប្រាក់ចំណូលសរុបសម្រាប់សណ្ឋាគារភាគច្រើន។

លោក Maulana បានបន្តថា យុទ្ធនាការកាត់បន្ថយការចំណាយរបស់រដ្ឋាភិបាលបានជះឥទ្ធិពលយ៉ាងខ្លាំងដល់ឧស្សាហកម្មបដិសណ្ឋារកិច្ច ដោយសារក្រសួង ភ្នាក់ងាររដ្ឋ និងរដ្ឋបាលក្នុងតំបន់មូលដ្ឋានបានកាត់បន្ថយការរៀបចំព្រឹត្តិការណ៍សាធារណៈ។

អត្រាគ្របដណ្តប់ការស្នាក់នៅសណ្ឋាគារទូទាំងប្រទេសឥណ្ឌូនេសុីបានធ្លាក់ចុះមកនៅត្រឹមប្រហែល២០ភាគរយកាលពីខែមីនា ឆ្នាំ២០២៥។ តួលេខនេះបានដាំក្បាលចុះយ៉ាងគំហុក បើប្រៀបធៀបនឹងអត្រាគ្របដណ្តប់ការស្នាក់នៅសណ្ឋាគារទូទាំងប្រទេសឥណ្ឌូនេសុីចន្លោះពី៤០ភាគរយទៅ៦០ភាគរយភាគរយក្នុងខែមីនាដូចគ្នា កាលពីឆ្នាំ២០២៤៕ប្រភព: Jakarta Globe៕

លំហូរវិនិយោគផ្ទាល់មកពីប្រទេសចិនបានជួយធ្វើឱ្យទីក្រុងព្រះសីហនុមានភាពរីកចម្រើន

April 22, 2025

ដោយ: គង់ លាងហួរ
ភ្នំពេញ: កាសែត AFP របស់ប្រទេសបារាំងបានចុះផ្សាយថា លំហូរវិនិយោគផ្ទាល់មកពីប្រទេសចិនបានជួយប្រែក្លាយទីក្រុងព្រះសីហនុរបស់ប្រទេសកម្ពុជា ដែលធ្លាប់ជាភូមិនេសាទដ៏ស្ងប់ស្ងាត់មួយទៅជាទីក្រុងរមណីយដ្ឋានកាសុីណូដ៏អ៊ូអរ។

ប្រទេសចិនជាប្រភពអ្នកវិនិយោគ និងដៃគូពាណិជ្ជកម្មដ៏ធំបំផុតរបស់ប្រទេសកម្ពុជា ខណៈការវិនិយោគភាគច្រើនរបស់ចិនផ្តោតលើការកសាងកំពង់ផែនៅឈូងសមុទ្រថៃ ដែលជាទីតាំងយុទ្ធសាស្ត្រដ៏សំខាន់នៅក្នុងគំនិតផ្តួចផ្តើមខ្សែក្រវ៉ាត់ និងផ្លូវ (BRI) របស់រដ្ឋាភិបាលចិន។

កម្ពុជាបានទាក់ទាញយ៉ាងសកម្មនូវការបណ្តាក់ទុនវិនិយោគពីបណ្តាសហគ្រាសរដ្ឋរបស់ទីក្រុងប៉េកាំង។ការណ៍នេះបានធ្វើឱ្យខេត្តព្រះសីហនុ មានការប្រែប្រួលជារៀងរាល់ឆ្នាំ។

យោងតាមរដ្ឋបាលខេត្តព្រះសីហនុបានឱ្យដឹងថា តំបន់នេះមានផលទុនជាតិសរុបសម្រាប់មនុស្សម្នាក់ៗ( GDP Per Capita)ចំនួន៤.០០០ដុល្លារក្នុងមួយឆ្នាំ ឬស្មើនឹងប្រមាណ២ដងនៃមធ្យមភាគប្រាក់ចំណូលជាមធ្យមប្រចាំឆ្នាំរបស់ប្រជាជនកម្ពុជានៅទូទាំងប្រទេស។ ប្រាក់ចំណូលនេះត្រូវបានជំរុញភាគច្រើនដោយរោងចក្រផលិតកម្មរបស់វិនិយោគិនចិននៅខេត្តព្រះសីហនុ។

