ដោយ: លាងហួរ
បាងកក: ក្រុមហ៊ុនEaton Electric (Thailand) Ltd កំពុងសម្លឹងមើលកំណើនផលិតផលអគ្គិសនីទំនើប ក្នុងប្រទេសថៃ និងកម្ពុជា ដើម្បីបំពេញតម្រូវការកើនឡើង ក្នុងអំឡុងពេលនៃការងើបឡើងវិញ នៃសេដ្ឋកិច្ចនៅក្នុងឆមាសទីពីរនៃឆ្នាំនេះ។
លោក Parinya Phongrattanakul អ្នកគ្រប់គ្រងរបស់ក្រុមហ៊ុន Eaton Electric (Thailand) បាននិយាយថា ក្រុមហ៊ុនEaton បានត្រៀមខ្លួនរួចជាស្រេច ក្នុងការពង្រីកទីផ្សារគ្រប់គ្រងអគ្គិសនីរបស់ខ្លួនជាមួយនឹងឧបករណ៍ផ្គត់ផ្គង់ថាមពល និងផលិតផលផ្គត់ផ្គង់ថាមពលគ្មានការរំខាន (UPS) ក្នុងឆមាសទីពីរនៃឆ្នាំនេះ។
ក្រុមហ៊ុន Eaton គឺជាក្រុមហ៊ុនគ្រប់គ្រងថាមពលឈានមុខគេ ពីសហរដ្ឋអាមេរិក ជាមួយនឹងការច្នៃប្រឌិតកម្រិតខ្ពស់។
វាត្រូវបានបង្កើតឡើង អស់រយៈពេលជាង១១០ឆ្នាំមកហើយ និងមានភាពល្បីល្បាញ ចំពោះដំណោះស្រាយសម្រាប់អតិថិជន ក្នុងការគ្រប់គ្រងថាមពល និងម៉ាស៊ីនប្រកបដោយប្រសិទ្ធភាព និងសុវត្ថិភាព។ក្រុមហ៊ុននេះបានបម្រើអតិថិជនក្នុង១៧៥ប្រទេស រួមទាំងប្រទេសថៃផងដែរ៕
