ដោយៈ ម៉ាណេត
ភ្នំពេញៈ អ្នកកជំនាញបានលើកឡើងថា ខណ្ឌជ្រោយចង្វារ ដែលជាខណ្ឌមួយកំពុងបង្ហាញសក្តានុពលទាក់ទាញគម្រោងអភិវឌ្ឍន៍អចលនទ្រព្យធំៗ មានរីកចម្រើនខ្លាំងទាំងវិស័យលំនៅដ្ឋាន និងគម្រោងអភិវឌ្ឍន៍អចលនទ្រព្យ ដែលជំរុញឱ្យដីធ្លីនៅតែមានតម្រូវការពីសំណាក់វិនិយោគិន។
លោកស្រីតាំង ហួរបច្ចុប្បន្នជាប្រធានក្រុមហ៊ុន AMATAK Propery Serviceបានថ្លែងប្រាប់នៅថ្ងៃទី២១ ខែមិថុនា ឆ្នាំ២០២១ថា ទោះបីស្ថិតក្នុងវិបត្តិកូវិដ១៩ក៏ដោយ ក៏វិស័យដីធ្លីនៅតំបន់ជ្រោយចង្វារនៅតែមានតម្រូវការជាបន្តបន្ទាប់ ហើយតម្លៃដីមិនមានការថមថយនោះទេ។
លោកស្រីបានបន្តថា “បច្ចុប្បន្ន តម្លៃដីនៅតំបន់នេះយើងលែងអាចរកបានក្នុងត្រឹម១០០ដុល្លារ ឬក្រោម១០០ដុល្លារក្នុងតំបន់ជ្រោយចង្វារ ដោយសារតំបន់នេះមានរីកចម្រើនខ្លាំងទាំងការអភិវឌ្ឍលំនៅដ្ឋាន និងគម្រោងអភិវឌ្ឍន៍អចលនទ្រព្យធំៗជាច្រើន ដែលជំរុញឱ្យដីនៅតំបន់នៅតែមានតម្រូវ និងតម្លៃដីបន្តកើនឡើង”។
លោកស្រីបានឱ្យដឹងថា តំបន់នៅជិតជ្រោយចង្វារតម្លៃដីមានចាប់១០០០ដុល្លារក្នុងមួយម៉ែត្រការ៉េ និងតម្លៃដីជិតមាត់ទន្លេអាចរកទិញបានជាង២០០០ដុល្លារម៉ែត្រ ព្រោះវាជិតកណ្តាលក្រុងភ្នំពេញ ហើយតំបន់ឆ្ងាយពីស្ពានជ្រោយចង្វារទៅមុខមានតម្លចាប់២០០ដុល្លារទៅដល់៦០០ដុល្លារ អាស្រ័យលើចម្ងាយដី និងស្ថានភាពដីជាដើម។
លោកស្រីបានឱ្យដឹងទៀតថា ដីធំៗភាគច្រើននៅតំបន់ជ្រោយចង្វារសុទ្ធតែមានម្ចាស់ ហើយអ្នកខ្លះទុកសម្រាប់ការអភិវឌ្ឍន៍បុរី។ វិនិយោគិននៅតែមានស្វែងរកដីធ្លីនៅតំបន់ជ្រោយចង្វារ សម្រាប់ការអភិវឌ្ឍលំនៅដ្ឋាន និងគម្រោងអភិវឌ្ឍន៍ជាដើម។
លោកស្រីអាន សុធីតាអ្នកនាញអចលនទ្រព្យអន្តរជាតិមួយរូប ដែលមានបទពិសោធន៍ជាច្រើន បានលើកឡើងថា ផ្លូវជាតិលខ៦ គឺស័ក្កសមជាលំនៅដ្ឋាន ហើយយើងឃើញមានការរីកចម្រើនខ្លាំង ទាក់ទងនឹងលំនៅដ្ឋានក្នុងរយៈ២ឬ៣ឆ្នាំចុងក្រោយនេះ។
លោកស្រីបានបន្តទៀតថា បច្ចុប្បន្ន យើងឃើញថា មានការអភិវឌ្ឍនលំនៅដ្ឋានតម្លៃសមរម្យជាច្រើនចាប់ផ្តើមទៅទីនោះផងដែរ ប៉ុន្តែនៅចំណុចខ្វះខាតមួយ គឺអ្នកអភិវឌ្ឍន៍អន្តរជាតិ និងខ្វះតំបន់ពាណិជ្ជកម្មនៅឡើយ។ លោកស្រីបានថ្លែង តំបន់នេះសម្រុកលើលំនៅដ្ឋានមុន ហើយលំពាណិជ្ជកម្មនឹងអាចដើរតាមក្រោយការអភិវឌ្ឍលំនៅដ្ឋាន។
លោកស្រីបានឱ្យដឹងទៀតថា “ខ្ញុំគិតថា ក្នុងរយៈពេល៥ខាងមុខ តំបន់ជ្រោយចង្វារតំបន់ពាណិជ្ជកម្មថ្មីមួយ ដោយសារតំបន់នឹងទទួលបានការអភិវឌ្ឍអចលនទ្រព្យចម្រុះ”៕
