ដោយៈ គង់ សូរិយា
ភ្នំពេញៈ ក្រុមហ៊ុនPropertyarea បានសហការជាមួយក្រុមហ៊ុនសាងសង់ និងសិក្សាគំរោងប្លង់CHSR ដើម្បីផ្សព្វផ្សាយ និងផ្តល់សេវាកម្មទាក់ទងនឹងការសាងសង់ ការសិក្សាគំរោងអភិវឌ្ឈន៍ និងការរចនាប្លង់ស្ថាបត្យកម្ម។
ការចុះហត្ថលេខាលើអនុស្សរណៈនៃការយោគយល់រវាងក្រុមហ៊ុនទាំងពីរ បានធ្វើឡើងកាលពីចុងសប្តាហ៍មុន រវាងលោកយិន លាងគង់ សហស្ថាបនិកនិងជាអគ្គនាយកគេហទំព័រPropertyarea.asia និងលោកហ៊ួរ គឹមហេងស្ថាបនិកនិងជាអគ្គនាយកក្រុមហ៊ុនCHSR។
លោកយិន លាងគង់បានមានប្រសាសន៍ឲ្យដឹងបន្ទាប់ពីពិធីចុះហត្ថលេខាថា ក្នុងនាមស្ថាប័នផ្សព្វផ្សាយព័ត៌មាន ទាក់ទងសេដ្ឋកិច្ច ពិសេសផ្នែកអចលនទ្រព្យ ឈានមុខគេនៅកម្ពុជា យើងតែងតែទទួលបានការហៅទូរស័ព្ទ ទំនាក់ទំនងពិអតិថិជនជាច្រើន ដែលស្វែងរកការផ្សព្វផ្សាយ និងស្វែងរកសេវាកម្មសាងសង់មួយចំនួន ហេតុនេះ ទើបលោកសម្រេចចិត្ត សហការជាមួយថ្នាក់ដឹកនាំក្រុមហ៊ុនCHSR ដើម្បីរកផលប្រយោជន៍រូមគ្នា និងឈរលើគោលការណ៍ឈ្នះ ឈ្នះទាំងអស់គ្នា។
លោកបន្តថា “បន្ទាប់ពីបានសិក្សា និងស្វែងយល់ពីបទពិសោធន៍ការងារកន្លងមក បានបង្ហាញឲ្យខ្ញុំដឹងថាក្រុមហ៊ុនCHSR ពិតជាមានបទពិសោធន៍ និងធ្វើការងារបានលឿនរហ័ស និងអាចទុកចិត្តបាន”។លោកបន្តថា “ការសាងសង់សំណង់ មិនអាចធ្វើឡើងដោយប្រើប្រាស់ជាងដែលចេះតៗគ្នានោះទេ ប៉ុន្តែក្រុមហ៊ុននានាគួរតែប្រើប្រាស់ក្រុមហ៊ុនសាងសង់ដូចជាCHSR ដែលមានការប្រឹក្សាយោបល់ និងជួយសន្សំសំចៃដល់អ្នកអភិវឌ្ឍន៍ផងដែរ”។
លោកយិន លាងគង់បានបន្តថា យើងបាននិងកំពុងធ្វើការប្រកបដោយទំនុកចិត្ត និងផ្តល់នូវលក្ខខ័ណ្ឌដែលអ្នកអភិវឌ្ឍន៍អាចទុកចិត្ត និងជឿជាក់បាន ដោយសារក្រុមហ៊ុនCHSRមានបទពិសោធន៍ការងារយូរឆ្នាំ និងទទួលបានទំនុកចិត្តពីអ្នកអភិវឌ្ឍន៍ជាច្រើន ក្នុងវិស័យសំណង់ និងការសិក្សាគំរោងប្លង់ស្ថាបត្យកម្ម។
ជាមួយគ្នានេះ លោកហ៊ួរ គឹមហេងស្ថាបនិក និងជាអគ្គនាយក្រុមហ៊ុនសាងសង់CHSR បានមានប្រសាសន៍ឲ្យដឹងផងដែរថា ការសហការនេះ គឺយើងបានផ្សារភ្ជាប់រវាងជំនាញទន់ និងជំនាញរឹង ដែលនឹងផ្តល់នូវមូលដ្ឋាននៃការជួយគ្នា ជ្រោមជ្រែងគ្នាទៅវិញទៅមកនិងឈរលើគោលការណ៍ឈ្នះ ឈ្នះទាំងអស់គ្នា។
លោកបន្តថា “វាប្រៀបដូចជារថយន្តមួយគ្រឿង បើមានតែតួ តែគ្មានកង់ និងម៉ាស៊ីន ក៏រថយន្តមិនអាចទៅមុខបានដែរ ហេតុនេះទើបយើងសហការគ្នា ដើម្បីធ្វើឲ្យយើងអាចរីកចម្រើនរួមគ្នា”។ លោកបន្តថា “យើងមានបទពិសោធន៍លើការគូរប្លង់ សាងសង់គំរោងបុរីធំៗ នៅតាមបណ្តាខេត្តនានា និងរាជធានីភ្នំពេញ ព្រោះសេវាកម្មរបស់យើងបាននិងកំពុងពង្រីកទៅគ្រប់បណ្តារាជធានី ខេត្តទាំង២៥”។
លោកហ៊ួរ គឹមហេងបានបន្តថា ជាមួយនឹងបទពិសោធន៍លើការសាងសង់ ក្រុមហ៊ុនមិនគិតតែផលចំណេញរបស់ខ្លួននោះទេ តែក្រុមហ៊ុននឹងជួយដល់អ្នកអភិវឌ្ឍន៍នានា លើការប្រឹក្សាគំរោងសាងសង់ ដែលផ្តោតលើគុណភាព ពេលវេលាការងារជាក់លាក់ និងជួយសន្សំសំចៃដល់អ្នកអភិវឌ្ឍន៍ផងដែរ។
លោកបន្តថា បើសិនជាអ្នកអភិវឌ្ឍន៍ អ្នកសាងសង់តូចធំ ប្រើប្រាស់តែជាង ដែលចេះតៗគ្នា ពួកគាត់ប្រឈមមនឹងការខាងបង់ច្រើន លើតម្លៃសម្ភារៈសាងសង់ ការចំណាយមិនចាំបាច់ និងខាតបង់ទាំងពេលវេលា និងប្រាក់កាសផងដែរ។
អ្នកអភិវឌ្ឍន៍តូច ធំ ដែលចង់ប្រឹក្សាយោបល់អាចទំនាក់ទំនងតាមរយៈលេខទូរស័ព្ទ និងប្រព័ន្ឋតេឡេក្រាម តាមរយៈលេខ086 48 55 66, 078 959 567៕
