ដោយ:លាងហួរ
រុស្ស៊ីៈ លោកAlexander Novakឧបនាយករដ្ឋមន្រ្តីរុស្ស៊ី បានជួបពិភាក្សាជាមួយរដ្ឋមន្ត្រីថាមពលរបស់ ប្រទេសអារ៉ាប៊ីសាអូឌីតនៅថ្ងៃព្រហស្បតិ៍នេះ បន្ទាប់ពីកិច្ចប្រជុំមួយដោយលោកបានថ្លែងថា ប្រទេសរុស្ស៊ីអាចបន្តកិច្ចសហប្រតិបត្តិការ នៅក្នុងកិច្ចព្រមព្រៀងផលិតកម្មប្រេងរបស់អង្គការOPEC+លើសពីឆ្នាំ២០២២។
ព្រះអង្គម្ចាស់ Abdulaziz bin Salman បានបង្ហាញខ្លួនដ៏គួរឱ្យភ្ញាក់ផ្អើលនៅឯវេទិកាសេដ្ឋកិច្ចអន្តរជាតិ St Petersburg ខណៈពេលដែលឈ្មោះរបស់ព្រះអង្គ មិនត្រូវបានចុះបញ្ជីក្នុងកាលវិភាគផ្លូវការ ហើយខណៈដែលភ្ញៀវជាច្រើនផ្សេងទៀត មិនបានចូលរួមក្នុងព្រឹត្តិការណ៍ប្រចាំឆ្នាំដ៏ល្បីនេះ។
កិច្ចប្រជុំដ៏ល្បីនេះ កើតឡើងនៅពេលដែលរុស្ស៊ី កំពុងបូមប្រេងតិចជាងការអំពាវនាវរបស់អង្គការOPEC+ នាពេលបច្ចុប្បន្ន បន្ទាប់ពីមានទណ្ឌកម្មរបស់លោកខាងលិច ដែលបានដាក់លើរុស្ស៊ីត្រូវគេមើលឃើញថា អ្នកទិញមួយចំនួនបានបដិសេធ ឬពន្យារពេលទទួលទិញប្រេងរុស្ស៊ី។
ផលិតកម្មប្រេងឆៅរបស់រុស្ស៊ី បានកើនឡើងដល់៩,២៧៣លានបារ៉ែលក្នុងមួយថ្ងៃ នៅក្នុងខែឧសភា ចាប់ពី៩,១៥៩លានបារ៉ែល ក្នុងមួយថ្ងៃក្នុងខែមេសា។
លោកNovak បានសន្យាថា រុស្ស៊ីនឹងផ្គត់ផ្គង់ប្រេងបន្ថែមទៀតនៅខែក្រោយ ខណៈដែលប្រទេសឥណ្ឌា និងប្រទេសចិនត្រូវការប្រេងយ៉ាងច្រើនពីរុស្ស៊ី។
ប្រទេសរុស្ស៊ីបានផលិតប្រេង១,២លាន បារ៉ែលក្នុងមួយថ្ងៃកាលពីខែមុន តិចជាងកូតាផលិត១០,៥៥លានបារ៉ែល ក្នុងមួយថ្ងៃរបស់ខ្លួន។
ជំនួបរវាងព្រះអង្គម្ចាស់ Abdulaziz bin Salman និងលោកNovak មានរយៈពេលជាងមួយម៉ោង។
ឆ្លើយតបទៅនឹងសំណួរថា តើដៃគូរបស់អង្គការOPEC កំពុងត្អូញត្អែរអំពីការផលិតរបស់រុស្ស៊ីតិចឬអត់នោះ លោកNovak បានប្រាប់អ្នកយកព័ត៌មានបន្ទាប់ពីកិច្ចប្រជុំថា យើងមើលឃើញស្ថានភាពបច្ចុប្បន្ន នៅលើទីផ្សារប្រេងពិភពលោក មានតុល្យភាពទោះបីជាមានភាព មិនច្បាស់លាស់មួយចំនួនក៏ដោយ។
លោកNovak បានបន្តថា “ប្រទេសរុស្ស៊ីអាចបន្តកិច្ចសហប្រតិបត្តិការជាមួយអង្គការOPEC + ទោះបីជាកិច្ចព្រមព្រៀងបច្ចុប្បន្នផុតកំណត់នៅចុងឆ្នាំ២០២២នេះក៏ដោយ៕
