វិភាគ​៖ រលក​សេដ្ឋកិច្ច​ នយោបាយ​ និង​លក្ខខ័ណ្ឌ​ភូមិសាស្ត្រ​ពិតជា​ធ្វើឲ្យ​ក្រុង​បាវិត​ស្លោក​ស្រពោន​ឬ?

0
វិភាគ​៖ រលក​សេដ្ឋកិច្ច​ នយោបាយ​ និង​លក្ខខ័ណ្ឌ​ភូមិសាស្ត្រ​ពិតជា​ធ្វើឲ្យ​ក្រុង​បាវិត​ស្លោក​ស្រពោន​ឬ?
វិភាគ​៖ រលក​សេដ្ឋកិច្ច​ នយោបាយ​ និង​លក្ខខ័ណ្ឌ​ភូមិសាស្ត្រ​ពិតជា​ធ្វើឲ្យ​ក្រុង​បាវិត​ស្លោក​ស្រពោន​ឬ?

ដោយ​យិន​ លាង​គង់​ ស្ថាបនិក​ និង​ជា​អគ្គនាយក​គេហទំព័រ​ Propertyarea.asia​

ក្រុង​បាវិត​៖ នៅពេល​និយាយ​ពី​ការ​អភិវឌ្ឍ​វិស័យ​អចលនទ្រព្យ​ កត្តា​សំខាន់​ដំបូង​ដែល​អ្នក​វិនិយោគ​ឆ្លាតវៃ​ផ្តោត​ការ​យកចិត្ត​ទុកដាក់​ គឺ​ពួកគេ​សិក្សា​ពីទី​តាំង​ ហេ​ដ្ឋា​រចនាសម្ព័ន្ឋ​ និង​កត្តា​ប្រជា​សាស្រ្ត​ ដែល​ចំណុច​សំខាន់​ទាំង​បី​នេះ​ ជា​កំលាំង​ចលករ​សំខាន់​ ធ្វើឲ្យ​វិស័យ​អចលនទ្រព្យ​នៅតែ​រស់​រវើក​។

ក្រុង​បាវិត​ មិន​ខុសពី​ក្រុង​ព្រះសីហនុ​ និង​ក្រុង​ប៉ោយប៉ែត​នោះ​ទេ​ ដែល​មូលដ្ឋាន​ទាំង​បី​ ពិតជា​រង​រលក​តូច​មួយ​បាន​បក់បោក​ក្នុងរយៈពេល​ខ្លី​ ដោយសារ​ការ​បិទ​ហ្គេម​អន​ឡា​ញរ​បស់​រដ្ឋាភិបាល​យ៉ាង​តក់ក្រហល់​ ប៉ុន្តែ​តើ​ការ​បិទ​ហ្គេម​អន​ឡាញ​ ពិតជា​សម្លាប់​សេដ្ឋកិច្ច​និង​ធ្វើឲ្យ​វិស័យ​សំណង់​ និង​អចលនទ្រព្យ​ស្លោក​ស្រពោន​ឬ??។

មុន​ឆ្លើយ​សំណួរ​នេះ​ គឺ​យើង​ពិនិត្យ​លើក​ត្តា​សំ​ខាន់​ៗដែល​បាន​លើកឡើង​ខាងលើ​ជាមុន​សិន​។

កត្តា​ហេ​ដ្ឋា​រចនាសម្ព័ន្ធ​ផ្លូវគោក​

ហេ​ដ្ឋា​រចនាសម្ព័ន្ឋ​ជាស​រសៃ​ឈាម​សេដ្ឋកិច្ច​ ប្រៀប​ដូចជា​សរសៃ​ឈាម​នៅក្នុង​រាងកាយ​របស់​យើង​ ដែល​បាន​ដើរតួ​ដូចជា​ទុយោ​មួយ​ សម្រាប់​ចែកចាយ​ឈាម​ទៅ​ចិញ្ចឹម​ផ្នែក​នៃ​សារពាង្គកាយ​ដទៃទៀត​។ ដូចគ្នានឹង​ក្រុង​បាវិត​ ការពង្រីក​ហេ​ដ្ឋា​រចនាសម្ព័ន្ឋ​របស់​រដ្ឋាភិបាល​ ការ​តភ្ជាប់​ផ្លូវ​ល្បឿន​លឿន​ពី​ប្រទេស​វៀតណាម​ មកកាន់​ច្រក​ទ្វារ​អន្តរជាតិ​បាវិត​បាន​និង​កំពុង​ពន្លឿន​។