លោក ឡុង ឌីម៉ង់ អភិបាលរងខេត្តព្រះសីហនុ បានមានប្រសាសន៍ឱ្យដឹងថា “តំបន់សេដ្ឋកិច្ចពិសេសក្រុងព្រះសីហនុ ជានិមិត្តរូបនៃទំនាក់ទំនងកម្ពុជា-ចិន”។ លោកបានបង្ហាញក្តីសង្ឃឹមថា ក្រៅពីកាសុីណូ ខេត្តព្រះសីហនុនឹងមានការរីកចម្រើនលើសពីនេះ។

លោក ឡុង ឌីម៉ង់ បានថ្លែងប្រាប់ទៅកាន់កាសែត AFP ថា “ខេត្តព្រះសីហនុស្វាគមន៍ការវិនិយោគពីគ្រប់ប្រទេសទាំងអស់។កម្ពុជាជាប្រទេសតូចមួយ។ ដូច្នេះ យើងមិនមានជម្រើសទេ”។

ជាក់ស្តែង គម្រោងអចលនទ្រព្យ Peninsula Bay តម្លៃ១ពាន់លានដុល្លារអាមេរិកស្ថិតនៅសង្កាត់លេខ៤ ក្រុងព្រះសីហនុ ខេត្តព្រះសីហនុ កំពុងស្ថិតក្រោមការសាងសង់ ក្នុងគោលដៅធ្វើឱ្យទីក្រុងព្រះសីហនុមានភាពអស្ចារ្យសារជាថ្មី៕ប្រភព: AFP៕

សម្តេចធិបតីណែនាំឲ្យក្រុមហ៊ុនសាងសង់កំពង់ផែទេសចរណ៍ខេត្តកំពតគិតគូរពីការបង្កើតផលិតផលទេសចរណ៍ថ្មីៗ

April 21, 2025

ដោយៈ គង់ ម៉ាណា

កំពតៈ សម្តេចមហាបវរធិបតី ហ៊ុន ម៉ាណែតនាយករដ្ឋមន្រ្តីនៃកម្ពុជាបានណែនាំឲ្យក្រុមហ៊ុន សាងសង់កំពង់ផែទេសចរ៤ណ៍អន្តរជាតិខេត្តកំពត រៀបចំកម្មវិធីជាផលិតផលទេសចរណ៍ថ្មី ដើម្បីទាក់ទាញភ្ញៀវជាតិ អន្តរជាតិ។

សម្តេចបានថ្លែងបែបនេះ ក្នុងពិធីសម្ភោធដាក់ឲ្យប្រើប្រាស់កំពពង់ផែទេសចរណ៍អន្តរជាតិ នៅខេត្តកំពតនាព្រឹកថ្ងៃទី២១ មេសានេះ។

លើសពីនេះសម្តេចបានណែនាំ ក្រុមហ៊ុនត្រូវបន្តលើកកម្ពស់ការផ្តល់សេវាកម្ម ឱ្យកាន់តែមានប្រសិទ្ធភាព រហ័ស ងាយស្រួល និង ភាពជឿទុកចិត្ត ដោយរក្សាតម្លៃសមរម្យ និង ធានាឱ្យបាននូវអនាម័យ និងសោភ័ណភាពនៅទីតាំងកំពង់ផែ ជាពិសេសពង្រឹងសន្តិសុខ និង សុវត្ថិភាព សម្រាប់បុគ្គលិក អ្នកដំណើរ និងនាវា។

ជាមួយគ្នានេះ គណៈកម្មាធិការគ្រប់គ្រង កិច្ចព្រមព្រៀមស្ដីពីប្រតិបត្តិការ និង ការថែទាំនៃកំពង់ផែទេសចរណ៍អន្តរជាតិកំពត ដែលមានសមាសភាពពីក្រសួងសេដ្ឋកិច្ច និងហិរញ្ញវត្ថុ ក្រសួងសាធារណការ និងដឹកជញ្ជូន ក្រសួងទេសចរណ៍ និងរដ្ឋបាលខេត្តកំពត ក៏ត្រូវតាមដាន ត្រួតពិនិត្យ និងសម្របសម្រួលដោះស្រាយបញ្ហាប្រឈម និងសំណូមពរនានា របស់ក្រុមហ៊ុន និងធានាឱ្យបាននូវស្តង់ដារ និង គុណភាពសេវាកម្មរបស់កំពង់ផែ។

