ដោយ: គង់ លាងហួរ
អន្តរជាតិ: បច្ចុប្បន្ន ប្រទេសម៉ាឡេស៊ីត្រូវបានគេទទួលស្គាល់ថា ជាអ្នកទទួលផលយ៉ាងធំមួយពីការផ្លាស់ប្តូរទិដ្ឋភាពទីផ្សារអចលនទ្រព្យសកល ខណៈក្រុមហ៊ុនធំៗព្យាយាមសម្របផលបត្រអចលនទ្រព្យជាមួយនឹងភាពធន់ និរន្តរភាព និងការត្រៀមរួចជាស្រេចសម្រាប់អនាគត។
យោងតាមរបាយការណ៍ថ្មី“YOUR SPACE”ឆ្នាំ២០២៥ របស់ក្រុមហ៊ុនប្រឹក្សាអចលនទ្រព្យ Knight Frank បានឱ្យដឹងថា ប្រឈមមុខនឹងបញ្ហានៃការប្រែប្រួលសេដ្ឋកិច្ច ហានិភ័យភូមិសាស្ត្រនយោបាយ និងឌីជីថល បណ្តាក្រុមហ៊ុនសាជីវកម្មចំនួន៥០ភាគរយទូទាំងពិភពលោកគ្រោងពង្រីកការិយាល័យរបស់ពួកគេក្នុងរយៈពេល៣ឆ្នាំទៅ៥ឆ្នាំខាងមុខ ឬស្មើនឹង១០៤លានហ្វីតការ៉េ។
ការណ៍នេះធ្វើឱ្យប្រទេសម៉ាឡេស៊ីស្ថិតក្នុងស្ថានភាពយ៉ាងរឹងមាំមួយ ដែលអាចទាក់ទាញបណ្តាវិនិយោគិន និងអ្នកជួលមកពីជុំវិញពិភពលោក។តម្រូវការមានការកើនឡើងខ្លាំងជាពិសេសក្នុងចំណោមបណ្តាក្រុមហ៊ុន ដែលផ្តោតលើការផលិតកម្រិតខ្ពស់ បច្ចេកវិទ្យា និងការចែកចាយក្នុងតំបន់។
