លោក​ម៉ៅ ហាវ​ណ្ណា​ល់ និង​អ្នកឧកញ៉ា​ពុង ឃាង​សែ ចុះហត្ថលេខា​លើ​ផែនការមេ​ចុងក្រោយ​នៃ​គម្រោង​អាកាសយានដ្ឋាន​អន្តរជាតិ​ភ្នំពេញ​ថ្មី

 ដោយ​ វុត្ថា

ភ្នំពេញៈ លោកនាយ​ឧ​ត្ត​ម​សេនីយ៍ បណ្ឌិត ម៉ៅ ហាវ​ណ្ណា​ល់ រដ្ឋមន្ត្រី​ប្រតិភូ​អម​នាយករដ្ឋមន្ត្រី ទទួលបន្ទុក​រដ្ឋលេខា​ធិ​ការដ្ឋាន​អាកាសចរ​ស៊ីវិល និង​អ្នកឧកញ៉ា ពុង ឃាង​សែ​បានន​នៅ​ថ្ងៃទី៣ កក្កដា​កន្លងមកនេះ បាន​ចុះហត្ថលេខា លើ​ផែនការមេ​សាងសង់​ចុងក្រោយ នៃ​អាកាសយានដ្ឋាន​អន្តរជាតិ​ភ្នំពេញ​ថ្មី។

អាកាសយានដ្ឋាន​អន្តរជាតិ​ថ្មី​នេះ មាន​ទីតាំង​ស្ថិតនៅក្នុង ស្រុក​កណ្តាលស្ទឹង ស្រុក​ស្អាង​ខេត្តកណ្តាល និង​ស្រុក​បាទី ខេត្តតាកែវ។

គម្រោង​អាកាសយានដ្ឋាន​អន្តរជាតិ​ភ្នំពេញ​ថ្មី ស្ថាបនា​លើដី​ទំហំ​ប្រមាណ២ ៦០០ ហិកតា មាន​បណ្តោយ​ប្រមាណ៦គីឡូម៉ែត្រ និង​ទទឹង​ប្រមាណ៤គីឡូម៉ែត្រ ។ ដំណើការ នៃ​ការសាងសង់​ព្រលាន​យានដ្ឋាន​អន្តរជាតិ​ភ្នំពេញ​ថ្មី អាច​នឹង​រួចរាល់​នៅ​ឆ្នាំ២០២៣ខាងមុខនេះ។

អាកាសយានដ្ឋាន​អន្តរជាតិ​ភ្នំពេញ​ថ្មី ក្រោយពេល​សាងសង់​រួច​មាន​សមត្ថភាព​អាកាសយានដ្ឋាន​បន្ទាប់ពី​សាងសង់​រួច នៅ​ដំណាក់កាល​ទី១ ឆ្នាំ២០២៣ ទទួល​អ្នកដំនើរ១៣លាន​នាក់។ ដំណាក់កាល​ទី២ ឆ្នាំ២០៣០អាច​ទទួល​អ្នកដំណើរ៣០លាន​នាក់​និង​ដំណាក់កាល​ទី៣ នា​ឆ្នាំ២០៥០ ព្រលានយន្តហោះ​នេះ​អាច​ទទួល​អ្នកដំណើរ​បា​ន​រហូតដល់៥០លាន​នាក់។

ព្រលានយន្តហោះ​ថ្មី​នេះ វិនិយោគ​ក្នុង​ទឹកប្រាក់​ប្រមាណ១៥០០លាន​ដុល្លារ ដែលជា​ប្រភេទ 4F គឺ​ប្រភេទ​ព្រលានយន្តហោះ​ធំ ដែល​អាច​នឹង​ស្រូបយក និង​ទទួលបាន​ការហោះហើរ​ពី​ឆ្ងាយ​ឆ្លង​ទ្វីប ដែល​អាច​អនុ​ញ្ញា​ត្ត​ឲ្យ​ប្រភេទ​យន្តហោះ​ធុន​យក្ស រហូតដល់ Airbus A380-800 និង យន្តហោះ Boeing 747-800 ចុះចត​បាន។

ក្រុមហ៊ុន​វិនិយោគ​មាន​ម​ហិ​ច្ឆិ​តា អភិវឌ្ឍន៍​ជា​ព្រលានយន្តហោះ​ថ្មី​នេះ​ឲ្យ​ធំ និង​ទំនើប​ជាងគេ​នៅ​តំបន់​អាស៊ី៕