ដោយ: លាងហួរ
ហ្សាការតា: រថភ្លើងអគ្គិសនីដឹកអ្នកដំណើរល្បឿនលឿន និងរថភ្លើងត្រួតពិនិត្យដែលផលិត ក្នុងប្រទេសចិនសម្រាប់គម្រោង ផ្លូវដែកល្បឿនលឿន Jakarta-Bandung (HSR) បានមកដល់កំពង់ផែ Jakarta ពីកំពង់ផែ Qingdao របស់ប្រទេសចិនកាលពីថ្ងៃព្រហស្បតិ៍។
ការមកដល់នៃរថភ្លើងជានិមិត្តរូប នៃព្រឹត្តិការណ៍សំខាន់មួយទៀតសម្រាប់ការសាងសង់ស្ថានីយ៍រថភ្លើង Jakarta-Bandung HSR ។ វា ក៏ ជា លើក ទី មួយ ដែរ ដែល រថភ្លើង ល្បឿន លឿន ដែល ផលិត នៅ ប្រទេស ចិន ត្រូវ បាន នាំ ចេញ ទៅ ប្រទេស ផ្សេង។
រថភ្លើងនេះ ត្រូវបានរចនាឡើង និងផលិតដោយក្រុមហ៊ុន CRRC Qingdao Sifang Co. Ltd. ជាមួយនឹងបច្ចេកវិទ្យាទំនើបនៃរថភ្លើង Fuxing រថភ្លើងល្បឿនលឿន EMU (Electric Multiple Units) និង CIT (Comprehensive Inspection Train) មានល្បឿនប្រតិបត្តិការអតិបរមា ៣៥០គីឡូម៉ែត្រក្នុងមួយម៉ោង និងត្រូវ បាន រចនា និង ផលិត ឡើង តាម ស្តង់ដារ របស់ ចិន។ រថភ្លើងនេះក៏ត្រូវ បាន ផលិតឡើងសម្រប ទៅតាម បរិស្ថានប្រតិបត្តិការ និង លក្ខខណ្ឌ ក្នុង ប្រទេស ឥណ្ឌូនេស៊ីផងដែរ។
រថភ្លើងចំនួន១០ទៀត គ្រោងនឹងដឹកជញ្ជូនពីប្រទេសចិន ទៅកាន់ប្រទេសឥណ្ឌូនេស៊ីជាបណ្តុំនៅដើមឆ្នាំ២០២៣។
ផ្លូវរថភ្លើងJakarta-Bandung HSR ដែលសាងសង់ដោយបច្ចេកវិទ្យារបស់ចិន នឹងកាត់បន្ថយការធ្វើដំណើររវាងទីក្រុងJakarta និង Bandung ដែលជារដ្ឋធានីនៃខេត្ត West Java របស់ប្រទេសឥណ្ឌូនេស៊ី ពីជាង៣ម៉ោងទៅប្រហែល៤០នាទី៕