សម្តេចមហាបវរធិបតី ហ៊ុន ម៉ាណែត ក៏បានណែនាំក្រុមហ៊ុនត្រូវសហការជាមួយក្រសួងស្ថាប័នពាក់ព័ន្ធ ក្នុងការរៀបចំព្រឹត្តិការណ៍ផ្សេងៗ នៅទីតាំងកំពង់ផែ និង ពិនិត្យលទ្ធភាពបង្កើតសេវាកម្មថ្មីៗ ដូចជា៖ ការជិះកម្សាន្ត ការបរិភោគអាហារ ការរៀបចំពិធីកម្សាន្ត ឬទម្រង់ជាទេសចរណ៍ តាមនាវានៅតាមព្រែកកំពង់បាយ ឬ ព្រែកកំពង់សំរោង ជាពិសេសនៅពេលរាត្រីជាដើម និងការជំរុញផ្សព្វផ្សាយឱ្យកាន់តែ ទូលំទូលាយ សម្រាប់ការដឹកជញ្ជូនភ្ញៀវទេសចរ ទៅកាន់តំបន់កម្សាន្តផ្សេងៗ។

លើសពីនេះ សម្តេចមហាបវរធិបតី ហ៊ុន ម៉ាណែត ណែនាំក្រសួងសាធារណការ និងដឹកជញ្ជូន ត្រូវសហការជាមួយក្រសួងស្ថាប័នពាក់ព័ន្ធ ដើម្បីរៀបចំ និងពន្លឿនការតភ្ជាប់ការដឹកជញ្ជូនភ្ញៀវទេសចរ ជាមួយបណ្តាប្រទេសជិតខាង ដែលកិច្ចការនេះគឺផ្ដោតសំខាន់ទៅលើតែសកម្មភាពពាណិជ្ជកម្ម និង ទេសចរណ៍ប៉ុណ្ណោះ ដោយមិនត្រូវពាក់ព័ន្ធនឹងការចរចាអំពីព្រំដែនទឹក ជាមួយបណ្តាប្រទេសជិតខាងនោះទេ៕

What to know about Trump’s ‘gold card’

April 21, 2025

U.S. President Donald Trump has unveiled the first “gold card” as a vehicle for wealthy global citizens to live and work in the U.S. just by paying $5 million.

What is the gold card?

The gold card gives a person green card privileges and opens up opportunities for them to become an American citizen, Trump said in February.

“It’s going to give you green card privileges plus it’s going to be a route to (American) citizenship, and wealthy people would be coming into our country by buying this card,” Trump said, as reported by Reuters.

Traditionally, the green card has been a desirable document for many foreigners as it guarantees permanent residential status in the U.S.

Acquiring the green card, however, is a complicated process that can last up to years.

With the gold card, the process of becoming an American resident will be simplified, and the money collected from its sale will be help reduce the national debt.

Who are eligible?
“People with money” can qualify for the gold visa, Trump said in February, without revealing any specific job-creation requirements.

U.S. Secretary of Commerce Howard Lutnick has confirmed that buyers will undergo a vetting process to ensure they are “wonderful, world class global citizens.”

Lutnick previously claimed that more than 1,000 gold cards had been sold and that over 37 million people globally have the means to buy one.