ចំណែក​ក្នុង​ក្របខ័ណ្ឌ​ផ្ទៃក្នុង​កម្ពុជា​ ប្រមុខ​រដ្ឋាភិបាល​កម្ពុជា​ បាន​ជួប​ជាមួយ​ថ្នាក់ដឹកនាំ​ក្រុមហ៊ុន​ស្ពាន​ ថ្នល់​របស់​ចិន​កាលពី​ពេល​ថ្មី​ៗនេះ​ ដើម្បី​អនុញ្ញាតឲ្យ​ក្រុមហ៊ុន​នេះ​សិក្សា​ និង​ឈាន​ទៅ​បើក​ការដ្ឋាន​សាងសង់​ផ្លូវ​ល្បឿន​លឿន​ពី​ភ្នំពេញ​ ទៅកាន់​ក្រុង​បាវិត​នា​ពេល​ឆាប់​ៗនេះ​ ខណៈ​ផ្លួវ​នេះ​ត្រូវ​បាន​សិក្សា​ ដោយ​ទីភ្នាក់ងារ​សហប្រតិបត្តិ​ការអន្តរជាតិ​ជប៉ុន ​(JICA​) ​រួច​ហើយ​ ដែល​គ្រោង​ចំណាយ​ទឹកប្រាក់ ៣៨០០លាន​ដុល្លារ​អាមេរិក​។

ជាមួយនឹង​លក្ខខ័ណ្ឌ​អំណោយផល​ នៃ​ហេ​ដ្ឋា​រចនាសម្ព័ន្ឋ​ទាំងនេះ​ ក្រុង​បាវិត​ក៏​មាន​កំពង់ផែ​ទឹកជ្រៅ​នៅ​ប្រទេស​វៀតណាម​ “ជា​ខ្នងបង្អែក​” ដើម្បី​សម្រួលការ​ដឹកជញ្ជូន​ផលិតផល​វាយ​ណភ័​ណ្ឌ​ កង់​ និង​សម្ភារៈ​ធ្វើដំណើរ​ដទៃទៀត​ទៅកាន់​ទីផ្សារ​អន្តរជាតិ​។

លើស​ពីនេះ​ផ្លូវជាតិ​លេខ១​ និង​ផ្លូវ​ល្បឿន​លឿន ​(នា​ពេល​អនាគត​) បាន​និង​កំពុង​ដើរតួ​នាទី​តភ្ជាប់​ មិន​ត្រឹម​ក្របខ័ណ្ឌ​ទ្វេរ​ភាគ ​(កម្ពុជា​ វៀតណាម​) ប៉ុណ្ណោះទេ​ ប៉ុន្តែ​វាត​ភ្ជាប់​ជាមួយ​ថ្នាក់​តំបន់​ តាមរយៈ​គោលនយោបាយ​ត្បូង​ ត្បូង​របស់​អាស៊ាន​ និង​គោលនយោបាយ​ខ្សែ​ក្រ​វ៉ាត់​ និង​ផ្លូវ​របស់​មហាយក្ស​ចិន​ផង​ដែរ​។

