វឌ្ឈនា
ប៉េកាំងៈ ក្រុមហ៊ុនសាជីវកម្មសំណង់ និងវិស្វកម្មរដ្ឋរបស់ប្រទេសចិនបានយល់ព្រមផ្តល់ប្រាក់កម្ចី២,២ពាន់លានដុល្លាអាមេរិក ដល់ក្រុមហ៊ុនអេហ្ស៊ីប ក្នុងការសាងសង់ទីក្រុងថ្មីមួយនៅក្នុងទីប្រទេសនេះ។
យោងតាមសារព័ត៌មាន Global Construction Review បានឱ្យដឹងថា កម្ចីនេះ ត្រូវបានខ្ចីដោយក្រុមហ៊ុន HSBC Egypt ហើយបានយល់ព្រមសងវិញរយៈពេល១៣.៥ ឆ្នាំដែលគ្របដណ្ដប់ តាមរយៈសាជីវកម្មធានារ៉ាប់រងការនាំចេញ និងឥណទានចិន។
ក្រុមហ៊ុន HSBC ក៏បានផ្តល់ប្រាក់កម្ចីចំនួន៥០០លានដុល្លារអាមេរិក ដល់ក្រុមហ៊ុនម៉ៅការអេហ្ស៊ីប Redcon ដែលកំពុងសាងសង់ឧទ្យាន Green River ក្នុងរដ្ឋធានីរបស់ប្រទេសអេហ្សីបផងដែរ។ ថវិកានេះនឹងត្រូវសាងសង់អគារចំនួន១៨ ដែលនឹងមានការិយាល័យរដ្ឋាភិបាល សណ្ឋាគារ និងកន្លែងកម្សាន្ត។
ក្នុងចំណោមអគារទាំងនេះ នឹងមានអគារ Iconic Tower កំពស់៣៨៥ ម៉ែត្រ ដែលនឹងក្លាយជាអគារខ្ពស់បំផុតនៅទ្វីបអាហ្វ្រិក នៅពេលបញ្ចប់នៅពាក់កណ្តាលឆ្នាំ ២០២។ គម្រោងនេះកំពុងដំណើរការសាងសង់ និងកំពុងឈានដល់២៥០ ម៉ែត្រហើយ។
តាមការប៉ាន់ស្មានក្នុងដំណាក់កាលដំបូង ទីក្រុងថ្មីនេះមានតម្លៃប៉ាន់ស្មាននៃការសាងសង់ចំនួន៣ពាន់លានដុល្លារ។
ទន្ទឹមនឹងនេះដែរ នៅក្នុងសប្តាហ៍នេះ ក្រុមហ៊ុនអចលនទ្រព្យអេហ្ស៊ីបឈ្មោះ Taj Misr Developings បានប្រកាសបើកដំណើរការ គម្រោងពាណិជ្ជកម្មតម្លៃ៩៥លានដុល្លារនៅក្នុងរដ្ឋធានីរបស់ខ្លួនផងដែរ៕
