ចិនបានបញ្ចេញកញ្ចប់ថវិកា ៥០០ ពាន់លានដុល្លារដើម្បីសង្គ្រោះសេដ្ឋកិច្ចរបស់ខ្លួន

0

ដោយ ៖ ប៊ី

អន្តរជាតិ ៖ ចិនបានសន្យាកាលពីថ្ងៃសុក្រថានឹងចាក់បញ្ចូលប្រាក់ចំនួន ៣,៦ ពាន់ពាន់លានយន់ ស្មើនឹងប្រមាណ ៥០០ ពាន់លានដុល្លារ ទៅក្នុងសេដ្ឋកិច្ចរបស់ខ្លួននៅឆ្នាំនេះ ដែលជាវិធានការជំរុញបន្ថែមក្នុងការង្កើតការងារចំនួន ៩ លានកន្លែង និងឆ្លើយតបនឹងជំងឺរាតត្បាត COVID-19។

នាយករដ្ឋមន្រ្តីចិន លោក Li Keqiang បាននិយាយថា ប្រទេសចិននឹងមិនអាចកំណត់ទិសដៅកំណើនសេដ្ឋកិច្ចរបស់ខ្លួនសម្រាប់ឆ្នាំ ២០២០ ដោយសារតែភាពមិនប្រាកដប្រជាដ៏ធំធេង ដែលបង្កឡើងដោយ Covid-19 និង “បរិយាកាសសេដ្ឋកិច្ច និងពាណិជ្ជកម្មពិភពលោក”។ ប៉ុន្តែលោកបានសន្យាថានឹងឆ្លើយតប ដែលមានលក្ខណៈខ្លាំងក្លាជាងមុន ចំពោះវិបត្តិនេះ ដែលប្រើប្រាស់មូលនិធិពីការខ្ចីប្រាក់របស់រដ្ឋាភិបាល។

នេះជាលើកទីមួយនៅក្នុងទសវត្ស ដែលប្រទេសចិនមិនបានកំណត់ទិសដៅកំណើនសេដ្ឋកិច្ចរបស់ខ្លួន។ កាលពីឆ្នាំមុន ទីក្រុងប៉េកាំងបានកំណត់ទិសដៅកំណើននៅក្នុងចន្លោះពី ៦ ទៅ ៦,៥ ភាគរយ។ ផលិតផលក្នុងស្រុកសរុបបានកើនឡើង ៦,១ ភាគរយ ដែលជាល្បឿនយឺតបំផុតក្នុងរយៈពេលជិត ៣០ ឆ្នាំ។
ជំងឺរាតត្បាតរីករាលដាល និងការបិទទ្វារប្រទេសរយៈពេលជាច្រើនសប្តាហ៍នៅទូទាំងប្រទេសចិន បានធ្វើឱ្យប៉ះពាល់ដល់សេដ្ឋកិច្ចរបស់ប្រទេសនេះ។

ផលិតផលក្នុងស្រុកសរុបបានធ្លាក់ចុះ ៦,៨ ភាគរយ នៅក្នុងត្រីមាសទីមួយ ជាការធ្លាក់ចុះដំបូង ដែលទីក្រុងប៉េកាំងបានកត់ត្រាចាប់តាំងពីឆ្នាំ ១៩៧៦៕ CNN

LEAVE A REPLY

Please enter your comment!
Please enter your name here