បច្ចុប្បន្ន​រដ្ឋាភិបាល​បាន​ និង​កំពុង​ពង្រីក​ផ្លូវជាតិ​លេខ៥​ ដោយ​អូស​ខ្សែ​ជីពចរ​ សេដ្ឋកិច្ច​នេះ​ ចេញពី​ភាគ​ពាយ័ព្យ​ប្រទេស​ មកកាន់​រាជធានី​ភ្នំពេញ​ តាមរយៈ​ផ្លូវ​ក្រ​វ៉ាត់​ក្រុង​ទី៣​ ដើម្បី​តភ្ជាប់​ជាមួយ​ផ្លូវជាតិ​លេខ១​ នា​ពេល​បច្ចុប្បន្ន​ និង​តភ្ជាប់​ជាមួយ​ផ្លូវ​ល្បឿន​លឿន​នា​ពេល​អនាគត​ផង​ដែរ​។

នេះ​ជា​ហេ​ដ្ឋា​រចនាសម្ព័ន្ឋ​ដ៏​សំខាន់​ ដែល​ជា​ការ​គិត​គូ​ប្រកបដោយ​ចក្ខុវិស័យ​យ៉ាង​វែងឆ្ងាយ​របស់​រដ្ឋាភិបាល​ ពិសេស​ប្រទេស​ជា​មិត្ត​ ព្រោះ​ជប៉ុន​មិនមែន​ជួយ​សាងសង់​ស្ពាន​អ្នកលឿង ​(ត្យឹ​បា​សា​) ត្រឹម​ក្របខ័ណ្ឌ​មិត្តភាព​នោះ​ទេ​ ប៉ុន្តែ​ក៏​ក្នុង​ក្របខ័ណ្ឌ​ពង្រីក​ការ​អភិវឌ្ឍ​នៅក្នុង​តំបន់​ និង​ភូមិ​សាស្រ្ត​នយោបាយ​របស់​ខ្លួន​ផង​ដែរ​។

ហេ​ដ្ឋា​រចនាសម្ព័ន្ធផ្លូវទឹក​

ព្រះអាទិត្យ​មិន​លិច​នៅ​ក្រុង​បាវិត​នោះ​ទេ​ ព្រោះ​ហេ​ដ្ឋា​រចនាសម្ព័ន្ឋ​ផ្លូវគោក​ និង​ផ្លូវទឹក​ត្រូវ​បាន​គូសវាស​រួចជាស្រេច​ ពិសេស​អ្នក​វិនិយោគ​ជាតិ​ និង​អន្តរជាតិ​បាន​និង​កំពុង​ពង្រីក​ខ្លួន​កាន់តែ​ច្រើន​មកកាន់​តំបន់​នេះ​។ ក្របខ័ណ្ឌ​ផ្ទៃក្នុង​កម្ពុជា​ គឺ​កម្ពុជា​មាន​កំពង់​ផែ​ស្វយ័ត្នភ្នំ​ពេញ​ ដែល​ជួយ​សម្រួលការ​ដឹកជញ្ជូន​ ទៅកាន់​កំពង់ផែ​វៀតណាម​ ប៉ុន្តែ​ក្របខ័ណ្ឌ​តំបន់​ គឺ​ម្ចាស់​រោងចក្រ​ សហគ្រាស​នានា​បាន​ និង​កំពុង​សម្លឹង​មើល​អត្ថ​ប្រយោជន៍​នៃ​ភូមិ​សាស្រ្ត​នយោបាយ​ និង​ភូមិ​សាស្រ្ត​សេដ្ឋកិច្ច​ ដែល​មាន​ភាព​អំណោយផល​លើ​ការ​ដឹកជញ្ជូន​ចេញពី​តំបន់​សេដ្ឋកិច្ច​ពិសេស​បាវិត​ ទៅកាន់​កំពង់ផែ​ទឹកជ្រៅ​របស់​វៀតណាម​ ដែល​មាន​ចម្ងាយ​ជិត​ និង​តម្លៃ​ដឹកជញ្ជូន​ប្រកួតប្រជែង​។

កត្តា​នេះ​ហើយ​ បាន​ជា​ក្រុង​បាវិត​ បាន​និង​កំពុង​រីក​ដុះដាល​នូវ​តំបន់​សេដ្ឋកិច្ច​ពិសេស​ ការ​កសាង​ក្រុង​រណប​ ការសាងសង់​អាគារ​ពាណិជ្ជកម្ម​ សណ្ឋាគារ​ កាស៊ីណូ​ និង​ការពង្រីក​មូលដ្ឋាន​ផលិតកម្ម​ ពី​ប្រទេសជិតខាង​មកកាន់​តំបន់​នេះ​។

