ដោយ គង់ សូរិយា
ភ្នំពេញ៖ ផ្សារទំនើបមួយក្នុងចំណោមផ្សារទំនើបចំនួ១៣ ដែលគ្រោងបើកនៅឆ្នាំនេះបានបើកដំ ណើរការហើយនៅទីក្រុងភ្នំពេញ និងស្ថិតនៅយតាមបណ្តោយមហាវិថីព្រះនរោត្តម នៃគំរោងThe Prince Plaza។
ផ្សារទំនើបព្រីនស៏ Prince Supper Market នេះ ស្ថិតនៅខាងជើងស្ពានអាកាសក្បាលថ្នល់ ស្ថិតនៅក្នុងសង្កាត់ទន្លេបាសាក់ ខ័ណ្ឌចំការមកក្រុងភ្នំពេញ។ ផ្សារទំនើបនេះមានការប្រមូលសិន ពិសេសលើទំនិញប្រមាណជាង៧២០០០ មុខទំនិញ ដែលស្ថិតនៅជាន់ទី៣នៃផ្សារទំនើបព្រីនស៏។
នាយកប្រតិបត្តិ Prince Super Market លោកឈិន ចិពីងបានមានប្រសាសន៍ក្នុងពិធីបើក សម្ភោធផ្សារទំនើបនាព្រឹកថ្ងៃទី២៨ មិថុនានេះបានលើកឡើងថា ផ្សារទំនើបព្រីនស៍សូភើម៉ាឃីត (ខេមបូឌា) គឺជាក្លាយជាទីតាំងសម្រាប់ចែកចាយ និងផ្គត់ផ្គង់ទំនិញសំខាន់ៗ ដល់ពលរដ្ឋដែលរស់នៅក្នុងរាជធានីភ្នំពេញ ខណៈកម្រិតជីវភាពរបស់ប្រជាពលរដ្ឋរស់នៅក្នុងទីក្រុងនេះ កាន់តែមានភាព ល្អប្រសើរ។
លោកថា “ផ្សារទំនើបនេះមានប្រមូលផ្តុំទៅដោយ ផលិតផលប្រកបដោយគុណភាព និងតម្លៃ សមរម្យ ហើយប្រកាន់ភ្ជាប់នូវគោលការណ៍រួមចំនួន៤យ៉ាងគឺ សេវាកម្ម ផលិតផល តម្លៃ និងភាពស្រ ស់នៃទំនិញ”។លោកបន្តថា ”ផ្សារទំនើបនេះផ្តោតលើអតិថិជនគោលដៅ ដែលជាប្រជាជនកម្ពុជាដែលមានជីវភាពមធ្យម អាចទិញទំនិញប្រកបដោយគុណភាពល្អ”។
ផ្សារទំនើបព្រីនស៍ សូភើម៉ាឃីត គឺស្ថិតនៅតាមបណ្តោយផ្លូវនរោត្តម ជិតស្ពានអាកាសក្បាល ថ្នល់ ស្ថិតនៅជាន់ទី ៣ នៃអគារមជ្ឍមណ្ឌលខុនដូរ Prince Plaza ដែលមានកម្ពស់៣៧ជាន់។
នាយិកាប្រចាំប្រទេសនៃក្រុមហ៊ុន CBRE Cambodia អ្នកនាងអាន សុធីតាបានហៅឆ្នាំ២០១៨ ជាឆ្នាំនៃផ្សារទំនើបនៅកម្ពុជា ដោយសារផ្សារទំនើបតូចធំ និងខ្នាតអន្តរជាតិប្រមាណ១៣ទីតាំងបាន និងកំពុងត្រៀមបើកដំណើរការនៅក្នុងឆ្នាំនេះ។ ការកើនឡើងនៃផ្សារទំនើបទាំងនេះឆ្លុះ បញ្ចាំងពីការ រីក ចម្រើនសេដ្ឋកិច្ច សង្គមកម្ពុជា ពិសេសកំណើនប្រាក់ចំណូលរបស់ប្រជាពលរដ្ឋ បានធ្វើឲ្យកំលាំង ទិញមានការកើនឡើងនៅក្នុងទីផ្សារនេះ។
អ្នកនាងបន្តថា “ការកើនឡើងនូវចំនួនផ្សារទំនើប ធ្វើឲ្យការប្រកួតប្រជែងកើនឡើង ដែលទាម ទារឲ្យផ្សារចាស់ៗមួយចំនួនត្រូវរៀបចំរចនាសម្ព័ន្ឋទាក់ទងនឹងការលក់ ការរចនាឡើងវិញ ដើម្បីទាក់ ទាញអតិថិជន និងទប់នឹងរលកនៃការប្រកួតប្រជែងកាន់តែខ្លាំង”។អ្នកនាងបន្តថា “ការវិនិយោគផ្សារ ទំនើបមានផលចំណេញត្រលប់ខ្ពស់ ប៉ុន្តែទាមទារឲ្យអ្នកវិនិយោគត្រូវធ្វើការកែលំអរផ្សាររបស់ខ្លួនរៀង រាល់៧ ទៅ១០ឆ្នាំម្តង ដើម្បីសមស្រមនឹងការវិវត្តនិងភាពស៊ីវិល័យនៃសង្គម”៕
