ដោយ ៖ វុត្ថា
ភ្នំពេញ៖ ទីផ្សារវិស័យអចលនទ្រព្យនៅក្នុងទីក្រុងហុងកុងនឹងបន្តរងផលប៉ះពាល់ពីជំងឺកូវីដ១៩ នៅក្នុងឆ្នាំ២០២១នេះ ទាំងលំនៅឋានកម្រិតមធ្យម រហូតដល់លំនៅដ្ឋានប្រណីត ការិយាល័យ ហាងទំនិញនានា គ្មានរួចផុតពីវិបត្តិសេដ្ឋកិច្ច និងកំណើនអ្នកអត់ការងារធ្វើ។
យោងតាមរបាយការណ៍ពីការធ្វើស្ទង់មតិពីទីភ្នាក់ងារ និងក្រុមហ៊ុនអភិវឌ្ឍន៍ចំនួន ២០ស្តីពីតម្លៃផ្ទះនៅឆ្នាំ២០២១ បានបង្ហាញថាទស្សនផ្សេងៗគ្នាដោយ៦នាក់ ឆ្លើយថា ស្ថិតនៅក្នុងក្តីរំពឹងពីផ្សារថានឹងងើបឡើងវិញ ៧នាក់ផ្សេងទៀត ឆ្លើយថាស្ថិតនៅក្នុងភាពមិនប្រាកដប្រជា ហើយមានចំនួន៧ប៉ុណ្ណោះដែលឆ្លើយថានឹងទទួលបានជោគជ័យនៅក្នុងទីផ្សារ។
លោក Harry Tan ប្រធានស្រាវជ្រាវផ្នែកអចលនទ្រព្យនៅ Asia-Pacific ប្រចាំក្រុមហ៊ុន Nuveen បានឱ្យដឹងថា ទស្សនវិស័យសេដ្ឋកិច្ច និងអាជីវកម្មមិនប្រាកដប្រជា និងភាពទន់ខ្សោយនៅក្នុងលក្ខខណ្ឌទីផ្សារការងារទំនងជានឹងប៉ះពាល់ដល់ចំនួនប្រជាជនរស់នៅយ៉ាងច្រើន បើទោះបីជាមានការគាំទ្រយ៉ាងខ្លាំងដល់កម្ចី និងអតុល្យភាពផ្គត់ផ្គង់តម្រូវការក៏ដោយ ។
ក្រុមហ៊ុននេះស្ថិតក្នុងចំណោមទុទិដ្ឋិនិយមបំផុតនៅក្នុងការស្ទង់មតិដោយហៅការធ្លាក់ចុះតម្លៃលំនៅឋានយ៉ាងច្រើនពី៥ ទៅ១០ ភាគរយនៅឆ្នាំ២០២១។
រដ្ឋាភិបាលបានព្យាករណ៍ថា សេដ្ឋកិច្ចរបស់ទីក្រុងហុងកុងនឹងធ្លាក់ចុះយ៉ាងខ្លាំងនៅត្រឹម៦,១ភាគរយក្នុងឆ្នាំ ២០២០ ដោយកើនលើស៥,៩ ភាគរយក្នុងអំឡុងវិបត្តិហិរញ្ញវត្ថុអាស៊ីក្នុងឆ្នាំ ១៩៩៨។ រយៈពេលនេះត្រូវបានគេរំពឹងថា នឹងកាន់តែអាក្រក់ទៅៗ បន្ទាប់ពីគម្រោងឧបត្ថម្ភធនប្រាក់ឈ្នួល៨១ពាន់លានដុល្លារហុងកុង ស្មើនឹង ១០,៣ ពាន់លានដុល្លារអាមេរិកក្នុងការការពារការងារបានបញ្ចប់នៅខែវិច្ឆិកា។
របាយការណ៍របស់ព្យាកររបស់រដ្ឋាភិបាលបន្តថា រលកទីបួននៃការឆ្លងមេរោគជំងឺកូវីដ១៩ បានធ្វើឱ្យតម្លៃលំនៅឋានកម្រិតមធ្យមមានការធ្លាក់ចុះ០,២ ភាគរយ ទាបបំផុតក្នុងរយៈពេល៧ខែគិតត្រឹមខែវិច្ឆិកាដែលធ្វើឱ្យអត្រាធ្លាក់ចុះប្រចាំឆ្នាំលើកដំបូងក្នុងរយៈពេល១២ឆ្នាំ។
យោងតាមរបាយការណ៍របស់ក្រុមហ៊ុនប្រឹក្សាយោបល់ JLL បង្ហាញថា សន្ទះសេដ្ឋកិច្ចអាចមានការធ្លាក់ចុះតម្លៃចន្លោះពី៥ទៅ១០ភាគរយ។
លោក Nelson Wong ប្រធានផ្នែកស្រាវជ្រាវនៅក្រុមហ៊ុនប្រឹក្សាយោបល់ JLL ឱ្យដឹងថា ទោះបីជាសកម្មភាពទីផ្សារត្រូវបានគេរំពឹងថា នឹងកើតឡើងតិចតួច នៅពេល ព្រំដែនទីក្រុងហុងកុង-ចិនបើកឡើងវិញនៅពេលមានភាព មិន ប្រាកដប្រជា ផ្នែកសេដ្ឋកិច្ចបរិមាណប្រតិបត្តិការនឹងនៅតែទាបជាងពេលមុន៕
