ដោយ ៖ វុត្ថា
ភ្នំពេញ ៖ សារព័ត៌មាន Asia Times បានចុះផ្សាយថា មន្ត្រីជាន់ខ្ពស់ទីក្រុងប៉េងកាំងបានកោះហៅមន្ត្រីក្រុង Hainan ពីររូបមកសួរចម្លើយពាក់ព័ន្ធនឹងការឡើងថ្លៃតម្លៃអចលនទ្រព្យនៅក្នុងក្រុង ដោយបានស្នើឱ្យមន្ត្រីក្រុងទប់ស្កាត់ចំពោះការឡើងថ្លៃនេះ។
តម្លៃលំនៅដ្ឋានពាណិជ្ជកម្មថ្មីបានកើនឡើង ១១,១ ភាគរយ និង ១៤, ៨ភាគរយ រវាងខែឧសភា និងខែសីហា។ រីឯតម្លៃលំនៅដ្ឋានប្រើប្រាស់រួចបានកើនឡើង ៧ ភាគរយ និង ៦,៤ ភាគរយ សម្រាប់លំនៅដ្ឋាននៅក្នុងទីក្រុង។
បើយោងតាមការិយាល័យជាតិស្ថិតិរបស់ប្រទេសចិនបានបង្ហាញថា កាលពីខែកក្កដា កន្លងទៅ តម្លៃលំនៅដ្ឋានថ្មីនៅក្រុងមួចំនួនទៀតបានកើនឡើង៣,៧ភាគរយ ដែលជាកំនើនប្រចាំខែខ្ពស់ជាងគេបំផុត ក្នុងចំណោមទីក្រុងចំនួនទីក្រុងទាំង៧០របស់ប្រទេសចិន ។ ទន្ទឹមនឹងនេះដែរ តម្លៃលំនៅដ្ឋាននៅក្នុងទីក្រុងហៃគូបានកើនឡើង២,៣ ភាគរយនៅក្នុងខែនេះ។
ជាទូទៅសម្រាប់ប្រទេសចិន តម្លៃលំនៅដ្ឋានថ្មីកើនឡើងជាមធ្យម១,២ភាគរយ ដែលជាការកើនឡើងប្រចាំឆ្នាំធំបំផុតក្នុងរយៈពេលពីរឆ្នាំ។ សរុបនៃទីក្រុងចំនួន៦៧ ដែលបានចុះបញ្ជីរ ការមានការផ្លាស់ប្តូរវិជ្ជមាននៃតម្លៃលំនៅដ្ឋានថ្មីកាលពីខែមុន។ ទីក្រុងស៊ាងហៃ ដែលបានចេញវិធានការទប់ស្កាត់តម្លៃអចលនទ្រព្យកុំឲ្យមានការឡើងថ្លៃ បានធ្វើឲ្យទីផ្សារលំនៅដ្ឋានធ្លាក់ចុះ០,១ភាគរយចំពោះតម្លៃលំនៅដ្ឋានថ្មី៕