ជាក់ស្តែង​តំបន់​សេដ្ឋកិច្ច​ពិសេស​តាយ​សេង​ បាវិត​ នឹង​បង្ហាញខ្លួន​នៅ​លើ​ផ្ទៃដី​ទំហំ​ ១,២៧០​,២០០​ ម៉ែត្រការ៉េ​ ដែល​មាន​ទីតាំង​ស្ថិតនៅ​ក្នុង​សង្កាត់​ចក្រ​ម្ទេស​ និង​សង្កាត់​បាវិត​ ក្រុង​បាវិត​ ខេត្តស្វាយរៀង​ ខណៈ​ក្រុង​មួយ​នេះ​ មាន​សក្តា​នុ​ពល​សេដ្ឋកិច្ច​ខ្ពស់​។

តំបន់​សេដ្ឋកិច្ច​ពិសេស​នេះ​ត្រូវ​បាន​អនុម័ត​ តាមរយៈ​កិច្ចប្រជុំ​អន្តរក្រសួង​ កាលពី​ថ្ងៃទី​ ២៩​ ខែសីហា​កន្លងមក​នេះ​។

លើស​ពីនេះ​ ​រដ្ឋាភិបាល​កម្ពុជា​ តាមរយៈ​ក្រសួងសាធារណការ​ និង​ដឹកជញ្ជូន​ និង​អាជ្ញាធរ​ខេត្តស្វាយរៀង​ សហការ​ជាមួយនឹង​ធនាគារ​អភិវឌ្ឍន៍​អាស៊ី​ (ADB​) សិក្សា​ និង​ដាក់​ផែនការ​លើ​ការងារ​រៀបចំ​ហេដ្ឋារចនាសម្ព័ន្ធ​ ក្នុង​ការ​អភិវឌ្ឍ​ក្រុង​បាវិត​ ដើម្បី​ធ្វើឲ្យ​ទីក្រុង​នេះ​ មានការ​អភិវឌ្ឍ​ប្រកបដោយ​ចីរភាព​។

យោង​តាម​កិច្ចប្រជុំ​នៃ​រវាង​រដ្ឋាភិបាល​កម្ពុជា​ និង​តំណាង​ធនាគារ​អភិវឌ្ឍន៍​អាស៊ី​ (ADB​) កាលពី​កន្លង​មក​ថ្មី​ៗនេះ​ ភាគី​ទាំងពីរ​ក៏បាន​ពិភាក្សា​ផ្តោត​ សំខាន់​ទៅលើ​ការងារ​រៀបចំ​សិក្សា​អំពី​គំរោង​ និង​ប្លង់​គោល​ដើម្បី​អភិវឌ្ឍន៍​ជា​ជំ​ហាន​ៗ នៅក្នុង​ក្រុង​បាវិត​មាន​ដូចជា​ វិស័យ​គមនាគមន៍​ វិស័យ​ទឹក​ស្អាត​ ប្រព័ន្ធ​លូ​បង្ហូរទឹក​ អាង​ចម្រោះ​ទឹក​កខ្វក់​ (អាង​ប្រព្រឹត្តិ​កម្ម​) ការកែច្នៃ​សំរាម​ កាកសំណល់​រឹង​រាវ​ជាដើម​។