Source: Vnexpress

ក្រុមហ៊ុនយក្ស Samsung បង្ហើបបំណងច្របាច់បញ្ចូលគ្នា និងទិញយកអាជីវកម្មដទៃ ដើម្បីជំរុញប្រាក់ចំណូល

April 21, 2025

ដោយ: គង់ លាងហួរ
អន្តរជាតិ: ក្រុមហ៊ុនបច្ចេកវិទ្យាយក្ស Samsung Electronics របស់ប្រទេសកូរ៉េខាងត្បូង បានប្រកាសថា ខ្លួនកំពុងពិចារណាស្វែងរកកិច្ចព្រមព្រៀងសំខាន់ៗ ដើម្បីជំរុញកំណើនប្រាក់ចំណូលរបស់ក្រុមហ៊ុន។

ការប្រកាសនេះបានធ្វើឡើង បន្ទាប់ពីក្រុមហ៊ុន Samsung Electronics ប្រឈមមុខនឹងសំណួរដ៏លំបាកពីម្ចាស់ភាគហ៊ុនរបស់ខ្លួន ដោយសារភាពបរាជ័យរបស់ Samsung ក្នុងការជំរុញភាពរីកចម្រើននៃបច្ចេកវិទ្យាបញ្ញាសិប្បនិម្មិត (AI) ដែលរួមចំណែកធ្វើឱ្យភាគហ៊ុនរបស់ក្រុមហ៊ុននេះដាំក្បាលចុះ កាលពីឆ្នាំមុន ។

នាពេលថ្មីៗនេះ ក្រុមហ៊ុនយក្ស Samsung របស់កូរ៉េខាងត្បូងបាននិងកំពុងជួបប្រទះបញ្ហាសំខាន់ៗដូចជា ការធ្លាក់ចុះនៃប្រាក់ចំណូល និងការធ្លាក់ថ្លៃចុះនៃភាគហ៊ុនជាបន្តបន្ទាប់ ដោយសារតែភាពយឺតយ៉ាវរបស់ក្រុមហ៊ុននេះ ក្នុងការផលិតបន្ទះឈីបអង្គចងចាំដែលមានប្រសិទ្ធភាពខ្ពស់ និងការផលិតបន្ទះឈីបសម្រាប់លក់ទៅឱ្យបណ្តាក្រុមហ៊ុនបច្ចេកវិទ្យាផ្សេងទៀត។

ទោះបីជាយ៉ាងណាក្តី ឆ្នាំ២០២៥ នឹងក្លាយជាឆ្នាំដ៏លំបាកមួយសម្រាប់ក្រុមហ៊ុននេះ ព្រោះតែភាពមិនប្រាកដប្រជាជុំវិញគោលនយោបាយសេដ្ឋកិច្ចរបស់បណ្ដាប្រទេសមហាអំណាចធំៗ ជាពិសេសភាពតានតឹងរវាងចិន និងសហរដ្ឋអាមេរិក។

ក្រុមហ៊ុនយក្ស Samsung បានប្តេជ្ញាថា នឹងបន្តស្វែងរកលទ្ធភាព ឬឱកាសដើម្បីទិញ ឬធ្វើសមាហរណកម្មបញ្ចូលគ្នាជាមួយក្រុមហ៊ុនផ្សេងទៀត ដើម្បីអាចជួយរួមចំណែកជំរុញកំណើនប្រាក់ចំណូល និងឈានទៅជួយដោះស្រាយនូវក្ដីកង្វល់របស់បណ្តាវិនិយោគិន។

ក្រុមហ៊ុន Samsung ជាក្រុមហ៊ុន ដែលមានតម្លៃខ្ពស់ជាងគេបំផុតរបស់ប្រទេសកូរ៉េខាងត្បូង ជាមួយនឹងទំហំមូលធនបត្រទីផ្សារ(Market Cap)ចំនួន២៣៥ពាន់លានដុល្លារអាមេរិក។

យោងតាមទិន្នន័យទីផ្សារបានឱ្យដឹងថា ចំនួនជិត៤០ភាគរយនៃបណ្តាអ្នកវិនិយោគសរុបនៅក្នុងទីផ្សារភាគហ៊ុនរបស់កូរ៉េខាងត្បូង សុទ្ធតែបានទិញនូវភាគហ៊ុនរបស់ក្រុមហ៊ុន Samsung ៕ប្រភព: Reuters៕

Chinese buyers likely to reduce purchases of Thai apartments amid slowed tourism, earthquake impact

April 21, 2025

Condo transfers from Chinese buyers in Thailand are expected to remain at less than 40% of foreign transfers for the second consecutive year, as tourism from the nation softens and the recent earthquake dampens confidence.

