ដោយៈ ជេស៊ីកា
ភ្នំពេញៈ ក្រុមអ្នកស្និទ្ឋនឹងអ្នកចចារកម្ពុជា ក្នុងការនាំMaster Franchise ហាងMcDonald មកកម្ពុជាបានជួបរឿងបរាជ័យ និងការខកចិត្ត។
ប្រភពព៌តមានដែលគួរឲ្យទុកចិត្ត បានមានប្រសាសន៍ឲ្យដឹងកាលពីសប្តាហ៍មុនថា ការរៀបចំផែនការយកក្រុមហ៊ុន អាហារហ័សទាន់ចិត្តMcDonald មកកាន់ទីផ្សារកម្ពុជានៅឆ្នាំ២០២៣ បានជួបរឿងខកចិត្ត ដោយសារក្រុមហ៊ុនលំដាប់យក្សនេះ បានដាក់លក្ខខ័ណ្ឌជាច្រើន ហើយពួកគេមិនទាន់សម្រេចចិត្តមកកាន់ទីផ្សារនេះនៅឡើយទេ។
ប្រភពព៌តមានដដែលបានឲ្យដឹងទៀតថា “ក្រុមហ៊ុនគ្រប់គ្រងហាងMcDonald បាននិយាយថាទីផ្សារកម្ពុជានៅតូចនៅឡើយ ពួកគេបានដាក់លក្ខខ័ណ្ឌជាច្រើន ពួកគេមិនទាន់សម្រេចចិត្តមកនៅឡើយទេ”។
អ្នកជំនួញដែលគ្រោងនាំយកហាង អាហាររហ័សទាន់ចិត្តMcDonald មកកម្ពុជា ជាអ្នកជំនួញជោគជ័យមួយរូប ដែលមានក្រុមហ៊ុនរាប់ភ្លេចនៅក្នុងដៃ ហើយលោក ក៏ទើបបាននាំហាងភីហ្សាថ្មីមួយមកកាន់កម្ពុជា ខណៈលោកមានភោជនីយដ្ឋានល្បីឈ្មោះ និងបានពង្រីកសាខាជាច្រើននៅកម្ពុជា។
ប្រភពគួឲ្យទុកចិត្តបានដដែលបានឲ្យដឹងទៀតថា ក្រុមហ៊ុនលំដាប់យក្សMcDonaldបាននឹងចូលមកកម្ពុជា ក្នុងពេលវេលាសមស្របណាមួយ ប៉ុន្តែមិនមែនឆ្នាំ២០២៣ដូចការគ្រោងទុកនៅឡើយទេ