កត្តា​គោលនយោបាយ​

រដ្ឋាភិបាល​កម្ពុជា​កាលពី​ឆ្នាំ២០១៥​ បាន​ដាក់ចេញ​នូវ​គោលនយោបាយ​អភិវឌ្ឍន៍​ វិស័យ​ឧស្សាហកម្ម​ឆ្នាំ២០១៥​ ២០២៥​ ដោយ​ដាក់​ក្រុង​បាវិត​ ក្រុង​ប៉ោយប៉ែត​ និង​ក្រុង​ព្រះសីហនុ​ ជា​តំបន់ឧស្សាហកម្ម​ពិសេស​ ហើយ​តាមរយៈ​គោលនយោបាយ​នេះ​ រដ្ឋាភិបាល​បាន​ធ្វើការ​អភិវឌ្ឍ​ហេ​ដ្ឋា​រចនាសម្ព័ន្ឋ​ជាច្រើន​ ដើម្បី​ឆ្លើយតប​នឹង​គោលនយោបាយ​នេះ​ ទាំង​ហេ​ដ្ឋា​រចនាសម្ព័ន្ឋ​រឹង​ រាវ​ និង​គោលនយោបាយ​លើកទឹកចិត្ត​ដទៃទៀត​។

តាមរយៈ​គោលនយោបាយ​សំ​ខាន់​ៗនេះ​ហើយ​ បាន​ជា​ក្រុង​បាវិត​បាន​ និង​កំពុង​ទាក់ទាញ​ការ​វិនិយោគ​ កាន់តែ​ច្រើនឡើង​ពី​អ្នក​វិនិយោគ​អន្តរជាតិ​ ពិសេស​រោងចក្រ​ផលិត​កង់​ល្បី​ៗនៅ​ជុំវិញ​ពិភពលោក​ បាន​ជ្រើសរើស​ក្រុង​បាវិត​ជា​មូលដ្ឋាន​ផលិតកម្ម​របស់់​ពួកគេ​។

បច្ចុប្បន្ន​ក្រុង​បាវិត​ មាន​តំបន់​សេដ្ឋកិច្ច​ពិសេស​ចំនួន​ជាង១០កន្លែង​ និង​កម្មករ​ និយោជិត​បំរើ​ការងារ​រាប់​ម៉ឺន​នាក់​។

ដោយ​មើល​ឃើញ​សក្តា​នុ​ពល​បែបនេះ​ហើយ​ ទើប​ក្រុង​បាវិត​បាន​ទទួល​គំរោង​វិនិយោគ​យ៉ាងច្រើន​ ទាំង​អ្នក​វិនិយោគ​ជាតិ​ និង​អន្តរជាតិ​ ពិសេស​អ្នក​វិនិយោគ​លើ​វិស័យ​ឧស្សាហកម្ម​ សំណង់​ និង​អចលនទ្រព្យ​។

គោលនយោបាយ​អភិវឌ្ឍន៍​

​ជាមួយនឹង​ការ​ដាក់ចេញ​នូវ​គោលនយោបាយ​ ប្រកបដោយ​ភាព​ប្រាកដប្រជា​ និង​ចក្ខុវិស័យ​ច្បាស់លាស់​ រដ្ឋាភិបាល​កម្ពុជា​ក៏បាន​ និង​កំពុង​ពង្រីក​ការ​ធ្វើ​ពិពិធ​កម្មការ​វិនិយោគ​ ដោយ​ពង្រីក​សក្តា​នុ​ពល​នៅ​តាម​ព្រំដែន​ ជាជាង​ពង្រីក​ការ​វិនិយោគ​តែ​ក្នុង​រាជធានី​ភ្នំពេញ​ ដែល​ជា​ការ​បង្កើន​ល្បាយ​នៃ​ការ​អភិវឌ្ឍ​ និង​បង្ខិត​ទីក្រុង​និង​ជនបទ​កាន់តែ​ខិត​ជិត​គ្នា​។

​ប្រមុខ​រដ្ឋាភិបាល​កម្ពុជា​ សម្តេច​អគ្គមហាសេនា​បតី​តេជោ​ហ៊ុន​ សែន​នាយក​រដ្ឋមន្រ្តី​ធ្លាប់​បាន​មានប្រសាសន៍​ជា​រឿយ​ៗថា​ សម្តេច​នឹង​ប្រែក្លាយ​តំបន់​ព្រំដែន​ ដែល​ធ្លាប់​ជា​តំបន់​វាយ​ប្រយុទ្ឋ​គ្នា​ ទៅជា​តំបន់​ព្រំដែន​សន្តិភាព​ សហប្រតិបត្តិ​ការ​ និង​មានការ​អភិវឌ្ឍ​លើ​គ្រប់​វិស័យ​។

