ស្វែងយល់ពីអាស៊ី ! បច្ចកវិទ្យាថ្មីបានរកឃើញភាពអស្ចារ្យជាច្រើនទៀត នៃមហាកំផែងចិន

0

ដោយវុត្ថា
ប្រទេសចិន: មហាកំផែងចិន ឬហៅថា «Great Wall» ជាអច្ឆរិយៈវត្ថុ និងជាមរតកមនុស្សជាតិដ៏ហាសាលដ៏អស្ចារ្យមួយរបស់ប្រទេសចិន ដែលត្រូវបានសាងសងឡើងនៅចន្លោះឆ្នាំ២២០ដល់២០៦មុនគ្រិស្តសករាជ ដោយព្រះចៅអធិរាជទីមួយ របស់ចិន Qin Shi Huang។


ការកសាងមហាកំផែងនេះ ធ្វើឡើងក្នុងគោលបំណងការពារការចូលឈ្លានពានទឹកដីពីសត្រូវទាំងឡាយ មកលើទឹកដីដ៏មានអានុភាពមួយនេះ។ បន្ថែមពីនេះ បើតាមប្រភពនានារបស់ចិនអះអាងថា មហាកំផែងនេះ ចិនកសាងឡើងដើម្បីទប់ទល់នឹងសត្រូវដែលប្រើអាវុធតូច ដូចជាដាវឬលំពែងជាដើម។

កំផែងយក្សនេះ លាតសន្ធឹងពីក្រុងShanhaiguan នៅភាគខាងកើតដល់ទន្លេLop Nurភាគខាងលិច។

- Video Advertisement -


យោងតាមការសិក្សាដោយប្រើបច្ចេកវិទ្យាទំនើបបានរកឃើញថា មហាកំផែងទាំង​មូល រួមទាំងដៃផ្សេងទៀតរបស់វាមានប្រវែង សរុបដល់ទៅ៨៨៥១.៨គីឡូម៉ែត្រ។ ក្នុងនោះបើគិតតែកំផែងសុទ្ធ មានប្រវែង៦២៥៩.៦គីឡូម៉ែត្រ រន្ធចូលទៅក្នុងដីមានប្រវែង៣៥៩.៧គីឡូម៉ែត្រ និងរបាំងធម្មជាតិ ដូចជា ទួលឬទន្លេមានប្រវែង២២៣២.៥គីឡូម៉ែត្រ​។មហាកំផែងទាំងអស់មានកម្ពស់និងទទឹងផ្សេងៗគ្នា តែភាគច្រើនមានកម្ពស់ពី៥ទៅ៨ម៉ែត្រនិងទទឹង៥ម៉ែត្រ។

នៅសម័យកសាងវា គេពិបាកក្នុងការរកវត្ថុធាតុដើម ដូច្នេះចិនត្រូវយកដីឥដ្ឋ ថ្មភ្នំ និងឈើមកកសាង។ យោងតាមការប៉ាន់ស្មាន មានកម្មករជាង១លាននាក់បានស្លាប់នៅក្នុងការកសាងមហាកំផែងនេះ។


កាលពី២០១៤កន្លងទៅ មានទីតាំងដែលជាផ្នែកមួយ តភ្ជាប់ជាមួយមហាកំផែងចិន ដែលមានអាយុកាលប្រមាណ៧០០ឆ្នាំនេះ បានបាក់អស់មួយចំនួនធំ ដោយសារអាយុកាល និងសភាពទ្រុឌទ្រោមកាន់តែកើនឡើងជារៀងរាល់ឆ្នាំ។ ចំនួនភ្ញៀវទេសចរជាច្រើនរាប់លាននាក់ តែងតែអញ្ជើញមកទស្សនាមហាកំផែង «Great Wall» ក្នុងប្រទេសចិន។

កន្លែងដែលបាក់ស្រុតនោះ ស្ថិតនៅត្រង់ចំណុចដំណាក់ព្រៃ ឬហៅថា «Wild section» ដែលមានជញ្ជាំងកំផែងវែងចម្ងាយប្រមាណ៩,០០០គីឡូម៉ែត្រ គឺជាទីពេញនិយ​មមួយរបស់ភ្ញៀវទេសចរក្នុងការថតរូប។ ដោយសារទីតាំងនោះ គឺពោរពេញទៅដោយធម្មជាតិ ស្រស់ស្អាតគួរជាទីទាក់ទាញបំផុត។


នៅខែធ្នូឆ្នាំ១៩៨៧ និមិត្តរូបដ៏មានអំណាចរបស់ប្រជាជនចិនមួយនេះ ត្រូវបានដាក់បញ្ចូលជាបេតិកភណ្ឌពិភពលោក ដោយអង្គការយូនេស្កូUNESCO ព្រោះវាគឺជាសំណង់សាងសង់ដោយមនុស្សតែមួយគត់ ដែលមិនអាចមើលឃើញពីលើអាកាសដោយភ្នែកទទេបាន ប្រសិនជាមិនមានជំនួយពីឧបករណ៍នោះឡើយ។

បច្ចុប្បន្នប្រទេសចិនដែលមានឈ្មោះពេញថា សាធារណៈរដ្ឋប្រជាមានិតចិនមានប្រជាជនច្រើនជាងគេនៅលើពិភពលោក ពោលគឺមានចំនួន១,៣៨៦លាននាក់ តាមស្ថិតិឆ្នាំ២០១៧។ ប្រទេសនេះជាប្រទេសធំបំផុតលំដាប់ទី៤ នៅលើពិភពលោក ដែលមានផ្ទៃដីសរុប៩,៦០០,០០០ ម៉ែត្រការ៉េ និងមានសេដ្ឋកិច្ចលំដាប់លូតលាស់ទី២ នៅលើពិភពលោកបន្ទាប់ពីប្រទេសអាមេរិក៕

-Video Advertisement -

LEAVE A REPLY

Please enter your comment!
Please enter your name here