ដោយៈ គង់ សូរិយា
ភ្នំពេញៈ ជាមួយទស្សនវិស័យវែងឆ្ងាយ និងការសម្រេចចិត្តដ៏ត្រឹមត្រូវមួយ លោកឧកញ៉ាឈាង រ័ត្នអ្នកគ្រប់គ្រងទូទៅនៃបុរីបុស្បាបាន និងកំពុងសម្រេចក្តីសុបិនសម្រាប់អតិថិជន។
តើអ្វីជាក្តីសុបិនសម្រាប់អតិថិជន? លោកឧកញ៉ាឈាង រ័ត្នបានលើកឡើងកាលពីដើមសប្តាហ៍នេះថា មុនសម្រេចចិត្តវិនិយោគលើបុរីនេះឡើង យើងបានគិតគូមុនគេពីការរចនាម៉ូតផ្ទះ ដើម្បីឲ្យសមស្របនឹងរសនិយមសម័យថ្មី សិក្សាពីបររិស្ថាន ដើម្បីធ្វើយ៉ាងណាឲ្យផ្ទះនិមួយៗសាងសង់ឡើងមានភាពស្រស់ស្អាតផង មានផាសុខភាពក្នុងការរស់នៅផង និងគិតគូរដល់ភាពសុខដុមរបស់អ្នករស់នៅ តាមរយៈការសាងសង់ដោយមានបង្អួច និងម៉ូតផ្ទះធំ ស្រលះល្អ ដើម្បីឲ្យពន្លឺ និងខ្យល់ចេញចូលគ្រប់គ្រាន់។
លោកបន្តថា “ការកសាងគុណតម្លៃបុរីមួយ មិនមែនគិតពីប្រាក់ចំណេញតែម្យ៉ានោះទេ ប៉ុន្តែយើងគិតគូរធ្វើយ៉ាងណាឲ្យផ្ទះ និងសហគមន៍របស់យើងមានភាពរីកចម្រើន និងផាសុខភាព”។ លោកបន្តថា “យើងបានគិតគូពីហេដ្ឋារចនាសម្ព័ន្ឋធំទូលាយ និងដាំដើមឈើព៌ណខៀវស្រង៉ាត់ ដើម្បីឲ្យអ្នករស់នៅផ្សារភ្ជាប់ជីវិតជាមួយធម្មជាតិស្រស់បំព្រង”។
បុរីបុស្បាមានទីតាំងស្ថិតនៅសង្កាត់ព្រៃវែង ខ័ណ្ឌដង្កោ រាជធានីភ្នំពេញ ជាតំបន់មួយដែលមានសហគមន៍ពាណិជ្ជកម្មព័ទ្ឋជុំវិញ ដូចជាផ្សារទំនើបAEON Mall3 ផ្សារLucky ភោជនីយដ្ឋានទំនើបៗ និងសហគមន៍ពាណិជ្ជកម្មជាច្រើនទៀត ពិសេសតំបន់នេះមានភាពងាយស្រួលក្នុងការតភ្ជាប់ជាមួយផ្លូវក្រវ៉ាត់ក្រុងទី២ និងទី៣ ផ្លូវជាតិលេខ២ លេខ៣ ផ្លូវជាតិលេខ៤ជាដើម។
លោកឧកញ៉ាឈាង រ័ត្នបានបន្តថា ដោយសារសិក្សាពីរសនិយម និងចំណង់ចំណូលចិត្តរបស់អតិថិជនបែបនេះហើយ ទើបយើងសម្រេចបាននូវវឌ្ឍនភាពនៃការសាងសង់ និងការបញ្ជាទិញពីអតិថិជនយ៉ាងច្រើន ធ្វើឲ្យគំរោងរបស់យើងលក់បានលឿន និងសម្រេចបានតាមផែនការដែលបានគ្រោងទុក ទោះបីជាមានវិបត្តិមួយចំនួនកើតមាននៅលើសាកលលោកក្តី៕