ហេតុដូច្នេះ​ហើយ​បាន​ជា​រដ្ឋាភិបាល​កម្ពុជា​ បាន​និង​សហការ​ជាមួយ​អាជ្ញាធរ​ខេត្ត​នៅ​ជាប់​ព្រំដែន​ បាន​ចាប់ផ្តើម​រៀបចំ​តំបន់​សេដ្ឋកិច្ច​ពិសេស​ នៅ​តាម​ជាយដែន​ នៃ​ខេត្ត​មាន​សក្តា​នុ​ពល​សេដ្ឋកិច្ច​ ជាគោល​ដៅ​វិនិយោគ​បរទេស​ ជាពិសេស​ក្រុង​បាវិត​ ខេត្តស្វាយរៀង​ ស្របតាម​ស្មារតី​ និង​លទ្ធផល​នៃ​វេទិកា​រាជរដ្ឋាភិបាល​ និង​ផ្នែកឯកជន​ ក្រោម​អធិបតី​សម្ដេច​តេជោ​ ហ៊ុន​ សែន​ នាយក​រដ្ឋមន្ត្រី​នៃ​កម្ពុជា​នា​ពេល​កន្លងទៅ​។

លោក​ សុខ​ ចិន្តា​សោភា​ រដ្ឋមន្ត្រី​ប្រតិភូ​អម​នាយក​រដ្ឋមន្រ្តី​ អគ្គលេខាធិការ​ក្រុមប្រឹក្សា​អភិវឌ្ឍន៍​កម្ពុជា​ និង​លោ​កម៉ែ​ន វិបុល​ អភិបាលខេត្ត​ស្វាយរៀង​ នៅ​ថ្ងៃទី៥​ ខែកញ្ញា​ ឆ្នាំ​ ២០១៩កន្លងមក​នេះ​ បា​នពិភ្សា​អំពី​ស្ថានភាព​ជាក់ស្តែង​នៃ​សកម្មភាព​វិនិយោគ​ និង​ពាណិជ្ជកម្ម​នៅ​ខេត្តស្វាយរៀង​ សម្រាប់​ជា​មូលដ្ឋាន​ ក្នុង​ការរៀបចំ​ដាក់ចេញ​នូវ​យន្តការ​ ពិសេស​សម្រាប់​ទាក់ទាញ​ការ​វិនិយោគ​ឲ្យ​កាន់តែ​ច្រើន​ តាមរយៈ​ជាអាទិ៍​ ការរៀបចំ​តំបន់​សេដ្ឋកិច្ច​ពិសេស​នៅ​តាម​ជាយដែន​។

កិច្ចប្រជុំ​ពិភាក្សា​នេះ​ បាន​ផ្តោត​ទៅលើ​បញ្ហា​មួយចំនួន​ ដូចជា​ ការរៀបចំ​ឲ្យ​មាន​តំបន់​សេដ្ឋកិច្ច​ពិសេស​ តាម​តំបន់​ព្រំដែន​បន្ថែម​ទៀត​។ ការ​តភ្ជាប់​បណ្តាញ​ និង​ផ្គត់ផ្គង់​អគ្គិសនី​ នៅក្នុង​តំបន់​សេដ្ឋកិច្ច​ពិសេស​ទាំងនោះ​។ ការកំណត់​នូវ​វិស័យ​ឧស្សាហកម្ម​ដែល​ត្រូវ​ទាក់ទាញ​ និង​ការរៀបចំ​ឡើងវិញ​នូវ​ការ​លើកទឹកចិត្ត​ដល់​ការ​វិនិយោគ​។

