ដោយ៖ ប៊ី
ភ្នំពេញ៖ សមតុល្យឥណទានលក្ខណៈបុគ្គលបានបន្តកើនឡើងជាលំដាប់ក្នុងកម្រិត+៧,១៧ភាគរយ គិតត្រឹមពីខែធ្នូ ឆ្នាំ២០២០ ខណៈនៅត្រីមាសចុងក្រោយឆ្នាំ២០២០នេះ សមតុល្យឥណទានលក្ខណៈបុគ្គលចំនួន ៩,៧៦ ពាន់លានដុល្លារ។ នេះបើយោងតាមការរបាយការណ៍របស់ក្រុមហ៊ុនក្រេឌីត ប្យួរ៉ូ ខេមបូឌា ខូ អិលធីឌី(CBC) ចេញផ្សាយកាលពីចុងសប្តាហ៍មុននេះ។
របាយការណ៍បានឱ្យដឹងថា កម្ចីអចលនទ្រព្យមានលើសពីពាក់កណ្តាលនៃសមតុល្យឥណទានលក្ខណៈបុគ្គលសរុប ៥២,០០ភាគរយ ស្មើនឹងប្រមាណ៥.០៧ពាន់លានដុល្លារ ចំណែកឯសមតុល្យឥណទានហិរញ្ញវត្ថុផ្ទាល់ខ្លួនមានចំណែក ៤៧,៤០ភាគរយ។
បើទោះបីជាចំនួនគណនីនៃកម្ចីអចលនទ្រព្យមានចំនួនត្រឹម១០,៧៦ភាគរយ នៃចំនួនគណនីសរុប ក៏ប៉ុន្តែចំនួននេះមានទំហំច្រើនជាងពាក់កណ្តាលនៃសមតុល្យឥណទានសរុប។ សមតុល្យប័ណ្ណឥណទានមានចំណែកតូចគឺត្រឹមតែ០,៦១ភាគរយប៉ុណ្ណោះ។
និយាយជារួម កំណើនវិជ្ជមានមាននៅគ្រប់តំបន់ទាំងអស់ដូចជា តំបន់ទំនាប +៧,៧ភាគរយ តំបន់ខ្ពង់រាប +៧,៣ភាគរយ តំបន់ឆ្នេរ +៦,៦ភាគរយ និង តំបន់ទន្លេសាប +៤,៨ភាគរយ។
លោកអឿ សុធារ័ត្ន ប្រធាននាយកប្រតិបត្តិនៃក្រុមហ៊ុនក្រេឌីត ប្យួរ៉ូ ខេមបូឌា ខូ អិលធីឌីមានប្រសាសន៍ថា នៅក្នុងត្រីមាសទាំងពីរចុងក្រោយនេះទីផ្សារឥណទានមានភាពវិជ្ជមាន។
លោកបានបន្តទៀតថា “ទោះបីជាមានការកើនឡើងនៃពាក្យស្នើសុំឥណទានលក្ខណៈបុគ្គល និងដំណើរការឥណទានលក្ខណៈបុគ្គលអនុបាទនៃគណនីប្រាក់កម្ចីជាមួយនឹងការសងយឺត៣០ថ្ងៃ ហួសកាលបរិច្ឆេទកំណត់នៅត្រឹមនៅគ្រប់តំបន់ទាំងអស់នៃព្រះរាជាណាចក្រកម្ពុជា”៕
