ដោយ: គង់ លាងហួរ
អន្តរជាតិ: យោងតាមទិន្នន័យបឋមបានបង្ហាញថា ការលក់អចលនទ្រព្យលំនៅដ្ឋានរបស់ប្រទេសចិនបានបន្តធ្លាក់ចុះនៅក្នុងខែឧសភា ដែលជាសញ្ញាបង្ហាញថា ការធ្លាក់ចុះនៃទីផ្សារអចលនទ្រព្យនៅតែមានផលប៉ះពាល់លើសេដ្ឋកិច្ច ដែលទទួលរងសម្ពាធពីបញ្ហាបរិត្តផរណា និងភាពតានតឹងពាណិជ្ជកម្ម។
ទំហំទឹកប្រាក់សរុប ដែលបណ្តាក្រុមហ៊ុនអចលនទ្រព្យធំៗចំនួន១០០ ទទួលបានពីការលក់ផ្ទះថ្មីពី បានធ្លាក់ចុះ៨,៦ភាគរយធៀបនឹងឆ្នាំមុនមកនៅត្រឹម២៩៤,៦ពាន់លានយ័ន(ប្រមាណពាន់លានដុល្លារ) បន្ទាប់ពីបានធ្លាក់ចុះ៨,៧ភាគរយនៅក្នុងខែមេសា។ នេះបើយោងតាមការគណនាដោយផ្អែកលើទិន្នន័យបឋមរបស់ក្រុមហ៊ុន China Real Estate Information Corp។
ការណ៍ដែលសហរដ្ឋអាមេរិកបានទម្លាក់ពន្ធគយលើទំនិញចិនមកនៅត្រឹម៣០ភាគរយជាបណ្តោះអាសន្នមិនបានជះផលវិជ្ជមានខ្លាំងលើសេដ្ឋកិច្ចចិនឡើយ ដោយសារការធ្លាក់ចុះនៃតម្លៃទំនិញ ឬវិបត្តិបរិត្តផរណា បានជះផលប៉ះពាល់ដល់ប្រាក់ចំណេញរបស់ក្រុមហ៊ុនសាជីវកម្មនានា និងប្រាក់ចំណូលរបស់បុគ្គលិក។
