ដោយៈ រ៉ាណេត
ភ្នំពេញៈ លោកឧបនាយករដ្ឋមន្ត្រី ជា សុផារ៉ា រដ្ឋមន្ត្រីក្រសួងរៀបចំដែនដី នគរូបនីយកម្ម និងសំណង់បានបញ្ជាក់យ៉ាងច្បាស់ថា បទដ្ឋាននៃការសាងសង់ ត្រូវតែគិតពីភាពវិជ្ជមាននៃសុវត្ថិភាពយ៉ាងប្រាកដ ហើយសំណង់ដែលគ្មានគុណភាព គួរតែឈប់មានចាប់ពេលនេះតទៅទៀត។
លោកឧបនាយករដ្ឋមន្ត្រី កាលពីពេលកន្លងទៅថ្មីៗនេះ បានអំពាវនាវដល់ស្ថាបត្យករ និងវិស្វករ ព្រមទាំងអ្នកជំនាញផ្នែកពាណិជ្ជកម្មទាំងអស់ ដែលធ្វើការក្នុងវិស័យសំណង់ ត្រូវមានការត្រួតពិនិត្យលើការរចនា និងការងារសំណង់ ដើម្បីជួយធ្វើឱ្យវិស័យនេះកាន់តែរឹងមាំ ទាំងផ្នែកគុណភាព និងការកសាងជំនឿទុកចិត្តពីសាធារណជន។
លោកបន្តថា “ខ្ញុំសូមអំពាវនាវដល់ក្រុមហ៊ុន ដែលមានគុណវុឌ្ឍិទាំងនោះ ដែលចុះឈ្មោះនៅក្រសួង និងមានជំនាញក្នុងការរចនា និងការងារសាងសង់ ដើម្បីចេញវិញ្ញាបនបត្រនៅក្នុងតំបន់របស់ពួកគេ ព្រោះដល់ពេលសាងសង់រួចហើយ ដែលក្រុមហ៊ុនត្រូវមានភារកិច្ចត្រួតពិនិត្យការសាងសង់សំណង់ និងគម្រោងដែលត្រូវបានបញ្ជាក់ មុនពេលគម្រោងទាំងនេះ ត្រូវបានបញ្ជូនមកដើម្បីទទួលបានការយល់ព្រម” ។ លោកបញ្ជាក់ថា “ការសាងសង់នៅតែបន្តកើនឡើង ហើយយើងត្រូវតែចាត់វិធានការធ្ងន់ធ្ងរ ដើម្បីចៀសវាងសោកនាដកម្មនេះ ពីព្រោះយើងមានអារម្មណ៍ឈឺចាប់ នៅពេលដែលរឿងបែបនោះកើតឡើង” ។
កាលពីមុនយើងមិនមានច្បាប់ទេ តែឥឡូវនេះយើងមានច្បាប់ ពីព្រោះយើងចាំបាច់ត្រូវខិតខំធ្វើការប្រឆាំងនឹងសំណង់ខុសច្បាប់ ហើយច្បាប់នេះ ត្រូវបានរៀបចំឡើងដើម្បីធានាគុណភាពសំណង់ សន្តិសុខ និងសុវត្ថិភាព ហើយនឹងបន្តលើកកម្ពស់វិស័យអចលនទ្រព្យនៅក្នុងព្រះរាជាណាចក្រកម្ពុជាតទៅទៀត” ៕
