ដោយ: គង់ លាងហួរ
អន្តរជាតិ: ទីផ្សារអចលនទ្រព្យការិយាល័យក្នុងតំបន់ពាណិជ្ជកម្មកណ្តាល (CBD) នៅទីក្រុងស៊ីដនីរបស់ប្រទេសអូស្ត្រាលីបានជួបប្រទះការលំបាក ខណៈអត្រាការិយាល័យទំនេរបានកើនឡើងពី១២,៨ភាគរយដល់ក្នុងរង្វង់១៣,១ភាគរយនៅត្រីមាសទី២ ឆ្នាំ២០២៥។
នៅត្រីមាសទី២ ទំហំការិយាល័យថ្មីចំនួន៣៣.៧៣០ម៉ែត្រការ៉េកំពុងត្រូវបានស្ថាបនាបន្ថែមទៀត ដោយក្នុងនោះ រួមមានអគារការិយាល័យ“1 Martin Place” ទំហំ១៤.០០០ម៉ែត្រការ៉េ និងអគារ“30 The Bond”ទំហំ១៩.៧៣០ម៉ែត្រការ៉េ។
តម្លៃជួលការិយាល័យលំដាប់ Premium ក្នុងតំបន់ពាណិជ្ជកម្មកណ្តាល (CBD) នៅទីក្រុងស៊ីដនី បានកើនឡើង៨,៨ភាគរយក្នុងត្រីមាសទី២ ឆ្នាំ២០២៥ ដល់ទំហំទឹកប្រាក់់ចំនួន៨៩០ដុល្លារអូស្ត្រាលី (ប្រមាណ៥៨១ដុល្លារអាមេរិក) ក្នុងមួយម៉ែត្រការ៉េក្នុងមួយឆ្នាំ ឬស្មើនឹង៤៨,៤ដុល្លារអាមេរិកក្នុងមួយម៉ែត្រការ៉េក្នុងមួយខែ។
តម្លៃជួលការិយាល័យកម្រិត A បានកើនឡើងក្នុងរង្វង់៣,៨ភាគរយក្នុងត្រីមាសទី២ ដល់ទំហំទឹកប្រាក់ចំនួន៧២០ដុល្លារអូស្ត្រាលី (ប្រមាណ៤៧០ដុល្លារអាមេរិក) ក្នុងមួយម៉ែត្រការ៉េក្នុងមួយឆ្នាំ ឬស្មើនឹង៣៩,២ដុល្លារអាមេរិកក្នុងមួយម៉ែត្រការ៉េក្នុងមួយខែ។
យោងតាមរបាយការណ៍របស់ក្រុមហ៊ុនប្រឹក្សាយោបល់អចលនទ្រព្យ Cushman & Wakefield បានឱ្យដឹងថា ផលចំណេញពីការវិនិយោគលើទីផ្សារការិយាល័យនៅតំបន់ពាណិជ្ជកម្មកណ្តាលក្នុងទីក្រុងស៊ីដនីបានស្ថិតក្នុងសភាពទ្រឹងក្នុងអត្រាចន្លោះពី៧,២៥ភាគរយទៅ៨ភាគរយចាប់តាំងពីត្រីមាសទី៤ ឆ្នាំមុន៕ប្រភព: Cushman& Wakefield៕
 នៅទីក្រុងស៊ីដនីរបស់ប្រទេសអូស្ត្រាលីបានជួបប្រទះការលំបាក ខណៈអត្រាការិយាល័យទំនេរបានកើនឡើងពី១២,៨ភាគរយដល់ក្នុងរង្វង់១៣,១ភាគរយនៅត្រីមាសទី២ ឆ្នាំ២០២៥។){kind=link}