ដោយៈសុខុម
ក្រុងបាងកកៈ ទីក្រុងបាងកក ប្រទេសថៃបានក្លាយជាទីទីផ្សារការិយាល័យធូរថ្លៃបំផុតទី៧ ក្នុងតំបន់អាស៊ីប៉ាស៊ីហ្វិក ជាមួយនឹងអត្រាតម្លៃ២១.៣៩០ បាត (៧១៣ ដុល្លារអាមេរិក) ក្នុងមួយម៉ែត្រការ៉េ ពោលគឺធូរថ្លៃជាង១៧០% ធៀបនឹងទីផ្សារក្រុងតូក្យូ ដែលជាប់ចំណាត់ថ្នាក់ថ្លៃបំផុត។ នេះបើយោងតាមក្រុមហ៊ុនប្រឹក្សាយោបល់ ផ្នែកអចលនទ្រព្យ JLL Thailand។
លោកStephen Taylorនាយកគ្រប់គ្រងគម្រោង និងសេវាកម្មអភិវឌ្ឍន៍ បានលើកឡើងថា អត្រាថ្លៃឈ្នួលការិយាល័យក្នុងក្រុងបាងកក ប្រទេសថៃនៅថេរល្អ ទោះបីជាមានការប្រកួតប្រជែងតម្លៃ ក្នុងចំណោមក្រុមហ៊ុនផ្ដល់សេវាកម្មសំណង់ និងក្រុមហ៊ុនម៉ៅការសំណង់យ៉ាងណាក្ដី។
អ្នកជួលជាច្រើនបានបន្តកិច្ចសន្យាជួល ខ្លះកាត់បន្ថយបុគ្គលិក និងខ្លះទៀតកាត់បន្ថយទំហំការិយាល័យ ដើម្បីកាត់ចំណាយ ស្របពេលបុគ្គលិកធ្វើការពីផ្ទះក្នុងសម័យកូវីដ-១៩។
លោកស្តេហ្វិន ថាយល័របញ្ជាក់ថា “យើងរំពឹងថា ទំនោរទាំងនេះនឹងបន្តក្នុងឆ្នាំ២០២១។ អត្រាថ្លៃឈ្នួលការិយាល័យ ក្នុងទីផ្សារការិយាល័យសំខាន់ៗភាគច្រើន នៅក្នុងតំបន់អាស៊ីប៉ាស៊ីហ្វិក នឹងកើនឡើងបន្ថែមទៀតក្នុងឆ្នាំ២០២១”។
យោងតាមរបាយការណ៍ Asia-Pacific Fit-Out Cost Guide 2020/2021 (ថ្លៃឈ្នួលការិយាល័យនៅអាស៊ីប៉ាស៊ីហ្វិក សម្រាប់ឆ្នាំ២០២០/២០២១) ចេញដោយក្រុមហ៊ុន JLL Thailand ឱ្យដឹងថា ក្រុងតូក្យូ ប្រទេសជប៉ុន ជាទីផ្សារការិយាល័យថ្លៃខ្ពស់បំផុតរយៈពេល៤ឆ្នាំជាប់ៗគ្នា ជាមួយអត្រាតម្លៃទិញ១.៩២៧ ដុល្លារក្នុងមួយម៉ែត្រការ៉េ ធៀបនឹងថ្លៃឈ្នួលជាមធ្យមក្នុងតំបន់ត្រឹម១.០០១ ដុល្លារ។
អត្រាតម្លៃនៃទីតាំងការិយាល័យ ក្នុងក្រុងបាងកក ថ្លៃជាង១៣,៤% ប៉ុណ្ណោះធៀបនឹងអត្រាទាបបំផុតនៅក្រុងអាមេដាបាដ (Ahmedabad) ប្រទេសឥណ្ឌា (៦១៧ ដុល្លារ)។
របាយការណ៍នេះបង្ហាញថា ថ្លៃការិយាល័យជាមធ្យម បានកើនឡើង៤,៧% ឆ្នាំធៀបឆ្នាំនៅទូទាំងតំបន់ ក្រោយប្រឈមកង្វះកម្លាំងពលកម្ម កង្វះនៃការគិតគូរពីសុខភាព និងសុវត្ថិភាព ព្រមទាំងការដឹកជញ្ជូនឡើងថ្លៃ៕
ទីផ្សារការិយាល័យនៅទីក្រុងបាងកកជាប់ឈ្មោះជាទីផ្សារការិយាល័យតម្លៃ