អនុប្រធាន​សភា​ពាណិជ្ជកម្ម​កម្ពុជា​ លោក​ឧកញ៉ា​លឹម​ ហេង​ បាន​មានប្រសាសន៍​ឲ្យដឹង​កាលពី​ខែតុលា​កន្លង​មក​ថ្មី​ៗនេះ​ថា​ បន្ទាប់ពី​បាន​រៀបចំ​វេទិកា​រួមគ្នា​ដែល​បង្ហាញ​ពី​កាលានុវត្ត​ភាព​ និង​វិស័យ​ដែល​មាន​សក្ដានុពល​ ក្នុង​ការ​វិនិយោគ​នៅ​កម្ពុជា​ និង​ក្រុង​ហ័​រលៀន​ ដើម្បី​ផ្លាស់ប្ដូរ​បទពិសោធន៍​ ផ្នែក​ឧស្សាហកម្ម​កាលពី​ពេល​ថ្មី​ៗនេះ​។ ជា​លទ្ធផល​គណៈប្រតិភូ​នៃ​ធុ​ជន​មក​ពី​កោះ​តៃវ៉ាន់​ បាន​បង្ហាញ​ពី​គម្រោង​នៃ​ការ​ចូល​មក​វិនិយោគ​នៅ​កម្ពុជា​នៅ​ឆ្នាំ​បន្ទាប់​នេះ​។

លោក​ឧកញ៉ា​បន្ត​ថា​ “តៃវ៉ាន់​និង​កម្ពុជា​ ធ្លាប់​មាន​កិច្ច​ទំនាក់ទំនង​ពាណិជ្ជកម្ម​ជាមួយគ្នា​រួចមក​ហើយ​ ដែល​ភាគច្រើន​គឺ​វិនិយោគ​ទៅលើ​វិស័យ​រោងចក្រ​កាត់ដេរ​ ដែល​មាន​ទីតាំង​ស្ថិតនៅ​ក្នុង​តំបន់​សេដ្ឋកិច្ច​ពិសេស​ និង​ក្រុង​បាវិត​ ខេត្តស្វាយរៀង​”។

ច្រក​ទ្វារ​ព្រំដែន​ដ៏​មមាញឹក​

ក្រឡេក​មើល​ភូមិ​សាស្រ្ត​នយោបាយ​ និង​សក្តា​នុ​ពល​សេដ្ឋកិច្ច​ រវាង​ក្រុង​បាវិត​ និង​ក្រុង​ប៉ោយប៉ែត​ ពិសេស​ក្រុង​ព្រះសីហនុ​ យើង​ឃើញ​មាន​ភាព​ខុសគ្នា​ និង​មាន​សក្តា​នុ​ពល​ដោយឡែក​ពីគ្នា​។

ក្រុង​ប៉ោយប៉ែត​ មាន​តំបន់​សេដ្ឋកិច្ច​ពិសេស​ដូចគ្នា​ មាន​ទីតាំង​ភូមិ​សាស្រ្ត​នៅ​ជិត​ព្រំដែន​ដូចគ្នា​ ប៉ុន្តែ​ចម្ងាយ​នៃ​ទីក្រុង​បាងកក​ ដែ​លមាម​មនុស្ស​រស់នៅ​កកកុញ​គឺ​រាប់​រយ​គីឡូម៉ែត្រ​ មុន​មកដល់​ក្រុង​ប៉ោយប៉ែត​។

ក្រុង​ព្រះសីហនុ​ មាន​ភាព​ពិសេស​ដាច់ដោយឡែក​ផង​ដែរ​ ដោយសារ​មាន​ហេ​ដ្ឋា​រចនាសម្ព័ន្ឋ​ផ្លូវគោក​ ផ្លូវទឹក​ និង​ផ្លូវអាកាស​។

ប៉ុន្តែ​ក្រុង​បាវិត​ និង​ទី​ក្រុង​ហូ​ជី​ម៉ិញ​ ដែល​មាន​ប្រជាជន​រស់នៅ​ជិត១០លាន​នាក់​ និង​មាន​ចម្ងាយ​ជិត​មិនដល់​១០០គីឡូ​ម៉ែត្រ​ ក្នុង​ការពង្រីក​សមាហរណកម្ម​និង​ធ្វើ​ពិពិធ​កម្ម​ នៃ​ការ​អភិវឌ្ឍ​ និង​មាន​ចម្ងាយ​ជាង១០០គីឡូម៉ែត្រ​ប៉ុណ្ណោះ​ មកកាន់​រាជធានី​ភ្នំពេញ​។

