ដោយៈ ចំណាន
ព្រះសីហនុៈ អភិបាលនៃគណៈអភិបាលខេត្តព្រះសីហនុ លោកម៉ាង ស៊ីណេត បានអញ្ជើញដឹកនាំក្នុងកិច្ចប្រជុំ អនុគណៈកម្មាធិការវិនិយោគខេត្តដើម្បីពិនិត្យ និងអនុម័តលើសំណើសុំបង្កើតរោងចក្រផលិតកេសកាតុង ផលិតផលធ្វើពីក្រដាសសម្ភារវេចខ្ចប់ និងសម្ភារបន្ទាប់បន្សំគ្រប់ប្រភេទ។
គំរោងវិនិយោគនេះ ជារបស់ក្រុមហ៊ុន ហ៊ី យីង ភែកឃីជីង (ខេមបូឌា) ឯ.ក ដែលមានទៅតាំងនៅអគារលេខ F-1 ភូមិអូរចំណារ សង្កាត់អូរឧកញ៉ាហេង ក្រុងកំពង់សោម ខេត្តព្រះសីហនុ។
គំរោងវិនិយោគនេះ ស្ថិតក្រោមសមត្ថកិច្ចរបស់អនុគណៈកម្មាធិការវិនិយោគខេត្ត ដែលមានសិទ្ឋអនុម័តគំរោងវិនិយោគ ដែលមានទឹកប្រាក់ចាប់ពី៥លានដុល្លារអាមេរិកចុះ៕