ទាបជាងគេទី៧ក្នុងតំបន់
ដោយៈសុខុម
ក្រុងបាងកកៈ ទីក្រុងបាងកក ប្រទេសថៃបានក្លាយជាទីទីផ្សារការិយាល័យធូរថ្លៃបំផុតទី៧ ក្នុងតំបន់អាស៊ីប៉ាស៊ីហ្វិក ជាមួយនឹងអត្រាតម្លៃ២១.៣៩០ បាត (៧១៣ ដុល្លារអាមេរិក) ក្នុងមួយម៉ែត្រការ៉េ ពោលគឺធូរថ្លៃជាង១៧០% ធៀបនឹងទីផ្សារក្រុងតូក្យូ ដែលជាប់ចំណាត់ថ្នាក់ថ្លៃបំផុត។ នេះបើយោងតាមក្រុមហ៊ុនប្រឹក្សាយោបល់ ផ្នែកអចលនទ្រព្យ JLL Thailand។
លោកStephen Taylorនាយកគ្រប់គ្រងគម្រោង និងសេវាកម្មអភិវឌ្ឍន៍ បានលើកឡើងថា អត្រាថ្លៃឈ្នួលការិយាល័យក្នុងក្រុងបាងកក ប្រទេសថៃនៅថេរល្អ ទោះបីជាមានការប្រកួតប្រជែងតម្លៃ ក្នុងចំណោមក្រុមហ៊ុនផ្ដល់សេវាកម្មសំណង់ និងក្រុមហ៊ុនម៉ៅការសំណង់យ៉ាងណាក្ដី។
អ្នកជួលជាច្រើនបានបន្តកិច្ចសន្យាជួល ខ្លះកាត់បន្ថយបុគ្គលិក និងខ្លះទៀតកាត់បន្ថយទំហំការិយាល័យ ដើម្បីកាត់ចំណាយ ស្របពេលបុគ្គលិកធ្វើការពីផ្ទះក្នុងសម័យកូវីដ-១៩។
លោកស្តេហ្វិន ថាយល័របញ្ជាក់ថា “យើងរំពឹងថា ទំនោរទាំងនេះនឹងបន្តក្នុងឆ្នាំ២០២១។ អត្រាថ្លៃឈ្នួលការិយាល័យ ក្នុងទីផ្សារការិយាល័យសំខាន់ៗភាគច្រើន នៅក្នុងតំបន់អាស៊ីប៉ាស៊ីហ្វិក នឹងកើនឡើងបន្ថែមទៀតក្នុងឆ្នាំ២០២១”។
យោងតាមរបាយការណ៍ Asia-Pacific Fit-Out Cost Guide 2020/2021 (ថ្លៃឈ្នួលការិយាល័យនៅអាស៊ីប៉ាស៊ីហ្វិក សម្រាប់ឆ្នាំ២០២០/២០២១) ចេញដោយក្រុមហ៊ុន JLL Thailand ឱ្យដឹងថា ក្រុងតូក្យូ ប្រទេសជប៉ុន ជាទីផ្សារការិយាល័យថ្លៃខ្ពស់បំផុតរយៈពេល៤ឆ្នាំជាប់ៗគ្នា ជាមួយអត្រាតម្លៃទិញ១.៩២៧ ដុល្លារក្នុងមួយម៉ែត្រការ៉េ ធៀបនឹងថ្លៃឈ្នួលជាមធ្យមក្នុងតំបន់ត្រឹម១.០០១ ដុល្លារ។
អត្រាតម្លៃនៃទីតាំងការិយាល័យ ក្នុងក្រុងបាងកក ថ្លៃជាង១៣,៤% ប៉ុណ្ណោះធៀបនឹងអត្រាទាបបំផុតនៅក្រុងអាមេដាបាដ (Ahmedabad) ប្រទេសឥណ្ឌា (៦១៧ ដុល្លារ)។
របាយការណ៍នេះបង្ហាញថា ថ្លៃការិយាល័យជាមធ្យម បានកើនឡើង៤,៧% ឆ្នាំធៀបឆ្នាំនៅទូទាំងតំបន់ ក្រោយប្រឈមកង្វះកម្លាំងពលកម្ម កង្វះនៃការគិតគូរពីសុខភាព និងសុវត្ថិភាព ព្រមទាំងការដឹកជញ្ជូនឡើងថ្លៃ៕
