ដោយគង់ សូរិយា
ភ្នំពេញ: សម្តេចអគ្គមហាសេនាបតីតេជោហ៊ុន សែននាយករដ្ឋមន្រ្តីនៃព្រះរាជាណាចក្រកម្ពុជាបាននិងកំពុងចូលរួមជាអធិបតីដ៏ខ្ពង់ខ្ពស់ ក្នុងពិធីបើកសម្ភោធបើកការដ្ឋានសាងសង់ផ្លូវក្រវ៉ាត់ក្រុងទី៣។
លោកទេសរដ្ឋមន្រ្តីស៊ុន ចាន់ថុលរដ្ឋមន្រ្តីក្រសួងសាធារណៈការ និងដឹកជញ្ជូនបានឲ្យដឹងក្នុងពិធីនាព្រឹកថ្ងៃទី១៤ មករានេះថា ផ្លូវសំខាន់នេះចាប់ផ្តើមចេញពីចំណុចគីឡូម៉ែត្រ១១,៥នៃផ្លូវជាតិលេខ៤ និងបញ្ចប់នៅចំណុច២៤,១៣គីឡូម៉ែត្រនៃផ្លូវជាតិលេខ១។ ផ្លូវដ៏សំខាន់នេះមានផ្លូវអាកាសចំនួន៤ គឺឆ្លងកាត់ផ្លូវជាតិលេខ៤ ផ្លូវជាតិលេខ៣ ផ្លូវជាតិលេខ២១ និងផ្លូវជាតិលេខ២ ព្រមទាំងមានស្ពានឆ្លងកាត់ទន្លេបាសាក់ចំនួនពីរដែលមានប្រវែងជាង៩០០ម៉ែត្រ។
លោកបន្តថា ផ្លូវនេះចំណាយថវិកា២៧៣លានដុល្លារអាមេរិក ក្នុងនោះថវិកាហិរញ្ញប្បទានចិន២៥៩លានដុល្លារ និងសល់ពីនេះជាថវិកាបដិភាគរបស់រដ្ឋាភិបាលកម្ពុជា។ផ្លូនេះក៏តភ្ជាប់ជាមួយផ្លូវជាតិលេខ៦ តភ្ជាប់ស្ពានឈ្នះ ឈ្នះ(អតីតស្ពានព្រែកព្នៅ)និងតភ្ជាប់មកកាន់ផ្លូវទំនប់កប់ស្រូវ និងផ្លូវជាតិលេខ៨ផងដែរ។
ព៌តមានលំអិតPropertyarea.asiaនឹងផ្តល់ជូនបន្ថែមទៀត៕
