ដោយ ៖ រ៉ាណេត
ភ្នំពេញ ៖ លោក ច្រឹក សុខនីម ប្រធានសមាគមអ្នកវាយតម្លៃ និងភ្នាក់ងារអចលនវត្ថុកម្ពុជា (CVEA) បានផ្តល់នូវ ៣ វិធីសាស្ត្រក្នុងការគ្រប់គ្រង និងដឹកនាំ ដើម្បីឲ្យអាជីវកម្មបន្ដដំណើរការទៅមុខក្នុងវិបត្ដិ COVID-19 ខណៈជំងឺមួយនេះ បាននិងកំពុងរាតត្បាតជាសកល និងមិនមានភាពប្រកដប្រជា។
១) ការប្រើប្រស់បច្ចេកវិទ្យា និង AI នៅក្នុងប្រតិបត្តការអាជីវកម្ម
បច្ចុប្បន្នការប្រើប្រាស់បច្ចេកវិទ្យានៅក្នុងប្រទេសកម្ពុជា ក៏ដូចជានៅក្នុងសកលលោកកំពុងមានសន្ទុះរីកចំរើនដែលអាចជួយឱ្យអាជីវកម្មនានាទាំងការរកស៊ីក្នុងវិស័យអចលនទ្រព្យអាចដំណើរការទៅមុខបាន។ ជាមួយគ្នានេះ ការប្រើប្រាស់បណ្តាញសង្គម មាន Facebook ជាដើមនឹងជួយជំរុញឱ្យអាជីវកម្មកាន់តែទាក់ទាញ និងបន្តដំណើរទៅមុខ ខណៈបណ្តាញមួយនេះកំពុងពេញនិយមប្រើប្រាស់ខ្លាំងពីគ្រប់សន្ទាប់មនុស្ស។
២)ការប្រើប្រាស់ការទំនាក់ទំនងពីចំងាយ
បច្ចេកវិទ្យាបានជួយច្រើនលើការទំនាក់ទំនងលើអាជីវកម្មកាន់តែមានភាពងាយស្រួលក្នុងការទាក់ទងទៅកាន់អតិថិជនជាគោលដៅរបស់ខ្លួនតាមរយៈបណ្តាញសង្គម ទូរស័ព្ទ និងអិនធើណិតជាដើមក្នុងជំរុញ និងការផ្សព្វផ្សាយនូវផលិតផលឱ្យទទួលបានជោគជ័យ។
៣) ធ្វើការរួមគ្នា
បើតាមលោក ច្រឹក សុខនីម ការធ្វើការួមគ្នាដើម្បីស្វែងដំណោះស្រាយ ក្នុងវិបត្តិ COVID-19 នេះ គឺត្រូវមានការរៀបចំនូវលំហូរសាច់ប្រាក់ឱ្យបានល្អ និងផ្តល់គំនិតជាវិជ្ជមាន ចំពោះអាជីវកម្ម។
វិធីសាស្ត្រទាំង៣ខាងលើនេះ គឺអាចមានលទ្ធភាព និងប្រសិទ្ធភាពក្នុងការជំរុញនូវរាល់ព័ត៌មាននៃផលិតផល ជាពិសេសអចលនវត្ថុរបស់លោកអ្នកដែលត្រូវបានដាក់លក់នៅលើទីផ្សារទៅដល់អតិថិជនបានយ៉ាងងាយ បើទោះជាការចេញដើរត្រូវបានកាត់បន្ថយក៏ដោយ៕
