ដោយៈ គង់ សូរិយា
កំពតៈ ជាមួយនឹងទេសភាពជើងភ្នំ និងផ្កាសាគូរ៉ាព៌ណផ្កាឈូកត្រៀមរីកយ៉ាងឆើតឆាយ ព្រមទាំងស្ពានពស់ប្រវែងជាង៤០០ម៉ែត្រ ពត់ពេនប្របជើងក្នំ គំរោងបូកគោលែន៣បានបិទបញ្ចប់ការលក់ដោយជោគជ័យ។
គំរោងនេះបាន និងកំពុងក្លាយជារមណីយដ្ឋាន ឬផលិតផលទេសចរណ៍ថ្មីមួយ ស្ថិតនៅលើផ្លូវជាតិលេខ៤៣ មានចម្ងាយប្រមាណ១៧គីឡូម៉ែត្រពីទីរួមខេត្តកំពត ដែលភ្ញៀវទេសចរណ៍ជាតិ អន្តរជាតិអាចចូលទស្សនាកំសាន្ត និងថតរូបទុកជាអនុស្សាវរីយ៍បាន។
អគ្គនាយកក្រុមហ៊ុនYoungsia Real EstateលោកCooler Tanបានមានប្រសាសន៍ឲ្យដឹង តាមបណ្តាញតេឡេក្រាម នាព្រឹកថ្ងៃទី២៨ វិច្ឆិកានេះថា យើងបានបិទបញ្ចប់ការលក់១០០ភាគរយហើយ ដោយសារគំរោងនេះទទួលបានការទិញពីអតិថិជនជាតិ អន្តរជាតិ ពិសេសអនិកជនខ្មែររស់នៅក្រៅប្រទេស។
លោកបន្តថា “ក្រុមហ៊ុនកំពុងរៀបចំហេដ្ឋារចនាសម្ព័ន្ឋបញ្ចប់ ដាំផ្កាសាគូរ៉ា និងស្ពានពស់ ព្រោះគោលដៅរបស់ខ្ញុំ គឺចង់ប្រែក្លាយទីនេះ ជារមណីយដ្ឋានទេសចរណ៍មួយ”។ លោកបន្តថា “យើងចង់ឲ្យអ្នកធ្វើដំណើរកំសាន្តមកកាន់ខេត្តកំពត ចូលទស្សនាគំរោងនេះ និងថតរូបកំសាន្ត ដោយមិនអាចរំលងបាន”។
លោកCooler Tanបានបន្តឲ្យដឹងទៀតថា ដើមផ្កាសាគូរ៉ាប្រមាណ៤០០ដើម បានបញ្ចប់ការដាំនៅតាមទីតាំងកំណត់រួចហើយ វានឹងចេញផ្កាដ៏ស្រស់ស្អាតនាពេលខាងមុខ។ លោកបន្តថា គំរោងដីលំហែរបូកគោលែន៣ មានលក្ខណៈពិសេសបំផុត ដោយមានភ្នំនៅជាប់គំរោងផ្នែកខាងក្រោយ និងទិដ្ឋភាពរលកភ្នំបីជួរនៅខាងមុខ ដែលនេះជាទិដ្ឋភាពពិសេសមួយពិបាករក សម្រាប់តំបន់ទេសចរណ៍ក្នុងខេត្តកំពត។
លោកបានបន្តថា “អ្វីដែលយើងអភិវឌ្ឍន៍ គឺមិនឲ្យអ្នលក់ពិបាកលក់ អ្នកទិញខកចិត្ត គឺយើងធ្វើអ្វីលើសពីអ្វី ដែលជាការចង់បានរបស់អតិថិជន ដោយសារគំរោងនិមួយៗ យើងបានចំណាយប្រាក់រាប់សែនដុល្លារ ដើម្បីរៀបចំ និងកសាងហេដ្ឋារចនាសម្ព័ន្ឋនានា៕