Chinese buyers’ condo transfers accounted for 39% of total international transfers last year, marking the first time in five years the figure dropped below 40%. The share of condo transfers from Chinese buyers was 61% in 2020, then fell to 58% in 2021 and 49% in 2022.

Patcharaphot Nuntramas, chief economist at Krungthai Compass, a research center under Krungthai Bank, said the decline in condo transfers by Chinese buyers aligns with a reduction in visitors from that country. The tourism decrease is attributed to increased competition from other countries, particularly Japan, Vietnam and the Republic of Korea.

The recent earthquake in Thailand will also likely dampen condo transfers and purchases by Chinese buyers this year, he said.

The Myanmar earthquake also affected some areas of China, and Krungthai Compass predicted the disaster to reduce demand and purchasing power among Chinese condo buyers, though the impact is expected to be short-term.
Chinese buyers remain the leading group for condo transfers to foreigners in Thailand, followed by buyers from Myanmar, Russia, Taiwan (China), and the U.S.

Source: VNA

តើគោលនយោបាយលក់ទិដ្ឋាការកាតមាសតម្លៃ៥លានដុល្លារក្នុងមួយសន្លឹករបស់លោក ដូណាល់ ត្រាំ មានដំណើរការដូចម្តេច?

April 21, 2025

ដោយ: គង់ លាងហួរ
អន្តរជាតិ: លោក ដូណាល់ ត្រាំ ប្រធានាធិបតីនៃសហរដ្ឋអាមេរិក បានបង្ហាញ“កាតមាស”ដំបូងបង្អស់ សម្រាប់លក់ទៅឱ្យជនបរទេសដែលមានបំណងចូលមករស់នៅ និងធ្វើការនៅសហរដ្ឋអាមេរិក ក្នុងតម្លៃ៥លានដុល្លារក្នុងមួយសន្លឹក។

លោក ដូណាល់ ត្រាំ បានប្រកាសថា “អ្នកទិញកាតមាស(Gold Card)នឹងទទួលបានសិទ្ធិដូចគ្នានឹងអ្នកកាន់កាតបៃតង(Green Card) និងជួយឱ្យជនបរទេសក្លាយជាពលរដ្ឋអាមេរិក”។

ជាទូទៅ កាតបៃតងជាឯកសារមួយ ដែលជនបរទេសជាច្រើនប្រាថ្នាចង់បាន ដោយសារកាតនេះអាចធានានូវស្ថានភាពលំនៅដ្ឋានអចិន្ត្រៃយ៍របស់ជនបរទេសនៅក្នុងសហរដ្ឋអាមេរិក។
ទោះជាយ៉ាងណា ការទិញកាតបៃតងជាដំណើរការដ៏ស្មុគស្មាញ ដែលត្រូវការចំណាយពេលវេលារាប់ឆ្នាំ។

ដោយឡែក ការទិញកាតមាស នឹងសម្រួលដំណើរការនៃការក្លាយជាពលរដ្ឋអាមេរិកឱ្យមានភាពសាមញ្ញ ហើយទំហំទឹកប្រាក់ ដែលប្រមូលបានពីការលក់កាតមាសរបស់លោក ដូណាល់ ត្រាំ នឹងយកទៅជួយកាត់បន្ថយបំណុលជាតិរបស់សហរដ្ឋអាមេរិក។

តើបុគ្គលប្រភេទណាមានសិទ្ធិទិញកាតមាសនេះ?។

ចំពោះសំណួរនេះ លោក ដូណាល់ ត្រាំ ធ្លាប់បានអះអាងថា “មនុស្សដែលមានលុយសុទ្ធតែអាចមានលក្ខណៈសម្បត្តិគ្រប់គ្រាន់ក្នុងការទិញកាតមាស”។

ចំណែក រដ្ឋមន្ត្រីក្រសួងពាណិជ្ជកម្មអាមេរិក លោក Howard Lutnick បានលើកឡើងថា អ្នកដាក់ពាក្យទិញកាតមាសនឹងត្រូវបានត្រួតពិនិត្យ ដើម្បីប្រាកដថា ពួកគេជាពលរដ្ឋលំដាប់ពិភពលោក។

