Legion Empire Realty បានបើកសម្ពោធ Office ថ្មី

0

(ភ្នំពេញ)៖ ក្រុមហ៊ុន Legion Empire Realty បានបើកសម្ពោធ Office ថ្មីរបស់ខ្លួន ជាផ្លូវការ កាលពីនាថ្ងៃ អាទិត្យ ទី០១ ខែមិថុនា ឆ្នាំ ២០២៥ ។

ក្រុមហ៊ុន Legion Empire Realty គឺជាក្រុមហ៊ុនភ្នាក់ងារអចលនទ្រព្យ ដែលមានជំនាញបំផុត ក្នុងការប្រឹក្សានិងជួយលោកអ្នក ទិញ លក់ និងជួល បាននូវអចលនទ្រព្យមួយដែលល្អ ដូចជា ដី ផ្ទះ វីឡា ខុនដូ ដែលមានគុណភាពនិងតម្លៃល្អ នៅក្នុងប្រទេសកម្ពុជា។

ក្រុមហ៊ុន Legion Empire Realty បានចាប់ផ្ដើមពីការិយាល័យតូច ដែលមានស្ថាបនិក​គឺ លោក កាំង នីន (Mr. Kang Nin) លោក សុខ ប៊ុនសារ៉ាក់ (Mr. Sok Bunsarak) និងលោក ចិន្តា បញ្ញារង្សី (Mr. Chenda Panhareangsey) រួមជាមួយនឹងសហស្ថាបនិក លោក យុទ្ធ (Mr. Yuth) ​ លោក កែវ វិរៈ (Mr. Keo Vireak) លោក សឿន ផល្លីន (Mr. Soeun Phallin) និង​លោក ឡឹក ឧត្តម្ភ ( Mr. Lek Oudom)​ដែលមានសមាជិកក្នុងក្រុមពោរពេញ ទៅដោយក្ដីស្រមៃ ហើយថ្ងៃនេះក្ដីសម្រៃមួយនោះ ក៏បានក្លាយជាការពិត ដោយអភិវឌ្ឍន៍ខ្លួនបានលឿនខ្លាំងមែនទែន ដែលនេះមិនមែនជាការផ្លាស់ប្ដូរធម្មតាទេ តែជាភាពជោគជ័យមិនគួរឱ្យជឿ ត្រឹមរយៈពេល ៣ខែតែប៉ុណ្ណោះ។

-->

ប្រធានក្រុមហ៊ុន លោក កាំង នីន (Mr. Kang Nin)​ ក៏មានប្រសាសន៍ថា： “ថ្ងៃនេះ ជាដំណើរចាប់ផ្ដើមដ៏មានន័យ សម្រាប់ក្រុមហ៊ុនរបស់យើង យើងមានបេសកកម្មមួយ គឺបង្កើតសុទិដ្ឋិនិយមនៃការរស់នៅនិងការវិនិយោគ ដោយផ្ដល់ការប្រឹក្សាយោបល់ ប្រកបដោយវិជ្ជាជីវៈ ទំនុកចិត្ត ដល់អតិថិជនដែលរស់នៅក្នុងស្រុកនិងក្រៅស្រុក អាចទិញបានផ្ទះក្នុងក្ដីស្រមៃនិងអាចចំណេញក្នុងការវិនិយោគនាពេលអនាគតបាន។
ខ្ញុំក៏សូមថ្លែងអំណរគុណដល់ក្រុមការងារ ដៃគូសហការនិងអតិថិជនទាំងអស់ ដែលតែងតែគាំទ្រក្រុមហ៊ុនយើងខ្ញុំ ទើបពួកយើងមានសមិទ្ឋផលដូចថ្ងៃនេះ។ យើងនឹងបន្តផ្ដល់ជូនសេវាកម្ម ដែលប្រកបដោយជំនាញនិងវិជ្ជាជីវះច្បាស់លាស់ ជូនអតិថិជនទាំងអស់គ្នា។​ ហើយយើងក៏ខំប្រឹងប្រែង បណ្ដុះបណ្ដាលក្រុមការងារ​ ដើម្បីឱ្យមានសមត្ថភាពកាន់តែខ្ពស់និងផ្ដល់នូវការប្រឹក្សាយោបល់ ដែលល្អបំផុតជូនទៅដល់អតិថិជនផងដែរ។ សូមអរគុណនិងស្វាគមន៍មកកាន់ដំណើរថ្មីរបស់ពួកយើង។”