ហេ​ដ្ឋា​រចនាសម្ព័ន្ឋ​ដ៏​សំខាន់​មួយទៀត​ គឺ​ប្រទេស​វៀតណាម​កកំពុង​វិនិយោគ​ផ្លូវ​ល្បឿន​លឿន​ តភ្ជាប់​ពី​វៀតណាម​ មកកាន់​កម្ពុជា​ និង​ពង្រីក​ការ​ដឹកជញ្ជូន​តាមរយៈ​កំពង់ផែ​ទឹកជ្រៅ​ផង​ដែរ​។

ហេតុនេះ​បើ​យើង​វិភាគ​លើ​ក្រុង​ទាំង​បី​ ក្រុង​បាវិត​មានក​ត្តា​សំ​ខាន់​ៗចំនួន​បី​ ដែល​ជំ​រុញ​សក្តា​នុ​ពល​នៃ​ការ​អភិវឌ្ឍ​ និង​ល្បឿន​នៃ​ការ​រីកចម្រើន​កាន់តែ​លឿន​ ដោយសារ​ទីក្រុង​នេះ​ មាន​ប្រជាជន​រស់នៅ​ច្រើន​ (បូក​ជាមួយនឹង​កម្មករ​ និយោជិត​) ជាទី​ក្រុង​ស្ថិតនៅ​កៀក​នឹង​ទីក្រុង​ ដែល​មានការ​អភិវឌ្ឍ​យ៉ាង​លឿន១​ មាន​ហេ​ដ្ឋា​រចនាសម្ព័ន្ឋ​ល្អ​ប្រសើរ​ ទីតាំង​អំណោយផល​ដល់​ការរស់នៅ​ និង​មាន​មូលដ្ឋាន​ផលិតកម្ម​ ព្រមទាំង​ភាព​អំណោយផល​នៃ​ទីតាំង​ភូមិ​សាស្រ្ត​កម្រិត​តំបន់​ ពិតជា​មិន​អាច​មើល​រំលង​បាន​នោះ​ទេ​។

ជាមួយនឹង​ច្រក​ទ្វារ​អន្តរជាតិ​កម្រិត​ទ្វេរ​ភាគី​ កម្រិត​តំបន់​ ច្រក​ទ្វារ​ព្រំដែន​នេះ​នឹង​មិន​អាច​បិទទ្វារ​បាន​ឡើយ​ ទោះ​ស្ថិត​ក្នុង​កាលៈទេសៈ​បែប​ណា​ក្តី​ ប៉ុន្តែ​វា​ជា​ច្រក​ទ្វារ​ដែល​បង្ហូរ​មនុស្ស​ ទំនិញ​ និង​សាច់ប្រាក់​ដ៏​ច្រើនមហិមា​នា​ពេល​បច្ចុប្បន្ន​និង​អនាគត​។

ហេតុនេះ​ការ​បិទ​ហ្គេម​អន​ឡាញ​ មិន​រង​ផល​ប៉ះពាល់​ដល់​ការ​អភិវឌ្ឍ​នៅ​ទីក្រុង​នេះនោះ​ទេ​ វា​ហាក់​គ្រាន់តែ​ជា​ស្រមោល​បក្សី​ហើរ​កាត់​មាត់​បង្អួច​ ហើយ​បាំង​ពន្លឺ​មួយ​រយៈ​ខ្លី​ បន្ទាប់មក​សែង​សូ​រិយា​ នឹង​រះ​ចែងចាំង​មកកាន់​ទីក្រុង​នេះ​ ជាថ្មី​នា​ពេល​អនាគ​តឆាប់​ៗនេះ​៕

LEAVE A REPLY

Please enter your comment!
Please enter your name here