ដោយៈ ម៉ាណេត
ភ្នំពេញៈ ក្រុមហ៊ុនបុត្រសម្ព័ន្ធ HLH Agri International របស់ក្រុមហ៊ុនអភិវឌ្ឍអចលនទ្រព្យ Hong Lai Huat Group របស់សឹង្ហបុរី នឹងលក់ភាគហ៊ុនទាំងអស់របស់ខ្លួននៅក្នុងក្រុមហ៊ុន HLH Agri R&D ដោយគិតជាទឹកប្រាក់សរុបចំនួន ៤,៨ លានដុល្លារសិង្ហបុរី ដើម្បីផ្តោតលើការវិនិយោគនៅកម្ពុជា។ នេះបើយោងតាមការចេញផ្សាយរបស់គេហទំព័រ Business Times នៅថ្ងៃទី៦ ខែមិថុនា ឆ្នាំ២០២១។
ក្រុមហ៊ុន HLH Agri R&D គឺជាម្ចាស់ស្របច្បាប់នៃរមណីយដ្ឋានកសិកម្ម កិច្ចសន្យាជួលរយៈពេល២០ឆ្នាំ ដែលប្រតិបត្តិការក្រោមឈ្មោះថារមណីយដ្ឋានកសិកម្ម Gallop Kranji Farm Resort ដែលមានទីតាំងនៅតំបន់ 10 Neo Tiew Lane 2 ហើយបច្ចុប្បន្នត្រូវបានជួលដោយក្រុមហ៊ុន Blue Dolphin ដែលជាភ្នាក់ងារគ្រប់គ្រងរមណីយដ្ឋានកសិកម្មចាប់ពីថ្ងៃទី១ ខែកក្កដា ឆ្នាំ២០១៨ ដល់ថ្ងៃទី៣០ ខែមិថុនា ឆ្នាំ២០២១។
ការប្រកាសលក់នេះត្រូវបានធ្វើឡើង ខណៈក្រុមហ៊ុននេះមានគោលបំណងផ្តោតការយកចិត្តទុកដាក់ទាំងស្រុងទៅលើអាជីវកម្មរបស់ខ្លួននៅក្នុងប្រទេសកម្ពុជា ដើម្បីបង្កើនការខិតខំប្រឹងប្រែងរបស់ខ្លួន ក្នុងការពង្រឹងជំហរហិរញ្ញវត្ថុរបស់ខ្លួន។
បច្ចុប្បន្ន ជាង៩៥ភាគរយ នៃប្រតិបត្តិការអាជីវកម្មរបស់ក្រុមហ៊ុននេះត្រូវបានផ្តោតលើប្រទេសកម្ពុជាក្នុងវិស័យជាច្រើន ដូចជាអចលនទ្រព្យ និងកសិកម្ម ខណៈ៥ ភាគរយទៀតនៅសេសសល់ជាកន្លែងកំសាន្តកសិកម្ម ដែលគ្រប់គ្រងដោយក្រុមហ៊ុន HLH Agri R&D។
ក្រុមហ៊ុនបានឱ្យកាលពីថ្ងៃអាទិត្យកន្លងមកនេះ ការលក់នេះនឹងផ្តល់ផលប្រយោជន៍ដល់ក្រុមហ៊ុនក្នុងរយៈពេលវែង។
ក្រុមហ៊ុន HLH Agri International បានឈានដល់កិច្ចព្រមព្រៀងលក់ទិញជាមួយក្រុមហ៊ុន Gallop Green ដែលជាក្រុមហ៊ុនផលិតគ្រឿងសមុទ្រ និងគ្រប់គ្រងកាកសំណល់ សម្រាប់ការលក់ភាគហ៊ុនទាំងស្រុងរបស់ក្រុមហ៊ុន HLH Agri R&D ដែលមានភាគហ៊ុនចំនួន១២,៦លានហ៊ុន៕
