ដោយៈគង់ សូរិយា
វៀតណាមៈ រដ្ឋាភិបាលវៀតណាម គ្រោងចំណាយទឹកប្រាក់រហូតដល់៤៤០០លានដុល្លារអាមេរិក ដើម្បីសាងសង់ផ្លូវល្បឿនលឿន នៅតំបន់ដីសណ្តរទន្លេមេគង្គ។
គំម្រោងសាងសង់ផ្លូវល្បឿនលឿន ដែលមានប្រវែង១៥៦គីឡូម៉ែត្រនេះ ឆ្លងកាត់តាមខេត្ត៥ នៃតំបន់ដីសណ្តរមេគង្គ ដែលជាបណ្ដុំសេដ្ឋកិច្ចផលិតស្រូវធំជាងនៅវៀតណាម នឹងត្រូវបើកការដ្ឋានសាងសង់នៅខែវិច្ឆិកា ខាងមុខនេះហើយ។
ផ្លូវនេះនឹងភ្ជាប់ទីក្រុងCantho ទៅកាន់ទីក្រុងCAMAនេះគ្រោងចំណាយប្រាក់ដ៏សន្ឋឹកសន្ឋាប់ ដូចការលើកឡើងខាងលើ។
យោងតាមសារព៌តមាន Global Construction Review ដែលបានចេញផ្សាយកាលពីសប្តាហ៍មុនបានឲ្យដឹងថា ដំណាក់កាល១ នឹងត្រូវសាងសង់ផ្លូវល្បឿនលឿន២គន្លង ហើយនឹងពង្រីកដល់ជា៤គន្លង ក្នុងដំណាក់កាលទី២។
ប្រសិនជាមិនមានអ្វីប្រែប្រួល និងសម្រេចតាមផែនការ គម្រោងសាងសង់ផ្លូវល្បឿនលឿននេះ នឹងត្រូវបញ្ចប់នៅឆ្នាំ២០២៥ខាងមុខនេះ។
រដ្ឋាភិបាលវៀតណាម មានគោលបំណងដើម្បីធ្វើឱ្យដីសណ្តរក្លាយទៅជា “មជ្ឈមណ្ឌលសេដ្ឋកិច្ចកសិកម្ម ប្រកបដោយចីរភាព ថាមវន្ត និងមានប្រសិទ្ធភាពខ្ពស់ក្នុងតំបន់ និងពិភពលោក”៕
