ដោយៈ ប៊ី
កូឡាឡាំពួរៈ រដ្ឋមន្រ្តីលំនៅដ្ឋានម៉ាឡេស៊ី បានជំរុញឱ្យអ្នកអភិវឌ្ឍន៍អចលនទ្រព្យនៅតំបន់អាស៊ាន ចាប់យកនវានុវត្តន៍ (Innovation) ឬការច្នៃប្រឌិត និងស្វែងរកដៃគូថ្មីៗ ដើម្បីរួមចំណែកលើកកម្ពស់វិស័យអចលនទ្រព្យនៅក្នុងតំបន់។
រដ្ឋមន្រ្តីលំនៅដ្ឋានលោកស្រី Datuk Zuraida Kamaruddin បាននិយាយថា ការធ្វើបែបនេះ នឹងអាចជួយឱ្យតំបន់នេះមានភាពរឹងមាំជាងមុន ដូចនឹងកម្រិតមុនវិបត្តិជំងឺកូវីដ១៩។ នេះបើយោងតាមការចេញផ្សាយរបស់សារព័ត៌មានម៉ាឡេស៊ី The Star នៅថ្ងៃទី២ ខែមេសា ឆ្នាំ២០២១។
លោកស្រីបាននិយាយនៅក្នុងកម្មវិធីពានរង្វាន់ អចលនទ្រព្យអាស៊ានឆ្នាំ២០២០ ដែលរៀបចំដោយក្រុមហ៊ុន Des Prix Infinitus Media កាលពីម្សិលមិញថា “គម្រោងអភិវឌ្ឍន៍ មិនមែនគ្រាន់តែផ្តោតលើការឈ្នះពានរង្វាន់ប៉ុណ្ណោះទេ ប៉ុន្តែក៏ជាការចូលរួមចំណែកដល់និរន្តរភាព និងសុខុមាលភាពរបស់ប្រជាជនផងដែរ”។
លោកស្រីក៏បានកោតសរសើរថា អ្នករៀបចំពានរង្វាន់នេះ បានធ្វើការងារយ៉ាងប្រសើរ ដើម្បីប្រមូលអ្នកអភិវឌ្ឍន៍អចលនទ្រព្យអាស៊ាន ក្នុងគោលបំណងភ្ជាប់កីឡាករម៉ាឡេស៊ី និងសមភាគីក្នុងតំបន់។
លោកស្រីបានថ្លែងថា “ក្នុងនាមជារដ្ឋមន្រ្តី វាពិតជាមានកិត្តិយសណាស់ ដែលបានធ្វើជាអ្នកតំណាងផ្លូវការ ដើម្បីផ្តល់ការគាំទ្ររបស់យើង ដល់ការអភិវឌ្ឍវិស័យអចលនទ្រព្យនៅប្រទេសម៉ាឡេស៊ី និងក្នុងតំបន់អាស៊ាន ជាពិសេសក្នុងកំឡុងពេលដ៏លំបាកនេះ”៕
