ដោយ: គង់ លាងហួរ
អន្តរជាតិ: ក្រុមហ៊ុនស្រាវជ្រាវអចលនទ្រព្យ Global Property Guide បានវាយតម្លៃ និងប្រមូលចងក្រងបញ្ជីតម្លៃជួល និងលក់អាផាតមុិនជាមធ្យមនៅតាមបណ្តាទីក្រុងធំៗនៅតំបន់អាសុី។ ខាងក្រោមនេះជារបាយការណ៍បច្ចុប្បន្នភាពគិតត្រឹមខែសីហា ឆ្នាំ២០២៥៖
ទី១: ទីក្រុងបុមបៃ(Mumbai)
ការជួលអាផាតមុិនដែលមានបន្ទប់គេងទោល នៅទីក្រុងបុមបៃនៃប្រទេសឥណ្ឌាមានតម្លៃជាមធ្យមចំនួន៣៨៧ដុល្លារក្នុងមួយខែ ខណៈអាផាតមុិន ដែលមានបន្ទប់គេងទោល សម្រាប់ដាក់លក់មានតម្លៃជាមធ្យមចំនួន១២២.០០០ដុល្លារក្នុងមួយយូនីត។
ទី២: ទីក្រុងតូក្យូ
ការជួលអាផាតមុិនដែលមានបន្ទប់គេងទោល នៅទីក្រុងតូក្យូនៃប្រទេសជប៉ុនមានតម្លៃជាមធ្យមចំនួន៧០០ដុល្លារក្នុងមួយខែ ខណៈអាផាតមុិន ដែលមានបន្ទប់គេងទោលសម្រាប់ដាក់លក់មានតម្លៃជាមធ្យមចំនួន២៧៩.០០០ដុល្លារក្នុងមួយយូនីត។
ទី៣: ទីក្រុងតៃបុិ
ការជួលអាផាតមុិនដែលមានបន្ទប់ទោល នៅទីក្រុងតៃបុិនៃកោះតៃវ៉ាន់មានតម្លៃជាមធ្យមចំនួន៩៧៣ដុល្លារក្នុងមួយខែខណៈអាផាតមុិន សម្រាប់ដាក់លក់មានតម្លៃជាមធ្យមចំនួន៦៤១.០០០ដុល្លារក្នុងមួយយូនីត។
ទី៤: ទីក្រុងហុងកុង
ការជួលអាផាតមុិនដែលមានបន្ទប់គេងទោល នៅទីក្រុងហុងកុងនៃប្រទេសចិនមានតម្លៃជាមធ្យមចំនួន២.៤២១ដុល្លារក្នុងមួយខែ ខណៈអាផាតមុិន សម្រាប់ដាក់លក់មានតម្លៃជាមធ្យមចំនួន៩៦៨.២០០ដុល្លារក្នុងមួយយូនីត៕ប្រភព: Global Property Guide៕
