ដោយៈ ស៊ីវ ម៉េង
ភ្នំពេញៈ ទឹកបានបង្កើតអ៊ុកស៊ីសែន ដើម្បីសម្រួលការដកដង្ហើមរបស់មនុស្ស ហើយធម្មជាតិបៃតងដែលមានដើមឈើ បានផ្តល់នូវភាពមនោរម្យបន្ថែម ដល់ជីវិតរស់នៅដែលផ្សារភ្ជាប់នឹងធម្មជាតិ។
រចនាបទសំណង់បែបក្លាសិក ដែលបង្អូតខ្លួននៅតាមដងព្រែកធម្មជាតិប្រវែង១០០០ម៉ែត្រ អមដោយដើមឈើខផវស្រងាត់ ដែលអនុញ្ញាត្តឲ្យអ្នកស្នាក់នៅ រីករាយជាមួយបរិយាកាសស្រស់ស្រាយ និងមានផាសុខភាពមិនគ្រប់គ្រាន់នោះទេ ប៉ុន្តែបុរីវិមានសំណាង បានផ្តល់ឲ្យអ្នករស់នៅមានទីកន្លែងហាត់ប្រាណ អង្គុយញាំកាហ្វេ និងអាចស្ទូចត្រីកំសាន្ត ដើម្បីកាត់បន្ថយស្រេ្តសក្រោយសំរាកពីការងារ។
ជាមួយនឹងការផ្ចិតផ្ចង់លើគុណភាពសំណង់ រៀបចំហេដ្ឋារចនាសម្ព័ន្ឋធំទូលាយ ផ្សារភ្ជាប់ជាមួយបរិយកាសជុំវិញយ៉ាងមនោរម្យ សំណង់ក្នុងបុរីនេះមានលក្ខណៈពិសេស ដែលសាងសង់ឡើងសម្រាប់ក្រុមអភិជន ដែលចូលចិត្តបរិយាកាសស្ងប់ស្ងាត់ និងអារម្មណ៍ដ៏មនោរម្យ។
លោកជំទាវឧកញ៉ាគង់ សំណាងអគ្គនាយិកាបុរីវិមានសំណាងបានមានប្រសាសន៍ឲ្យដឹងថា ការរីកចម្រើននៃជីវភាពប្រជាពលរដ្ឋ ដោយចំនួនអ្នកមានកាន់តែមានចំនួនច្រើន ក្រុមហ៊ុនបុរីវិមានសំណាងបានគិតគូ និងយល់ពីតម្រូវការអតិថិជន ជាអ្នកមានប្រាក់ច្រើន ហើយយើងបានសំរិតសំរាំងលើរចនាបទលំនៅដ្ឋាននិមួយៗ ប្រកបដោយប្រណីតភាព និងភាពស៊ីវិល័យ ពិសេសមើលទៅមិនសាំភ្នែក ហើយមើលកាន់តែយូរកាន់តែស្អាត ព្រោះរចនាបទរបស់យើងមានភាពរសរវើក។
លោកជំទាវបន្តថា “យើងមិនយកផលចំណេញ ជាអាទិភាពទី១ទេ ប៉ុន្តែយើងយកគុណភាព ប្រណីតភាព ភាពស៊ីវិល័យ និងការផ្តល់នូវផាសុខភាពដល់អ្នករស់នៅជាងាទិភាពទី១”។ លោកជំទាវបន្តថា “ជាមួយការៀបឥដ្ឋ២០ បានធ្វើឲ្យផ្ទះនិមួយៗមានភាពត្រជាក់ និងកាត់បន្ថយសម្លេងរំខាននានាៗ”។
បុរីវិមានសំណាងបាន និងកំពុងសាងសង់យ៉ាងសកម្ម និងកំពុងទទួលបានការគាំទ្រពីអតិថិជនយ៉ាងច្រើន ដោយសារយើងបានសិក្សាពីរសនិយមនិងចំណង់ចំណូលចិត្តអតិថិជន។ លោកជំទាវគង់ សំណាងបញ្ជាក់បន្ថែម។
បុរីវិមានសំណាង ស្ថិតនៅលើមហាវិថីឈ្នះ ឈ្នះ ដែលមានចម្ងាយប្រមាណ២៥០០ម៉ែត្រពីក្រសួងរៀបចំដែនដី នគរូបនីយកម្ម និងសំណង់។
ជាមួយគ្នានេះ លោកឧកញ៉ាបណ្ឌិតគីម ហ៊ាងប្រធានKW Cambodiaបានមានប្រសាសន៍ឲ្យដឹងផងដែរថា ការរីកចម្រើនរាជធានីភ្នំពេញឆ្ពោះទៅគ្រប់ទិសទាំងបួន ដោយមានចំណុចពិសេសផ្សេងៗគ្នា ប៉ុន្តែទិសខាងជើងរាជធានីភ្នំពេញ កំពុងក្លាយជាតំបន់រស់នៅរបស់ក្រុមអភិជន ដោយសារតំបន់នេះ មានហេដ្ឋារចនាសម្ព័ន្ឋល្អប្រសើរ មានបណ្តុំដោយមជ្ឈមណ្ឌលពាណិជ្ជកម្ម ដូចជាផ្សារទំនើបបែបសហគមន៍ ផ្សារទំនើបAEON Mall2 ផ្សារMAKRO , ផ្សារGlobal Houseជាដើម។
លោកបន្តថា “ហេដ្ឋារចនាសម្ព័ន្ឋ និងបណ្តុំមជ្ឈមណ្ឌលពាណិជ្ជកម្មជុំវិញ ពិតជាមានសារៈសំខាន់ណាស់ ដើម្បីផ្តល់ឲ្យគុណភាពជីវិតប្រសើរឡើង”៕