គិតមកទល់ពេលនេះ សហរដ្ឋអាមេរិកក្រោមរដ្ឋបាលលោក ត្រាំ បានលក់ដាច់កាតមាសជាង១.០០០សន្លឹក ខណៈមនុស្សចំនួនជាង៣៧លាននាក់នៅទូទាំងពិភពលោកអាចមានលទ្ធភាពទិញកាតមាស។

ហេតុអ្វីបានជាកាតមាសមានសារៈសំខាន់?។

លោក ដូណាល់ ត្រាំ បានប្រកាសបង្កើតកាតមាសនេះឡើងដើម្បីដាក់ជំនួសកម្មវិធីទិដ្ឋាការប្រភេទ EB-5 ដែលត្រូវបានដាក់ឱ្យដំណើរការចាប់តាំងពីឆ្នាំ១៩៩០ តាមរយៈការលក់កាតបៃតងទៅឱ្យបណ្តាអ្នកវិនិយោគបរទេសក្នុងតម្លៃ១លានដុល្លារក្នុងមួយសន្លឹក។

សភាអាមេរិកបានអនុម័តបង្កើតកម្មវិធីទិដ្ឋាការប្រភេទ EB-5 ក្នុងគោលបំណងដើម្បីជំរុញសេដ្ឋកិច្ចរបស់សហរដ្ឋអាមេរិក តាមរយៈការបង្កើតការងារ និងការទាក់ទាញទុនវិនិយោគពីបរទេស។

ប៉ុន្តែ រដ្ឋបាលលោក ត្រាំ ជឿជាក់ថាគោលនយោបាយទិដ្ឋាការ EB-5 ត្រូវបានគេកេងប្រវ័ញ្ច។

លោក Lutnick បានថ្លែងថា “កម្មវិធី EB-5 ពោរពេញទៅដោយភាពមិនសមហេតុសមផល និងការក្លែងបន្លំ ហើយវាជាវិធីមួយដែលអនុញ្ញាតឱ្យជនបរទេសអាចទិញកាតបៃតងក្នុងតម្លៃថោក។ដូច្នេះ លោកប្រធានាធិបតី ត្រាំ នឹងបិទបញ្ចប់កម្មវិធី EB-5 នេះ”។

កាលពីឆ្នាំ២០២១ ការិយាល័យគណនេយ្យភាពរបស់រដ្ឋាភិបាលអាមេរិកបានអះអាងថា កម្មវិធីទិដ្ឋាការ EB-5 ប្រឈមមុខនឹងហានិភ័យខ្ពស់នៃការក្លែងបន្លំ ដោយសារផលលំបាកនៅក្នុងការតាមដានប្រភពនៃមូលនិធិរបស់អ្នកដាក់ពាក្យស្នើសុំទិដ្ឋាការ៕ប្រភព: Vnexpress៕

Samsung to pursue deals as it struggles for growth

April 21, 2025

Samsung Electronics said, it is looking at major deals to drive growth as it faced tough questions from shareholders after its failure to ride an artificial intelligence boom made it one of the worst-performing tech stocks last year.

The South Korean firm has been suffering from weak earnings and sagging share prices in recent quarters after falling behind rivals in advanced memory chips and contract chip manufacturing, which have enjoyed strong demand from AI projects.

Shareholders slammed management for poor stock performance and called for measures to revive stock prices at the meeting.

Samsung’s co-CEO and head of its semiconductor business pledged to catch up with the high bandwidth memory (HBM) chip race and apologised for the company’s poor stock performance.

“We were late in reading the market trends and we missed out on the early market as a result,” Jun Young-hyun, Samsung co-CEO and head of its semiconductor business, said at the meeting.

Samsung, which has introduced a stock-based performance system to executives last year, is considering expanding the scheme to employees next year, as part of efforts to review its stock prices,
Former co-CEO Han Jong-hee said.

“The stock performance has been disappointing,” a 65-year old shareholder who only gave his family name, Lee, told Reuters ahead of the meeting.

Source: Reuters

1...505152...3,064 Page 51 of 3,064